حكايتي مع المطلقة

[مشكلتي]

حكايتي طويلة حتى ماعرفتش السبب و مانيش مصدق لاكان اللي دارها انا ما نطولش عليكم انا من ولاية داخلية الناس كل تشهدلي بحسن الخلق و السمعة واني ما ندير والو لدرجة تقلقني لانو لو يشوفوني نقتل يقولو ما ديرهاش و لانو تاني أنا عندي سيئاتي وليت نحس روحي شيطان
المهم
قريت تخرجت قتلني الشوماج كرهت حياتي lوين تروح يخدمو غير لبنات تعقدت منهم اكتر و زادت مكانش عندي علاقة مع وحدة تنحي علي شوية لاني احوالي المادية عسيرة واحدة ماشافت ليا و كنت نضحك مع صحابي نقلهم انا ما تقبل بيا غير مطلقة و عندها الدراهم معلاباليش راح تولي صح
قررت نكمل القراية في العاصمة المهم حصلت في المصاريف في كلش كرهت اللبسة الماكلة غالية غير الزهر اللي مكانش انا لا اتلقى معونات من الوالد لانو كلب مني ايام الباك الدخول الى الجيش ورفضت و بالتالي نتحمل قراري من هداك الوقت. في نص الحصلة هادي تعرفت في الجامعة عاى واحدة اكبر مني جميلة جدا اسرتني لكنها مطلقة عرفت مشاكلي و استمعت لمشاكلها فكنا متشابهين بزاف في نتلاطمو في الدنيا وحدنا تطورت العلاقة اصبحت حب
و استغلتني في....و بصراحة انا ايضا استغليتها انتقلت الى العيش عندها و اصبح كل شؤوني من مصاريف ملبس معارف نجاح من جهتها
انا الان بين نارين ما نقدرش نخليها على خاطر والفت بيها و ما نقدرش نعيش بلا دعمها لانو كلش كتاف و من جهة اخرى راني ندمان و حاير كيفاه توصلت بيا لهكا ساعات نقول الظروف و ساعات نقول كاين اللي كتر مني وين راح روح من ربي .

علابالي طولت راني مشوش و حاير و كرهت حياتي لاني وين ندورها مقفولة