حديث يُسعد الرجال ويُغضب النساء

[sarl02]

المشاركة الأصلية كتبت بواسطة soso sirin

انت قلت انو يكون كثير الترحال و يخدم خارج مقر اقامتو هاذي ساهلة وين يروح تروح معاه و هكا رايح يريح و تريح و ماتقوليش مايقدرش يديها معاه الا اذا كان يخدم في شي جبال و لا في وسط الصحرا و هنا اصلا مايقدرتش يتزوج .و اذا فرضنا انو كل مرة يبدل خدمتو واش يدير كل مرة يتزوج و لا واش.كلشي ممكن تقدر تهدرلها المراة فيه و تقدر دخل المنطق الا انو الراجل يتزوج عليها

اولا ديري في بالك الي عاود الزواج ما اكونش حديث الزواج ...ثانيا انا مانيش انقولك السيد كثير الترحال واهمبر مسكين ويخدم خدمة على قدو هذاك اصلا ما عندوش الوقت باش افكر اعاود الزواج مسكين ..لكن نقولك هناك بعض مجالات العمل تفرض على الراجل العيش في وسط ومستوى معين والافضل له الزواج سينو يدخل الحرام مباشرة ....وبالنسبة لمسالة يدبها معاه ..وين يديها معاه ..اذا كانت براسها الامر ساهل يقدر يديها معاه لكن اذا كان فيه دار كبيرة و اولاد وهذو الاولاد الي يقرا والي يخدم ووو...وين اضل اجرجر فيهم ماهيش ساهلة كما تتخيلين ...وزيد انت المهم ما اخصك والو مع اولادك وطلباتكم مجابة ومهنيين هو واش اديرو بجدو خلوه ادبر راسو.

[مريم الصابرة]

السلام عليكم اختي رجاء
شوفي انا ما نقبلش إلا في حالة ال فينا زوجة عاقر او متوفية لأنو الغيرة غريزة فينا لككن كاين حالات وين ممكن نقبل نتزوج براجل متزوج لكن بشرط يعدل بيني وبين زوجتو الاولى واكيد كل وحدة ودارها وحدها ةمحال نخليه يتزوج عليا لأنو نعرف السبب اللي خلاه يتزوج على مرتو حتى ما نعوادهم انا والصراحة كاين نسا ما ينطاقوش يهربو الغراب من الدار
وبيتنا هذي حاجة نتاع شرع نخلو الغيرة على جنب هي حقو ربي مدولو علاه إحنا نعرفو خير منو لا اكيد لازمنا نقبلو بالوضع واللي ربي مكتبلها راجل متزوج مهما دير راحا تتزوجو مبدئيا ما رانيش رافضة الفكرة شكرا.

[ايمان نور الجزائر]

فكرة مرفوضة لتعدد الاسباب
اهما الغيرة طبعاااا...تانيا فقدان راحة البال
واعدم العيش في هناااااء لانو من سابع المستحيلات التفاهم
خصوصا ان كانت الجديدة شيطانة
ايضا ...كثرة المصاريف والوقت لي وصلنالو
يا رربي الانسان يظل يتعب ويشقى ومش قادر يسر بيت واحد

[خولة لبابة]

بوجود الحالات كما ذكرت الأخت مريم......مثل العقم أو الوفاة.....فلا مانع في ذالك.....و الله اعلم........

[alger1]

قد تكون المراة الجزائرية ليست كباقي الافريقيات

[همسة مشاعر]

والله اختي صح راهوشرع ربي اذا اردنا عزل المشاعر الانثوية والتكلم بصراحة
انا افظل ان يتزوج زوجيمن امراة اخرى على ان يقع في الحرام لان الزواج اهون من الخياننة
ثانيا لو زوجي تزوج بي انا وكنت له قر العين لكن احب فتاة اخرى لاسباب او لجمال مع اني الحمد لله جميلة
المهم م اني في هذه اللحظة اوافق ولا مانع لدي............................................... ...........

مجرد خيال
لاني انا لم اتزوج بعد

[ويناروز]

والله ساكون معك صريحة فكرة التعدد ليس لدي معها اي مشكل

اذاكان هنا ك العدالة فانا موافقة.........سواء تاتي ضرة علي او ان اكون زوجة ثانية

لقد سبق وطرح موضوع في قسم اخر..........هل تقبلين ان توني زوجة ثانية وكنت من بين الذين ايدوا الفكرة راي لن يتغير

مادا شرع الله وتوفرت شروط التعدد لا مانع.......ابدوا غريبة لكن هذه انا

موضوع مهم تشكرين عليه

[nibrasse76]

[size="5"]انا باغي ثلاثة في وحده ..( 3في 1) ...[/size]

صراحة لا اتصور نفسي لدي عدة زوجات ...لكن ايضا لن اقبل ان اعيش مع امراة لاجل الاولاد وحمايتهم من الضياع فقط ...ان لم نتفق ...سرح وعاود ........اما تكديس الزوجات فوق بعض فلا .

[ويناروز]

المشاركة الأصلية كتبت بواسطة nibrasse76

[size="5"]انا باغي ثلاثة في وحده ..( 3في 1) ...[/size]

صراحة لا اتصور نفسي لدي عدة زوجات ...لكن ايضا لن اقبل ان اعيش مع امراة لاجل الاولاد وحمايتهم من الضياع فقط ...ان لم نتفق ...سرح وعاود ........اما تكديس الزوجات فوق بعض فلا .

[size="5"]تحليل منطقي للموضوع.........اما التشبيه ولا اروع........اثبت على موقفك

موفق اخي ........تحيتي
[/size]

[النجمة القطبية]

اعجبتنى قصة الافارقة ههه كل مرة تدخلون لنا لنفس موضوع التعدد من باب مختلف واليوم الافارقة زعما
شوفى مسالة الزواج من معدد تختلف من شخص الى اخر
ومثلما يقول المثل الانسان ابن بيئته فما تجديه عند القطبية قد لا تجديه عند رجاء وما تفكر فيه القطبية قد لا يعجب رجاء وهكذا
قضية الزواج من معدد سبب رفضه لا علاقة للغيرة او العدل او الامور الاخرى بالموضوع ولكن تتعدد الاسباب ولو ناقشتك بموضوعية مثلما تطلبين سيطول الحديث
ولهذا السبب فالاولياء فى مناطقنا من الاساس يرفضون الفكرة وخاصة لو الاسرة معروفة لان التعدد فى منطقتى يعد على الاصابع وهو اصلا حالة اجتماعية مرفوضة
والزوجة الثانية من الاساس مرفوضة اجتماعيا وخاصة وسط النسوة وتعرض نفسها للقيل والقال لو كانت بنت فاميلية
تبقى هناك حلات خاصة مقبولة وناجحة
الان ربما قد وصلك السبب لا يوجد لدينا ثقافة تعدد ببساطة الرجل غير مؤهل لذلك اصلا مادام التجارب شبه غائبة والثقافة السائدة الزوجة الواحدة
طبعا لن اذكر لكى اسباب اخرى مثل الاسباب الاقتصادية والحالات الفاشلة التى تبقى فيها احدى الزوجتين كالمعلقة والقصص المتناقلة هنا وهناك
يعنى ببساطة الناس ايضا معذورين ولا احد يختار مجتمعه
ثم اختى رجاء وربما اطلت الحديث فعذرا ولكن قبل ان اختم
بالله عليك من تقصدين بموضوعك
اذا كان هذا الجيل الكل يشتكى منه ولا يتحمل الواحد فيهم المسؤولية حتى يصل الاربعين والبنت تجاوزت العشرينات ولا تعرف تطبخ حبة بيض
وحتى السكن المنفرد نااااااادرا ما تجدى شخص وفره لنفسه فعن اى تعدد تتحدثين
الا ان كنتى تقصدين تعدد الشيوخ فى سن ابى فهذا حديث اخر
المهم الى ان تتغير الثقافة السائدة وقتها عاودى حطى الموضوع وسنتناقش

[sali-sali]

- أنتِ أيتها المرأة ماهو السبب الفعلي لرفضك لفكرة التعدد ، حتى مع تحقق شرط العدل ( نفترض أن العدل موجود حتى لا تتحججن بهذا الشرط ) .


iمكاش لي يقدر يعدل و ان عدل في الامور المادية،القلب ماراحش يعدل من جيهته

انا في حالة وحدة اني نخلي زوجي يتزوج و نقولك انا لي نخطبله،نهار يقولو ماتجيبيش دراري تما ساهل ، لكن مدام نقدر نوفرله كل شي مستحيل يعاود زواج

[كاميلا]

رايي
هو شرع الله ولا جدال فيه هذا منقدرش نقول اني ضده لاني مسلمة
لكن بالنسبة الي منقبلش يزوج عليا حب يزوج عليا ربي يسهله بعيد عليا يخليني ترونكيل نربي اولادي اذا كان فيه اولاد وهو يحب يدوبل يتريبل ربي يسهل
بصح وشكون اللي يقدر يدير هكا؟؟؟؟؟؟ عذرا على العبارة هاد الوقت مقدروش على وحدة يطمع في 4 اذا كنت طلاب وفقير روح وكل روحك ومبعد خمم في 4 يا مسكين الطمع بزاف يفسد الطبع اما اذا كان غني لا حرج في ذلك واذا سكنهم مع بعضاهم هههههههههههه فهو بذلك رح يوجد روحوا لمختلف انواع امراض الضغط والسكر والقلب هه

[kaderkader1541]

إن زيادة عدد النساء بلا أزواج مدعاة لانتشار الفسق والفجور والفاقة والأمراض الجسمية والنفسية من القلق والحيرة والشعور بالوحشة والكآبة وغير ذلك ، وماذا لو أن الله لم يشرع التعدد ماهو مصير أولئك النسوة ( الارملة و المطلقة و حتى البكر ) اللاتي ينتظرن نصف أو ربع رجل !!! إن الله لا يشرع شيئاً إلا وفيه الصلاح والنفع للخلق، فالله سبحانه وتعالى حكيم خبير، بعباده روؤف رحيم. وكذلك الرسول صلى الله عليه و سلم ما ينطق عن الهوى إن هو إلا وحي يوحى . و ليُعلم أن التعدد له شروط و هي العدل و القدرة على الانفاق على الزوجات و من هذا اذا ما توفر هذان الشرطان فللرجل الحق في التعدد و هو صاحب القرار وحدددددده .

[Cayote]

- أنت أيها الرجل ، هل ترى في التعدد ضرورة لك إذا توفرت لك شروطه من قدرة وسعة في الرزق ؟ أم يوجد رجال لا يحبون فكرة التعدد ، رغم قدرته ، لكنه ممن يحبون فقط واحدة ؟

ولله ادا توفرت الشروط والامكانيات ولما لا الثانية ... بصح الاولى تديرك شرع وتندب وتبات تبكي وتكتبك في الجورنان وووو وراكي عارفة
اما ادا تحقق الشرط الشرعي وهو " العدل " فلا مانع عندي .... بالتوفيق

[panpouna]

زوجي لي وحدي وما نقبل حتى وحدة تشاركني فيه ونظن الاسلام عطى المراة حق قبول او رفض زواج زوجها عليها والرفض لا يجعل المراة غير متدينة و انانية و شيطانة مثلما وصفها البعض..لها حرية الاختيار لان ديننا كرمها و اعطاها حقوقها فكل امراة حرة في رايها ولدا لداعي للتجريح فمن قبلت لها دلك ومن لم تقبل فهادا حقها ولا ينقص من دينها ولا اخلاقها شي