ارجوكم مشكلة حلها عندكم انتم يابنات واولاد منتدى الجلفة

[كبسولة الاحلام]

المشاركة الأصلية كتبت بواسطة sali-sali

1/ العلاقة مهما كانت وكيف ماقلتي شريفة فهي خارج اطار الدين ( ماعندناش الحق نلوموك الله غالب فاتت)

2/مهما عرفتيه و حبيتيه والله ماتوصلي انك تعرفيه مليح لانو المعرفة نتاع الصح تجي بعد العشرة

3/ هو كي عارف روحه بلا خدمة و سكن علاش يعلقك معاه 5 سنوات

يا اختي الحب نتاع الصح بعد زواج وممكن علابالي واش راكي تحسي،اهدري معاه و شوفو حل ولا كل واحد يروح في طريق بعد خمس سنوات تولي في 10 او اكتر

والاحسن صلي استخار
وكيف مايقولو ادي الرأي لي يبكيك مش الي يضحكك

بوركتي ربي يخلييك اختي على الرد
كامل وش قلتي صح فصح ===صراحة انا لشديت ومستسلمتش كان كلي امل انه قريب يفرج ربي علينا بصح رني نشوف الحال راه بعيد والوقت راه يمر

[panpouna]

اختي في الزواج ما تقوليش نتزوج بلي نعرفو خير وكيما يقولو ناس بكري الزواج كيما القمار نتي وزهرك يعني ما تقدريش تعرفي الراجل الا ادا عشتي معاه ومعرفتك بيه قبل ما تزيد والو العشرة هي الصح..و هاد الفرص لي راهم يجو دركا ما يعاودوش يرجعو و لي راكي معاه الله اعلم وقتاش يعول ولا بالاك حتى ما يعولش ويبدل رايو وما تقوليليش مستحيل يبدل رايو هادي دنيا و كل شي ممكن و نتي خمي مليح

[sarl02]

المشاركة الأصلية كتبت بواسطة كبسولة الاحلام

شكرا اختي العزيزة بوركتي راكي فاهمة معاناتي مليح والله خايفة من ضميري وقلبي ومتردة بزاف
اديعيلي تعيشي
مشكورة على الرد

ياودي خوك ماشي اختك باين بلي ليستوار تاعك هبلاتك ماكيش اتميزي.

[ange du paradis]

ياأختي اسمحيلي صراحة زايدة شوية مي طلبتي الرأي مادامك متأكدة منو اذا كنتي تحبيه صح ماتقدريش تفرطي في عشرة 5سنين كون هو يفرط فيك تحبيها؟
والمادة ماتديكش اذا ربي عاطيك معاه وديرو وتعيشو لابال في واذا موش عاطيك موش عاطيك
من رايي متلعبيش بيه اذا تحبيه صح خلي قلبك يهدر
وربي يهنيك

[ZORRO__DZ]

غريب الامر والله دعينا نختصر الطريق كما قلتي سابقاً ,,,,,,,, قلتي "... وهي مدة ليست بالقصيرة اكثر من خمس سنوات " كيفاه يحبك وفي خمس سنوات لم يستطع ان يخطو ولا خطوة في حياته؟؟؟ كيف لشاب يريد الزواج وهو لا يبحث عن عمل وكيف لك انت ان تعرفي شاب ولم تستطيعي على الأقل ان تشجعيه على العمل '' نزيد نقلك لوكان جاء فعلاً يحوس يتزوج ويبني الدار كان يبيع اللفت على جالك او يغسل السيارات '' اسمحيلي ومع كل احترماتي للشخص لكن هذا هو الحال


كيفاه شاب يحبني ونحبو ولكن ماقدر يدير والووو صراحة نعرف اشخاص فعلاً وقعو في الحب وكان أحد الوالدين يعني عائلة البنت او الولد غير موافقة لكنهم دارو إرادة ونجحو وخدمو حياتهم حتى انهم ابحوا محبوبين في العائلات انتاعهم لانهم قدر يبنو حياتهم بمفردهم المهم ربي يكون في عونك ووالخيار الأول والأخير فيما خيره الله

[fati 17]

مساء النور واش نقلك خيتي شوفي مصلحتك وراحتك اي حب بعد الزولج يتحول لعشرة يعني حتى العريس الجديد راحة تحبيه بالعشرة واذا كان الثاني متدين واخلاق حميدة وزيد معاه العيشة ميسورة يستدعي انك تراجعي حسباتك

[dala3 dalou3a]

السلام اختي اولا مهما كانت علاقتكم شريفة فهي مخالفة للاسلام و هو اذا كان ايحبك علاه ماجاش و خطبك في 5 سنين الي عديتوهم و ثاني شيء عليكي بصلاة الاستخارة و ربي يفرج همك اختي

[حزن بحر]

حبيبتي خمي مليح مليح
اذا كانت حكايتو راح طول كثر من 5 سنين وين راكي رايحة
نحي قلبك على جيه شوفي الحقيقة لي قدامك
راكي حبيتيه واش دارلك
الحب الحقيقي يجي بعد الزواج
اطلبي يجي للدار على الاقل كلمة علابالي صعيبة هو ماعندو والو
بصح من حقك يكون حاط عليك كلمة
الرجال يتبدلو في اي لحظة
ماتشفيش القصص هذوك 1 بالمائة
شوفي الواقع وانت الادرى وخمي وشاوري
وفي الاخير صلي صلاة الاستخارة راح تمشي حياك بواش مكتوبلك

[زهايمر]

السلام عليكم ورحمة الله وبركاته

اولا كي استطيع تفهم الامر ومساعدتك حسب نظرتي لو كنت انا صاحب المشكلة

اتمنى ان تجيبيني

هو كم عمره ، وهل تعرفتي عليه من ايام الدراسة او من بعد التخرج

ولنا عودة ان شاء الله

[كبسولة الاحلام]

نعم من ايام الدراسة عمري انا 25 وهو عمره 31

[كبسولة الاحلام]

انا غي انتظار ردك

[بتول8]

كل شئ بالمكتوب اذا كنتو لبعض راح تكونو
القرار ليك وحدك واحد ميقدر يفيدك هنا استخيري و شوفي اما انا ننصحك و الله اعلم
كي يخطبك واحد على خلق و جاهز اقبلي لانو مستقبل الشاب الاخر غير واضح المعالم فلا سكن و لا عمل يعني غير جاهز البتة
اما اذا دخل القلب فهنا عليكي بالصبر معه لكن الى اين؟؟؟

[rosa allia]

يا أختي صح مشكلتك مشكلة لكن اتبعي الصواب اللي يساعدك من جهة مايلزمش تخونيه وتخليه على خاطر رح يقول عليك مادية وبدالة إذا راكي واثقة منو اصبري عليه وماتزيديش همو خاصة أنو يتيم وقوليلو يضبط السانتورة ويبين روحو قدام ماليك خاصة وأنت ضحيتي على جالو

[loulou02]

أنا ننصحك إقبلي بهذا الخاطب و ما ضيعيش هذه الفرصة ، الوقت راه يمر و فرص الزواج راح تنقص و أنت راكي تكبري ، فكري بعقلك يا أختي ، و الحب يجي بعد الزواج ، ربي يطرح المودة و الألفة و الرحمة بين الأزواج ، أما بالنسبة للشاب لي عرفتيه منذ خمس سنوات إخطيك منه لأنه لوكان كان يفكر في الزواج كان أول حاجة يبحث عن مصدر رزق أو وظيفة باه يقدر يفتح بيت ، و يطيح و ينوض و يلم على روحه ماشي عجباته الخرجات و التحواس و قاعد يربط فيك ، و في الأخير القرار يرجع ليك .

[assia81]

السلام عليكم ورحمة الله وبركاته
اختي اسمحيلي انت لا يهمك لا مبادئ ولا اخلاق في الاول اتبعت هواك خمس سنوات كثير وقد قال لنا رسول الله ليس للمتحابين الا النكاح كيف تقبلي لنفسك ان تحدثي شخص وقد تعلقتي به وتعلق بك سنوات اما في الثاني فهمك الا المال فعندما اتاك من يعمل وله المال اردت ان تتخلصي من الاول يااختي قومي بوقفة مع نفسك وشوفي ماذا تريدين بالضبط ثم اختاري