لا تريدني زوجة لاإبنها

[hfhgffgvf]

ربي يرزقك الدرية الصالحة و ممكن جيبو طفل يتيم و تربوه و تديو فيه اجر كبير ناقشي هاد الامر مع زوجك ممكن يتقبل الفكرة و ادا ما حبش خليه يتزوج هو تان من حقو يجيب دراري و مادامو يحبك ضحي على جالو و علاش لالا ما تجيبيلوش انتي عروسة و انتي الي تشرفي عليها و هكدا تزيدي تكبري في عينيه و تاني تعرفي واش جيبيلو و ربي يوفقك للي فيه الخير

[حفيظ حيدر]

السلام عليكم. اختي العزيزة ربي يرزقك الذرية الصالحة و جميع المسلمين. انا يبدو لي ان زوجك عندو
رغبة في الانجاب ككل الرجال و لانه يحترمك ما راهش حاب يجرح شعورك. ادا عارفة روحك شخصية قوية. اقترحي عليه الزواج باخت صالحة . و اولاد زوجك اولادك
. ولا تقنطي من روح الله.ايضا فكرة تربي ابن يتيم هايلة اجر و منفعة. انا نعرف وحدة كيما انت جابت طفل توفات امه عندو عامين راهي فرحانة بيه. قالت لي المره الاولي زوجي ينظر غير من بعيد و امبعد بشوي عاد يلعب معاه و يديه للطبيب. قالتلي والله راني فرحانه

[مريم الصابرة]

السلام عليكم اختي
اولا ربي إن شاء الله يرزقك الاولاد ورحمة ربي واسعة ونعرف نسا قعدو بال20 سنة ونهار ربي كتب وحملو وجابو اولاد بالتوأم ما تعرفيش رحمة ربي
ونعم الزوج وربي يخليكم لبعض لكن اختي خمي مليح عجوزتك الله غالب يقولك اعز من الولد ولد الولد ممكن ماشي حقها تجرحك بالكلام وامام الناس ايضا لأانو ما راهش ذنبك إنت علاه ماذا بيك العذاب اللي راكي فيه وايضا زوجك ممكن ما يبينلكش لكن سور يتمنى يكونو عندو اولاد وكاين عادي جدا عايش هو ومرتو بلا اولاد ومرتاحين وراضيين بحاجة ربي لكن خليني نقولك كلام آخر عارفاتو صعيب عليك وما تقدريلوش لكن لو خممت مليح تلقايه واجب عليك راكي تقولي نحب زوجي بزاف إذا خليه يتزوج ويولد اولادو كان عارفة إنت اللي ما تجيبيش اولاد خليه يفرح وإنت زوجتو وحبيبتو كالباحر كاليوم ما راح يتعير والو أعفسي على قلبك شويا وخليه يشوف أولادو وهكذا ايضا عجوزتك تولي تبغيك خمي فيها وشاوري زوجك وشوفي عارفة بالي واعرة لكن اللي أصيلة دير هكذا يا رب ندعولك ربي يرزقك الاولاد وينحل المشكل نتاعك موفقة

[sarah1424]

العلم تطور على قبل زوجة خالي مجابتش لولاد 12 سنة وبقات تعالج ودكا جابت زوج ولاد اعرفو السبب هدا ادا كان الخلل منك المهم باش منكونوش ضالمين من حقو يصبح اب اذا كان هو باغي يتزوج هدا حقو وانت ادا راضية كملي معاه وادا جاتك لحياة تتبدل وهكا صعيب الحال انفصلي
ربي يرزقك بالذرية الي تسعدك

[djam djam]

يأخواتي زوجي هو الذي رفض فكرة الزواج ويقول أنتي كل شيئ في حياتي ولاتسمعي لكلام ناس وأدعي ربك وألخير في مأختره الله

[hiba ahmed]

حبيبتي اخر حل هو ازواج زوجك يعني جربي وزيدي الاعشاب والاستغفار والدعاء في ثلث الليل مع الصلاة والله ربي ميردكش خايبة وزاد كاين الطب اطور علاه متجربيش اطفال الانابيب صحيح هي غالية بصح فيها امل وربي يرزقك اللهم امين

[منهاج]

السلام عليكم

عليك من اكثار الاستغفار بينية الانجاب وكذا قيام الليل وقراءة سورة النور بعد صلاة المغرب بنية زوال المشاكل

[loulou02]

أنا أنصحك بالعلاج ، هناك إختصاصيون فعلا أكفاء في غير ولايتك، يا أختي لا تفقدي الأمل ، ربما هناك علاج لحالتك ، لا تقنطي من روح الله ، ربما هذا إمتحان من الله ليعرف قوة إيمانك لذلك أنصحك بالإكثار من الإستغفار و لا تيأسي، أنصحك بزيارة أخصائي آخر .

[ميمي مانو]

قالى تعالى ﴿لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ﴾
مادام زوجك راضي بالحالة ماتفكريش انك تزوجيه ادعي ربي سبحانو واكثري من الاستغفار وقيام الليل وربي يرزقك ماتقنطيش من رحمة ربي وماتكثريش على زوجك ولا تضغطي عليه اكيد راه ميش قانط من رحمه ربي ويستنى الفرج
اللهم لاتذرني فردا وانت خير الوارثين