دير كيما يدير جارك

[cherilety]

ربى يعاون كل من غير منكرا

[مريم الصابرة]

المشاركة الأصلية كتبت بواسطة staifia

لوكان جا كل كارطي يتعاونوا ويديروا حملات تنظيفية لوكان الجزائر راهي تشعل شعيـــل هههههههههههه
حنا جابولنا زعما لي بوبال الكبار هادوكـ جارنا ربي يهديه راح شكى قالهم نحيوهالنا خاطر دير الريحة حشاك وهي مكانش منها
هانا قاعدين هههههههههههههه

السلام عليكم
اختي لو كامل ينقو وخاصة الجيران يتفاهمو في بعضاهم ما نبقاوش واحد يعاند واحد لو رانا احسن حال

المشاركة الأصلية كتبت بواسطة asosa

السلام عليكم جميعا بصراحة حنا معندناش ثقافة نضافة المحيط حشاكم كل مانخرج الصباح اكوام من الزبالة نلقاها في الطريق بصراحة الجيرانكي يخرجو الزبالة حشاكم ميخرجوهاش في دلومخصص لها يخرجوها فيصاشيات وتتلم عليها حشاكم القطط والكلاب ويقطعو الصاشي وتتفرع في الشارع

السلام عليكم
اختي هكذا كنا إحنا الساشيات مرمين وحاشاك الكلاب دايرن ظل لكت تقاهمنا ونقينا الحالة
شكرا وبارك الله فيك

المشاركة الأصلية كتبت بواسطة soso sirin

ليليا الجمعة الي فاتت نوض مع الصباح على صوت جارنا و بابا قلت حرام عليكم كي سقسيت واش كاين قالولي راه جارنا يهدر مع بابا و راهم يزعفو على ولاد الجوارين الي راهم يخلو حتا عمال النظافة يروحو و يخرجو الزبل حاشاكم و يحطوه قدام ديارنا.والله حنا كاين و كاين مرات تلقاي الكارطي يشعل و مرات حدث و لا حرج سوغتو مع الصيف

السلام عليكم
اختي لازم الجار يكون شويا محترم جيرانو والنقا مليح للجيران كامل

المشاركة الأصلية كتبت بواسطة cherilety

ربى يعاون كل من غير منكرا

السلام عليكم
اللهم آمين شكرا وبارك الله فيك

[الأســــــتاذ: ج. ســــواعـــدي]

موفقون ان شاء الله

[مريم الصابرة]

المشاركة الأصلية كتبت بواسطة الأســــــتاذ: ج. ســــواعـــدي

موفقون ان شاء الله

السلام عليكم
اللهم آمين بوركت استاذنا الفاضل شكرا

[مريم الصابرة]

المشاركة الأصلية كتبت بواسطة baroud

وقتنا هذا ما كان جار ما كان والو واحد ما يقدر ما يحشم
مرة غرسنا شجر قدام الدار جا جارنا نحاها من الارض عاودنا غرسنا شجرة اخرئ نحاها و صب الاسيد ف الحوض تاع الشجرة يعني قتل الارض تصبح مش مليحة للشجرة و ماتت
المرة الاخير جبنا شجرة و غرسناها قدام الباب و درنا السياج و حرصنا عليها مليح مليح
دك راهي كبيرة قريب 5 امتار و ما زال راهم حاسدينا عليها
اما الصوالح الاخرئ غير يشوفوا واحد دخل للدار و لا حطينا سيارتنا قدام الباب و لا حاجة يحبوا يدخلوا ف الوسط و يعرفوا كل حاجة
بالصح احنا قاتلينهم بالقدر و مش معمرين بهم روسنا اصلا
لانو عايلتنا كلنا محترمين
اما من حيث النظافة خارج البيت كل يوم الصلاحة ف الصباح منحبوش قدام دارنا يكون مش مليح

موضوعك اجتماعي حضاري يمس كل المجتمع لكن

اشكون اللي يفهم هكذا

!!!

السلام عليكم اخي
هذا جراك عندو عقدة من الشجر
لا جيراني الحمد لله صح مشحين على الدراهم وأغلبيتهم اساتذة لكن لما حكيت معاهم فالاول رقدو فالخط لكن لما اصريت الحمد لله تفاهمنا وعالجنا الحالة وراهي روعة وتفاهمنا اي حاجة تكون للحومة نتاعنا نديروها قالو رانا واجدين الحمد لله
صح الناس ضرك راك عارف خاصة لما تقولو على الدراهم كيفاه يولي الواحد ينظف دارو والمحيط اللي عند البال حاول معاهم وقبلو حاجة مليحة كان رفضو الله غالب شكرا اخي بارك الله فيك يا ريت اللي يقراو موضوعي على الأقل الشباب ولاد الحي يتفاهمو كل سملنة ينقو كراتي نتاعهم يا سيدي يعاونو بيديهم شكرا