اطفالنا و الحب - الصفحة 2

brahimi31 · 2012-12-27, 15:41

اقتباس:

المشاركة الأصلية كتبت بواسطة soso sirin

و عليكم السلام و لا شكر على واجب .هو فعلا الاطفال استوعبو الدرس بشكل جيد و طبقوه بالحرف الواحد .لكن انا لدي سؤال لك لو كنت انت مكان الاب كيف ستتصرف مع ابنك او ابنتك

شكرا اختي الفاضلة على هذا السؤال الصعب والمحرج في آن واحد لكنه حقيقة لا يمن لاي منا الهروب منها
اذا ما صدفني موقف كهاذا فلزام عليا ان اكون حكيما في تعاملى مع الموقف وان اعيد النضر في تربيتي لاولادي واحاول قدر الامكان ان اصلح ما يمكن اصلاحه قبل فوات الاوان
شكرا جزاك الله خير

soso sirin · 2012-12-27, 22:59

اقتباس:

المشاركة الأصلية كتبت بواسطة brahimi31

شكرا اختي الفاضلة على هذا السؤال الصعب والمحرج في آن واحد لكنه حقيقة لا يمن لاي منا الهروب منها
اذا ما صدفني موقف كهاذا فلزام عليا ان اكون حكيما في تعاملى مع الموقف وان اعيد النضر في تربيتي لاولادي واحاول قدر الامكان ان اصلح ما يمكن اصلاحه قبل فوات الاوان
شكرا جزاك الله خير

شكرا جزيلا على اجابتك اخي و انا اسفة على طرحه و لكن كما قلت هو حقيقة و حقيقة صعبة .ربي يحفظلك ولادك ان شاء الله و ان شاء الله ماتقابلش موقف كيما هذا مع انو راني شاكة سوغتو مع الجيل تاع ضروك راه يخوف تاع الصح.انت دير الي عليك و الباقي على ربي سبحانو

Lydia istanboul · 2012-12-26, 00:02

نقص الحنان بين أفراد الأسرة وتشجيع مظاهر الإنحلال عبر المسلسلات و الكليبات مع قليل من الفضول الفطري للجنس الآخر و النتيجة جيل كما وصفتي....موضوع جميل الشلفية تاعنا....

soso sirin · 2012-12-26, 16:30

اقتباس:

المشاركة الأصلية كتبت بواسطة lydia istanboul

نقص الحنان بين أفراد الأسرة وتشجيع مظاهر الإنحلال عبر المسلسلات و الكليبات مع قليل من الفضول الفطري للجنس الآخر و النتيجة جيل كما وصفتي....موضوع جميل الشلفية تاعنا....

والله يا ليديا راه مشكل كبير سوغتو كي نلقاو ذراري صغار ماراهم فاهمين والو و تسمعيه يقلك نبغيه و تبغيه راسك يحبس.لوكان يا ليديا مستقبلا تنحطي في موقف كيما هذا مع ابنك او بنتك كيفاش تكون ردة فعلك .ربي يخليك ليا يا لالة

بيلسان11 · 2012-12-26, 16:18

السلام عليكم
أنا أظن ان المشكل أننا لا نعطي الفرصة للطفل لكي يعيش سنه بطريقة طبيعية و لأنه و بكل بساطة أصبح صدرنا يضيق (من مشاكلنا اليومية) حتى من فلذات اكبادنا فبدلا أن نصغي لأهتمام الطفل في سن مبكرة و نتابعه حتى يكبر أمام أعيننا. أصبح هم الأباء انفسهم قبل أولادهم و من أنانيتهم يعيشو الطفل حياتهم و يتعاملو معاه كأنه في سنه فبدلا أنن ننزل مع الطفل الى سنه و نحاوره اللغة التي يفهمها نعطي لأنفسنا الحق أن يعيش هو حياة أكبر من سنه من خلال ما يشاهده في التلفزيون و المناسبات التي يحضرها مع الوالدين.
بارك الله فيك على الموضوع.

سعاذ · 2012-12-27, 19:13

السلام عليكم
ان شاء الله تكوني مليحة
علبالك فكرتيني في بنت خالتي عمرها 5 سنين تقرى تحضيري واحد خطرى جات عند باباها و قلتلو بابا واحد يقرى معيا يشتيني ثم قالها بباها وقيلا تحوسي نحبسك لقريا من ذوك
عبالك سعات كي نعود نمشي في طريق و نسمع تاع الابتدائي كي يهدرو في هذا الموضوع يجيني ضحك و صراحة نتعمد نمشي قدامهم باش نسمع حكياتهم اما الاسباب جابلي ربي من المسلسلات ولي هي الله يبارك مكانش مسلسل مفيهش نوع من هذي القصص و لوكان تتولهي حتى لولاد صغار تاع المسلسلات عندهم صديقات و اصدقاء و زيدي الاغاني لي دخلهم في واحد الجو من الاوعي و ثاني رسوم المتحركة مخلاتش عندى واحد شهر قعدا نتفرج في الجزائرية الثالثة واحد رسوم لي يشبهو لعباد انا قعدت مستغربة اذا كنت نتفرج في رسوم او مسلسل تركي او فلم هندي و ثاني سندريلا و بياض الثلج لوكان تتولهي لقصتهم تلقايها ماتخلاش من هذي القصص يعني تقدري تقولي جو العام لي عايش فيه الطفل تخليها يتوجه بطريقة غير ارادية لهذي القصصو هنيا يجي دور الاسرة في رقابة على الطفل من جميع النواحي
المهم ربي يستر برك
دمتم في رعاية الله و حفظه

soso sirin · 2012-12-27, 23:12

اقتباس:

المشاركة الأصلية كتبت بواسطة سعاذ

السلام عليكم
ان شاء الله تكوني مليحة
علبالك فكرتيني في بنت خالتي عمرها 5 سنين تقرى تحضيري واحد خطرى جات عند باباها و قلتلو بابا واحد يقرى معيا يشتيني ثم قالها بباها وقيلا تحوسي نحبسك لقريا من ذوك
عبالك سعات كي نعود نمشي في طريق و نسمع تاع الابتدائي كي يهدرو في هذا الموضوع يجيني ضحك و صراحة نتعمد نمشي قدامهم باش نسمع حكياتهم اما الاسباب جابلي ربي من المسلسلات ولي هي الله يبارك مكانش مسلسل مفيهش نوع من هذي القصص و لوكان تتولهي حتى لولاد صغار تاع المسلسلات عندهم صديقات و اصدقاء و زيدي الاغاني لي دخلهم في واحد الجو من الاوعي و ثاني رسوم المتحركة مخلاتش عندى واحد شهر قعدا نتفرج في الجزائرية الثالثة واحد رسوم لي يشبهو لعباد انا قعدت مستغربة اذا كنت نتفرج في رسوم او مسلسل تركي او فلم هندي و ثاني سندريلا و بياض الثلج لوكان تتولهي لقصتهم تلقايها ماتخلاش من هذي القصص يعني تقدري تقولي جو العام لي عايش فيه الطفل تخليها يتوجه بطريقة غير ارادية لهذي القصصو هنيا يجي دور الاسرة في رقابة على الطفل من جميع النواحي
المهم ربي يستر برك
دمتم في رعاية الله و حفظه

و عليكم السلام.و الله الحمد الله لاباس و ان شاء الله تكوني بخير .المشكل يا سعاد انا هاذي الي راهي خالعتني ماراهمش يخافو يجو يقولو نيشان تقول حاجة عادية مي الله غالب عليهم كيما قلتي انتي اي حاجة يتفرجوها يلقاوها تهدر على الحب و الوالدين مايهدروش كامل معاهم.نتفكر انا في وقتنا كانو المسلسلات الميكسيكية مرة كون نقلك بكيت باه نتفرجو لانو صحاباتي كامل كانو يتفرجو تتخيلي والله ماخلاوني كنت نقول وقتاش نكبر باه نتفرج واش نبغي و مكانش الي يحكم فيا هههههههههههههه.كيما قلتي انتي يبقى دور الوالدين و الاسرة و لازم دير رقابة تاع صح و الواحد يدير الي عليه و الباقي على ربي سبحانو .

شخصية نرجسية · 2012-12-28, 16:25

الحب شي طبيعي و عفوي و موجود في كل مراهقة و لأننا مسلمين ينبغي حصره بضوابط شرعية

soha1987 · 2012-12-28, 18:33

سلام سوسو ان شاء الله تكوني لاباس
المشكل هادا راو خلاص تجذر في المجتمع صبح كي الفيروس بين المراهقين كامل تلاميذ المتوسط والثانوي لدهم صديقات والكارثة كامل عندهم البورتابل يهدرو مع بعضاهم والله طيروها لي كثرمنهم يالطيف هاداك الجيل يدوخ والسبب هو اوليائهم يمشيولهم فالخط يلبولهم كل شيء وعطاوهم الحرية المطلقة ربي يستر الجيل الجاي كيفاه راح يكون اللهم استر
سلامووووووووووو