هل انا ام غير حنونة اجيبوني

[sali-sali]

ادا كل مرة تتفقديهم امر عادي خاصة الاصغر سنا عامين يلزم كل وقت تتفقديه

ولا علاقة للامر بالحنانة
قادرة تبقاي في الغرفة نتاعهم حتى ينامو و تروحي للغرفة نتاعك

[ام محمّد]

طريقتك صحيحة اختي وانا غلطت غلطة جارتك كنت نرقدهم حدايا في الفراش وذلك لسببين اولا ضيق السكن وثانيا هدرة المحيطين بيا لاني كنت عايشة وسط عايلة ومكانش وين نرقدهم ما غير الصالة او عند جداتهم بصح نفس المشكلة وهما في عمر السنتين قررت نرقدهم بعيد لكن فالليل يجوني يجرو يرقدو حتى للصباح ودرك الحمد الله ربي وسع علي بصح عندي نفس المشكلة لاني لما نرقدهم في غرفتهم اول ما يفطنوا يجو انا عدت نرقدهم معايا في الغرفة بصح وحدهم وثاني كي يفطنو في الليل يجو يطلعو في الفراش زيد راني حامل في السابع فتخيلي الوضع بعد الولادة المهم اختي ربي يخليلك وليداتك واللي يبدا صح ما يندمش وربي يعيني حتى نغير لهم طبعم قبل مانولد خاصة انمهم صغار واحد 4 والثاني 2
واذا عندك نصيحة لي ماذابيك

[ツღعـصُـ♥ـوِݦۑツღ]

ربي يفرج اختي

[ام دعاء ومارية]

السلام عليكم لا ليست الحنان في نوم الطفل بجانب الام

لكن كل واحد وضرفه بنسبة لي 6سنوات رقدو وحدهم عندي بنت 4ونصف

انوي ان تنام مع اختها الكبيرة

[نبض الفؤاد]

ما عندها حتى علاقة بالحنان وانما هي هواجس وحب زايد شوية على العادي لا يفيدهم شيئا بل قد يضرهم

[zhor1970]

حبيبتي راكي علي الطريقة الصحيحة لولاد لازم يتعودوز يرقدوا وحدهم وهذا نوع من انواع الاعتماد علي النفس من الصغر انا بناتي ربيتهم يرقدو وحدهم ماللي يكون عندهم6اشهر ومكانش ام اللي ماعندهاش حنانة علي اولادها بالعكس الي اولادها يرقدوا وحدهم هي اللي تكون حنينة اكثر تنوض فالليل وتروح وترجع وتتعب اكثر ون اللي ترقدهم قدامها وغير تطل عليهم وهي راقدة وايضا من باب الحياء والاخلاق والتربية الاطفال ميرقدوش مع والديهم

[amira19]

ديجا مستحيل ترقديهم معاك وين راهي الخصوصية بينك و بين راجلك هكمدا يخرجولك اصحاء نفسيا مي كون يرقدو معاك قادرين كشما يشوفو و يتعقدو نفسيا و زيد يخرجو لازقين فيك بزاف و ميش معتمدين على روحهم برافو عليك

[حياتي نبع امل]

المشاركة الأصلية كتبت بواسطة amira19

ديجا مستحيل ترقديهم معاك وين راهي الخصوصية بينك و بين راجلك هكمدا يخرجولك اصحاء نفسيا مي كون يرقدو معاك قادرين كشما يشوفو و يتعقدو نفسيا و زيد يخرجو لازقين فيك بزاف و ميش معتمدين على روحهم برافو عليك

ههههههههههههههههههههههههههههههههههههههههه
يتعقدو نفسيا ههههههههه علاش فلم رعب تخيلت وحد الصوالح هههههههههه
المهم حتى انا ضد فكرة الاطفال يرقدو معايا وهدي لا علاقة لها بالحنانة

[dala3 dalou3a]

عندها الحق عامين صغير اما 6 سنوات عادي لانو ممكن يشوف كوابيس انا نشوف في خاوتي الصغار ينوضو في الليل و يحبو يرقدو بجنب ماما مع انو يرقدو معاها في نفس الغرفة الصغار يحبو الحنان حبيت نسالك انت قلتي قبل ما يغلق العام يرقد وحدو كيفاه انتيا ما ترضعيش و اذا كنت ما ترضعيهمش عوضيهم عن حنان الصدر بالنوم بجنبك و انت حرة اختي بالصح هكا احسن للصغار

[فانيسا]

من الافصل متولفوش لاولادكم يرقدو معاكم هكدا تجيكم صعيبة باش تخرجوهم وزيد الرسول عليه الصلاة والسلام وصى باخراج الطفل من الغرفة لانه فيه احراج ،عندي صاحبتي بنتها عمرها 3سنوات ترقد معاها هدرتلها حوايج شفتهم فيالليل بقات المرة مخلوعة في بالها راقدة وهي تتفرج فيهم من بعد هده الحادثة قررت تخرجها من الغرفة

[nina love]

المشاركة الأصلية كتبت بواسطة فانيسا

من الافصل متولفوش لاولادكم يرقدو معاكم هكدا تجيكم صعيبة باش تخرجوهم وزيد الرسول عليه الصلاة والسلام وصى باخراج الطفل من الغرفة لانه فيه احراج ،عندي صاحبتي بنتها عمرها 3سنوات ترقد معاها هدرتلها حوايج شفتهم فيالليل بقات المرة مخلوعة في بالها راقدة وهي تتفرج فيهم من بعد هده الحادثة قررت تخرجها من الغرفة

خخخخخ هههههه ضحكتني ياأختي شفتي الستوتة هههه

[ange du paradis]

انا مانيش متزوجة لكن راكي نتي الصحيحة راها قدييمة يااااااااااااااااااااااااسر ماتوسوسكش خلاااص بالعكس كي يكبرو معاك يجيحو ويولو خوافين بعد مستحيل يقبلو وحدهم
ياااااااااااااسر أمهات يخلطو بين الحنان والتربية

[nina love]

تفكير جاهلي خخخخخخخخخ هههه طريقتك هي الصح والمعتمدة هنا من قبل الأمهات لذلك واصلي ولا تستمعي للأخريات باه يتعلموا يعتمدو على أنفسهم .....أختي ربي يهنيك بوليداتك

[faty05]

طريقتك صحيحة و لا علاقة للامر بالحنانة و انما هذه طريقة لتعودي اولادك على عدم الخوف و الالتصاق بك دائما و زيد ابنك عندو 6 سنوات راه يعرف صلاحو وش بقالو يرقد معاك في غرفتك