أكلة بسكرية 100/100 ** البردانين و الجوعانين و الزعفانين يدخلو** - الصفحة 2

~ حراير ~ · 2013-01-17, 16:19

اقتباس:

المشاركة الأصلية كتبت بواسطة وصال7

يعطيك الصحة بارك حبيت نسالك على الفتات او الشواط ماهو سر البساكرة فىه يجى روعة ممكن تحطينا طريقة صنع اناكليت شخشوخةالبساكرة

والله ماكان حتى سر اختي وشي هو يليق تكون مدلوكة و معجونة مليح باش تتنجمي تحليها
و لكن نقولك حاجة كان ماتعرفيش مليح ما تحشميش و كيما تقول والدتي ياك راح تفتيها مش راح تحطيها مدورة في المعرض هيهيهيهيهيهيهيهيه
قوليلي برك وش من شكل تجيك مستطيل مربع مثلث
و شحال من مرة حكمتي الشكل الدائري هيههيهيهيهيهيهيه
نورمال كامل فتنا على هادي الفترة تاع يجيك كل الأشكال غير الدائري

اقتباس:

المشاركة الأصلية كتبت بواسطة bant khlil

واشي هذا يا ليلى كنت نظن بلي غير سمرا لي دير الطياب ههههههههههههههههههه
الله يسلم ويحفظ هذوك اليدين كل صبع بصنعة
ليلى واش هو المرمز احنا لي نقولولو المرمز الشعير نفوروه قداه مرة ونرحيوه ونصفوه بصح احنا نديروه شربة
تحيا ليلى زيديلنا من هذه الاكلات

شكرا شكرا اختي بنت خليل
فرحت بردك بزاف ان شاء الله نهار الي نفرحو بزيادتك بخير و بسلام و لا عمودي لا افقي هيهيهيهيهيهيه
بالنسبة للقدرة فعلا طيابها رووووووووووعة و زيد كي طفي عليها تشد السخانة و تقعد ويييييين و هي تبقبق تقولشي مازالت فوق النار

اقتباس:

المشاركة الأصلية كتبت بواسطة tong2

دخلــــــــــــــــت زعفــانـــــــــــة
شفــــــــــــــت الرقـاق واااااااااااااو

يعـــــــطيك الصــــــــحة

الله يسلمك حبوبة
شكرا لمرورك و يعطيك الصحة على ردك
شفتي شفتي كيفاش فتتو خشين تقولشي راح نشربو بيه القهوة هيهيهيهيهيهيهيه

وفاء سعاد · 2013-01-17, 13:55

ليلى اختي راكي دخلتي للقسم دخلة تقيلة من جميع النواحى من طريقة التقديم للاواني كلشي تقليدي نعطيك 10على 10

fati 17 · 2013-01-17, 14:08

تسلم الايادي شهيتينا نموت على البوتشيش وخاصة

~ حراير ~ · 2013-01-17, 16:26

اقتباس:

المشاركة الأصلية كتبت بواسطة وفاء سعاد

ليلى اختي راكي دخلتي للقسم دخلة تقيلة من جميع النواحى من طريقة التقديم للاواني كلشي تقليدي نعطيك 10على 10

اولالا 10 من 10 من عند لقسمطينية الحرة خلاص الغرور تاعي راهو واصل للطوب

هادي راهي اكثر اكلة بسكرية و نقولك الصح نطيبوها في البرد و السخانة و نهار الي نطيبوها في رمضان هاداك وين نقولو بلي فطرنا

و هي كيما المرقريتا تاع الطاليان يعني اكلة للفقراء و الأغنياء يحبوها على حد سواء

اقتباس:

المشاركة الأصلية كتبت بواسطة fati 17

تسلم الايادي شهيتينا نموت على البوتشيش وخاصة

الله يسلمك يا فاتي هاه تنجمي انت طيبي وحدة كيفها لخويا البسكري؟

أم عائشة · 2013-01-17, 20:10

يعطيك الصحة بنت ولايتى على هذا القصعة حنا البساكرة نحبوا غير الرقاق وماكلة العجائن فى البرد وما تنساوش الحااااار

كريمة جزائرية · 2013-01-20, 10:29

اكلة روعة نعشق نكهة التشيشة ونموت في الرقائق كل جميل شهيتينا

~ حراير ~ · 2013-01-20, 21:55

اقتباس:

المشاركة الأصلية كتبت بواسطة ام اروى 2

اللهم اغفر لها ..اللهم أحسن خاتمتها.. وأدخلها الجنه
اللهم اغفر لوالديها وارحمهما وادخلهما جناتك برحمتك يا أرحم الراحمين
اللهم أصلح ذريتها

اللهم آمين اللهم آمين لينا و لكل امة محمد
يا اختي لعزيزة ام اروى نبشرك انه بجنبك ملك يقولك و لك مثل ذلك فهنيئا لك بدعاء الملائكة عزيزتي
نشكرك كثير كثير على الدعاء و على كلاماتك الطيبة الي فرحت قلبي

اقتباس:

المشاركة الأصلية كتبت بواسطة كريمة جزائرية

اكلة روعة نعشق نكهة التشيشة ونموت في الرقائق كل جميل شهيتينا

سامحيني يا كريمة وسهمك في الجنة ان شاء الله خسارة كون جيتي بحداية راني بعثتلك راني كي نطيب نزرد "يعني نكثر فوق القيمة" كيما يقولك هاداك المثل "كل مراقة مرزاقة" :d

oum anas 69 · 2013-01-17, 14:34

mmmmmmmmmmm nta3 bard w jou3 w z3af ana hiya hhhhhhhhh ani 3and babak hali 3liyahhhhhhhhhhhhh
ya3tik asaha okhti

أم ماجد · 2013-01-17, 14:59

هاذي دخلة غير هاك يعطيك الصحة اعجبتني طريقة التقديم

ام امجد14 · 2013-01-17, 15:45

الله الله عليك يا ليلوشة عشرة على عشرة

~ حراير ~ · 2013-01-17, 16:32

اقتباس:

المشاركة الأصلية كتبت بواسطة oum anas 69

mmmmmmmmmmm nta3 bard w jou3 w z3af ana hiya hhhhhhhhh ani 3and babak hali 3liyahhhhhhhhhhhhh
ya3tik asaha okhti

الله يسلمك و يهنيك و يحفظلك انس يا ام انس
ياله راني رايحة نحل الباب

و الا نقولك سر
احنا في بسكرة معظم الوقت مانفرموش بابنا نحطو ريدو برك هيهيهيهيهيهيه
و الي يحب يدخل يدخل غير ينحنح

اقتباس:

المشاركة الأصلية كتبت بواسطة أم ماجد

هاذي دخلة غير هاك يعطيك الصحة اعجبتني طريقة التقديم

شفتي شفتي ام ماجد
راني قلت نعمرلكم كروشكم ماتلقاوش منين تخرجو من عندي

تقعدو غير في بسكرة لحلوة حلاوة الدقلة البيضا

اقتباس:

المشاركة الأصلية كتبت بواسطة ام امجد14

الله الله عليك يا ليلوشة عشرة على عشرة

الله يسلمك ام امجد اختي راني عارفة بلي ماعندكمش الماكلة الثقيلة كيما هك راكي تقولي في قلبك واشي هدا
بصح نوعدك المرة الجاية تكون مفاجئة خفيفة و بنينة
غير اقعدو معايا

zahra rose · 2013-01-17, 15:56

اعطيك الصحة اختي شهيتينا حنا عدنا نفس الطبق ما يكونش بالفول واللفت يكون غير تشيشة نفس المكونات

samia76 · 2013-01-17, 16:00

الله يسلم هاذوك ليدين

فراشات العمر · 2013-01-17, 16:03

ليلى ركي سيحتي لعابهم راهم اكل سخفو

نبض الفؤاد · 2013-01-17, 16:05

ليلى يعطيك الصحة ويبارك في بنياتك جات قصعة العود في وقتها سخونة وحارة الله الله عليها
ما شاء الله