فتاة كرهت الحياة - الصفحة 2

مشكلتي · 2013-01-06, 11:23

السلام عليكم ورحمة الله تعالى وبركاته
أنا وحدة عمري 20 سنة حبيت واحد عمرو 21 سنة ورانا عايشين قصة حب هايلة ومناش نتلاقاو ونيتنا في الزواج ببعضانا اذا كتب ربي , وانا السنة راح نعقب البكالوريا وزعم راني نقرا مع العلم اني عاودت الباك وهاذي تاني مرة بالنسبة ليا ومشكلتي هيا اني معنديش قدرة على التركيز ومقدرتش نقرا ديما نخمم فيه ونخمم في علاقتنا , بكري كان عندي طموح ننجح ونوصل لبعيد بصح ملي عرفتو وانا طموحي غير هو والمشكل الاكبر راني بعدت على ربي سبحانو بزاف ومتتصوروش قدماه راني كارهة ومتعبة مفهمتش هذا حب واللا هذا واش ,
راني حابة ننجح بأي طريقة ولازم ننجح بمعدل ملييييييييييييييييييييييييييييييح باه نفرح والديا وحابة نثبت لروحي بللي راني قادرة ننجح ونوصل لبعيد
حابة نقرب من ربي سبحانو ونستغفرو ونحمدو على كلش حابة نحس بللي ربي راهو راضي عليا
حابة نتزوج بحبيبي ونستقر معاه في الحلال ونكون امرأة صالحة ونجيب ولادنا ونربيهم على مبدأ صحيح
حااااااااااابة نكون مستقرة وحابة نخلي يما فرحانة بيا وحابة نخلي بابا يفتاخر بيا
حابة نحقق مبدأ التوازن في حياتي
تجربتي للبكالوريا اول مرة كانت فاشلة وتعبتني بزاف بصح عندي ايمان بللي الفشل يولد النجاح بصح اذا استغلينا هذا الفشل من ناحية ايجابية
حابة نعيش كانسان منيش حابة ناكل ونرقد ونزوج وفرات حابة نكون منتجة ومنيش حابة نكون مستهلكة
حابة نتوووووووووووووووووووووووووب ونرجع لربي سبحانووووووووووووو
حابة نكون مرأة صالحة بالدرجة الأولى وانسانة متوازنة مستقرة
حابة كي ندعي ربي ينجحني واللا يحفظلي والديا ندعية وانا صافية ندعيه وانا نستاهل الاجابة
حابة كي نموت ونروح لقبري تكون اخر كلمة اشهد ان لا اله الا االله واشهد ان محمد رسول الله
حابة كي توضع في السيرة الذاتية تاعي طالبة تكون وراء هاذي الكلمة ثقافة ومعلومات وعلم
منيش حابة نغلط ونجرح والديا ومنيش حابة نتألم ومنيش حابة نستسلم
ربي يحفظكم انصحوني ادعيولي اي كلمة تصدر منكم قادرة تغيرلي بزززززززززززاااااااااااااااف
السلام عليكم