تحلية بالبرتقال لن تندمي عليها - الصفحة 2

امل43 · 2013-01-04, 12:32

السلام عليكم يا حلويات المنتدى

كيفكم؟؟؟؟ وكيف الصحة ان شاء الله بخير كااااامل

اليوم حبيت نقدملكم ديسير او تحلية بالبرتقال يعني انتهزت الفرصة بما انو موسم البرتقال

انا استعملت عصير البتقال الطبيعي لكن تقدري تعوضيه بالعصير الي يتباع مثل رامي

نخليكم مع الصور ومن بعد نمدلكم الطريقة والمقادير ايا بسم الله

المقادير

6 الى 10 حبات برتقال انا استعملت البرتقال الي رخيس يعني الي صالح للعصير موشي الطومسو ههههه

على خاطر الطومسو مكلفة وزيد غير للاكل موشي للشرب هههه

البرتقال حسب الرغبة يعنبي من 6 حبات الى ماتريدين
كاس ونص ماء
كاس سكر
نشاء من 3 ملاعق متوسطين الى 4 يعني حسب ماتريدين الديسير فالعقدة نتاعو انا عن نفسي نحبو يكون شوي خفيف باش يكون لذيذهههه

طريقة التحضير
تعصري حبات البرتقال انا استعملت بالعصير باللب يعني مكانش الضياع خلالالالالاص هههه انا اقتصادية هههه وزيد كي يكون باللب يكون الذ والذ، تحطي العصير فوق نار ومع السكر خليه فوق النار، وحطي كاس ونص ناع الماع مع النشاء في كاسرون وحركي حتى يذوب النشاء مع الماء وكي يغلى العصير الي مع السكر فرغي الماء نتاعك الي حطيتي فيه السكر.

واستمري بالتحريك حتى يبدى يعقد وانتي ومحبتك فالعقدة نتاع النشاء وديري حسابك كي يبرد رايح يحكم روحو ثاني يعني هزي شوي من الخليط وبرديه واشوفي اذا جمد راه مليح واذا بانلك مزالو خفيف زيديلو نشاء لكن النشاء قومي بتحليلو في شششوي ماء

وفي الاخير حطيه في غرافا نتاع الفلان وزينيه على طريقتك الخاصة اكيييييييييييييييييد مع لمسة حنيييييييييييييييييية ههههه

انا نحب نزينو بالاكرام شونتي مع فواكه
مي اليوم راني محرقة حطيت شوي تفاح برك
ههههههههههههه

ايا بصحتكم وادعيولي

لكن اكيييييييييييييييد ماتنساونيش بردودكم الحلوى