عندي 100 مليون واش ندير بيها مشروع مربح - الصفحة 2

~~غليزاني 26 سنة~~ · 2012-11-10, 23:45

اودي اشري سيارة و اخدم بيها الكورسات

ايمان نور الجزائر · 2012-11-11, 08:13

مدهالي نخدمهملك ههه

كاميلا · 2012-11-11, 12:28

دير سيبار وشري طوموبيل افرودي بيها تربح 2 في نفس الوقت

said1980 · 2012-11-11, 13:47

فتح بها مكتبة كبيرة أكيد راح تربح فيها

samir55 · 2012-11-11, 14:19

100مليون تكمل....لذلك إما تستثمر فيها وتجيبلك أكثر أو تستثمر في معارفك مثلا قوم بتكوين يجيبلك الدراهم قبل ما يكملولك 100مليون...شوف أنت وين هي رغبتك وأين تحس روحك تعرف وقادر تنتج بزاف بالنسبة للإستثمار في مجال تنمية المال ماعندي حتي بروجي ههههههههههه
لــــكن في التكوين فكر في تكوين راه في قلبك وتبغيه وروح ديرو في فرنسا بلد الحرف....عندما تكمل التكوين وتتقنه تقدر تولي للبلاد وتفتح مشروعك بالمال المتبقي من 100مليون.. لأن التكوين في فرنسا بالدراهم من 25مليون وفوق....مثل plombier chaufagiste,ou platrier décorateur,patissier.....exe والماسترالتاعك الله يبارك ماتديرش عليها بزاف لأنو تغرك شوية.....للأسف الشديد مستوى ماراهس يكل في بلادنا..وربي يوفقك...لكن ملاني يلزملو تخطيط ورغبة شدية مع رسم الهدف

حــــــذاري تسلف للناس وخاصة الأقارب..راخ تخسرهم..وأنت أحوج من المال منهم..وماتقولش 100مليون بزاف ماعليش نمد......من بعد ادا بانلك مشروع راح 100مليون ماتبانلك والوا بالتوفيق

طهراوي ياسين · 2012-11-11, 14:23

92 مليون دير بيها سيبار

و 8 ملايين ادخل بيها مشروع عمل مع شركة كيونت العالمية

~~aissariche~~ · 2012-11-11, 18:09

في الزكاة تفكرنا

samar pritte · 2012-11-11, 18:42

سلفلي نشري سانتورا ذهب عيشك خويا.انا انصحك بالسفر الى قطر العمل هناك بالكونترا و يمكنك اكمال الدراسة ربي يوفقك

nourkhouloud · 2012-11-11, 20:15

100 مليون حانوت مليح ماديرهولكش أنا ننصحك دير بيها مشروع يكون مليح و مربح يعني 100 مليون هادي استثمرها، افتح حانوت يصنع الكرواسون حاجة ساهلة و ماشية بصح يسقاملك واحد 120 مليون
و لكان حاب تروح للخارج اخطيك من فرنسا مابقاتش فيها الفايدة
روح لدبي أو أمريكا

david300 · 2012-11-11, 22:17

منين جيتها

chahin20 · 2012-11-12, 00:50

بارك الله فيكم هدا الدراهم ورثس من امي ماشــــــــــــــــي دراهم لونساج الحمد لله حلالية .... بصح قالي واحد دير الغنم و نخدموا بيها و الربح بيناتنا ايا كاينا منها صح خاوتي

كاميلا · 2012-11-12, 13:07

اقتباس:

المشاركة الأصلية كتبت بواسطة chahin20

بارك الله فيكم هدا الدراهم ورثس من امي ماشــــــــــــــــي دراهم لونساج الحمد لله حلالية .... بصح قالي واحد دير الغنم و نخدموا بيها و الربح بيناتنا ايا كاينا منها صح خاوتي

attention khouya attention bandia kbar hado ta3 lbagara ida habit tcharko charak b chwia mach b sawrdak kamal w zid koun matkounch fi ardak wala 3andak garage makalah walahi sadakni guir srarka kbar hado twalah mlihhh

lamakanch khlas dir hanout wakhlas man lhanout brabi nchkh tzid tkhamam f autre chose ok

محب الحكمة · 2012-11-12, 13:12

صرفها ألاف (ألفات الصفر) و كل يوم عدها...دراسة أمريكية لقات النظر للالفات الصفر لييكنو بكثرة مفيد للصحة......

kas · 2012-11-12, 16:28

السلام عليكم
اشري حافلة واخدم نقل حضري للمسافرين
راه مربح اذاكنت في الجلفة راهم فتحوا خطوط جديدة
وفقك الله