انا في ورطة ساعدوني ربي ينجحكم يا رب - الصفحة 2

abdou148 · 2012-11-17, 09:47

خضتك طريقة ايجاد A(t) w A0 ؟
أرجو أن يكون الرد مفهوم

abdou148 · 2012-11-17, 09:48

خصتك طريقة ايجاد A(t) w A0 ؟
أرجو أن يكون الرد مفهوم

lola22 · 2012-11-17, 09:54

ايه خيوا تعيش

sarah milano · 2012-11-17, 09:56

اختي في التاريخ داىما يمدلك n0و n1 فالهدف هو معرفة المدة لاحظي تمرين 17 من الكتاب المدرسي او حتى التمرين 18
اما ادا حبيتي تعرفي طريقة حساب A0 فان A0=لندا في N0 حيث n0يمثل عدد الانوية الابتداىية و هدا في التمارين العادية اما في التاريخ
فN0 يمثل عدد الانوية المتبقية لحظة الاكتشاف المهم هما تحايلوا شوية باش يخرجوا الوقت
المهم انت حاولي في التمرين 17 و 18 لكي تعرفي نوعية الاسىلة و تترسخ المعلومات نوغمالمون دوكا يجيوك ساهلين و ادا كشما مفهمتيش قوليلي ،
راني وضعت رابط سلسلة الهباج لو لاحظتي ،

abdou148 · 2012-11-17, 10:01

اقتباس:

المشاركة الأصلية كتبت بواسطة المسلم 17

أريد أيضا سؤال في العلوم :
كيف تحددالعضوية نوع الاستجابة عند دخول الجسم الغريب

يا أخي لها 3 خطوط دفاعيه الأول أوتوماتيكي و هو اللانوعي و التي تتدخل فيه البالعات و تتعرف العضويه على الجسم الغريب ب الغليكوبروتين الموجود على غشاء الخلية
اذا أخترق الخط الدفاعي الأول تلجأ الى الهجوم الخلطي عن طريق الخلايا اللمفاويه lb بصناعة أجسام مضادة لمولدات الضد) اللادات(
و آخر خط دفاعي هو الخلايا lt الخلويه و هي عباره عن ماء و نوع من الأملاح الخاصة نقوم بالتثبت على اللادات و تنفجر
الخط الأول لا نوعي
الخطان 2 و 3 نوعيان

lola22 · 2012-11-17, 10:06

حنونة معليش راح نحاول في التمرينين ان شاء الله
باسكوا والله انا نعاني من مشكلة انو علابالي بالقوانين مي كي يجيني سؤال نتبلوكا
مي راح انحل التمارينات ان شاء الله ونتعود عليهم وطريقتهم
ربي يخلييييييييييييك

lola22 · 2012-11-17, 10:14

اختي ممكن تعطيني حلك الخاص نتاع التمرين 17؟؟؟
المهم انا منتعبكش معايا وكت تكوني مريحة تعيشي ديريلي الحل باسكو عجبني اسلوبك في الشرح

sarah milano · 2012-11-17, 10:15

التطبيق لازم هو اللذي يجعل المعلومات تترسخ و سوغتو التطبيق اللذي تحاولي فيه انت مراكيش رايحة تنسايه اطلاقا
و الفزياء و الرياضيات تسعين بالمئة تطبيق ،
و الله التمرين 17 مزال ماخاولتش فيه كامل لكن كي نحلوا نبعتهولك على كل وضعت رابط الهباج فزياء تجدين الحل ،
لمن لازم تحاولي انا العام الماضي كنت نقعد اربع ساعات مع تمرين عادي حتى نلقى الحل لان علابالي كي نشوف الحل منشفاش عليه و منفهمش واش راهو قاصد
على كل ساحاول في التمرينين

lola22 · 2012-11-17, 11:10

اختي انت فوتي الباك العام الماضي
++++ انتظر مشاركتك

sarah milano · 2012-11-17, 13:03

نعم اجتزت باك 2012و راني مترشحة حرة هذا العام
اههه عدرا عدرا درت خطا كبير قد راسي لم يكن عن قصد
لاحظي معي في التأريخ العلاقة A(t)=A0-exp. هنا :A0:قيمة النشاط الاشعاعي الجديد
و A(t:قيمة النشاط الاشعاعي لحظة الاكتشاف
الحمد لله جيت نخربش معاك

مثال اخر لكي تفهمي مع تمرين عجبني

sarah milano · 2012-11-17, 13:17

عندما قلت m0/2=n0/2 يعني ليس بالمعنى المحرد فقط لكي تفهمي

sousou nossa · 2012-11-17, 13:25

سلام يا جماعة
أنا حبيت تاني نساعد ممكن
انا على حسب معرفتي عمر كائن حي

1 على لندا a/a0 أو 1/لندا في n/n0

اسفة ماعنديش الرموز حتى نكتبهالها
ان شاء الله تفهمني

و هكدا تقدر تحسب عمر اي عينة
ان شاء الله تستفيد
و انا ننصحك تشوف كتاب الزاد في الفيزياء للاستاد صالح الحسين
متأكدة راح تستفيد منوا
و الله يوفق الجميع

lola22 · 2012-11-17, 15:59

معليش حنونة جاب ربي راسك مش كبير بزاف هههههه
الصور مبغاتش تخرجلي توصل للنصف ول اقل وتحبس بالاك النت فابل عندي
واش اسموا هذاك الكتاب اللي فيه التمرينين
+ غدوة نروح للمكتبة نجيب كتاب قوليلي واشنو الكتاب المليح انا جبت من قبل الممتاز مي معجبنيش راح نردوا غدوة ان شاء الله ونجيب وحد اخر قوليلي واش نجيب ؟؟
باااااااااااااي

sarah milano · 2012-11-17, 16:08

هههههه و الله كي كنت نفطر فقت بالغلطة خممت نفس الحاجة :d:d
الكتاب المدرسي احسن مرجع اخطيك من الكتب الاخرى يخلطوك برك جيبي الهباج ، و حلي كاش سوجي مع الساعة قدامك باش متشكيش من الوقت امبعد ،
اما الاوراق انا رام يخرجوا عندي جوزي مع الصباح تكون خفيفة ،

sousou nossa · 2012-11-19, 11:43

سلام يا جماعة
اسفة على التدخل مي حبيت نساعد
أنا ضرك عندي كتاب الزاد في الفيزياء* z العلوم الفيزيائية *

فيه كل الفهم روعة بنصح اللي حاب يفهم يقدر يفهم منوا و ممكن تاني تلقوه فالكيمياء
فيه تمارينات تخليك تفهمي المشكل نتاعك
و ربي يوفقني و يوفقكم
و ننجحوا قاع فالباك
سلام