اقتراحي لاستاذات الكروشي

[archioui]

على بركة الله
فكرة مليحة و يستفيد منها الجميع
ممكن اني نساعدكم و لو بالقليل لأن ضروفي لا تسمح لي باستعمال الانترنيت كل وقت
سلام و بالتوفيق للجميع

[الكـ الطيبة ـلمة]

المشاركة الأصلية كتبت بواسطة fifiarch

مساء الخير لبنات كامل

انا حبيت نحط هذا الاقتراح لاستاذات الكروشي

استاذاتنا ماشاء الله البنات كامل حابين يتعلمو
وكل اخت اقترحت ورشة وخدمتها مع الاخوات ولقات الترحيب والمشاركة المطلوبة

الاخت اميرة مع صدور الكروشي
اظن الصدور لي تخدميهم معقدين على المبتدئات
لذا لن تلزم ورشات الصدور بهذا الاقتراح

اقترح على باقي الاستاذات
ميميشا واميرة
كرونو
ام سفيان واي خبيرة كروشي مايلي

واش رايكم الورشات بدل ما تبقى متفرقة نجمعوها في دورة

حتى لا تتداخل الورشات مع بعض ومايتشتتش انتباه الاخوات
يعني نتابعو كل فترة معينة اسبوع مثلا نتابعو درس معين

واكيد الدروس نبداوها من الاسهل الى الاصعب

الدرس الاول كان مختلف الغرز لي حطتها اختنا ميميشة

ومبعد نبداو بقية الدروس

كيما اقترحتو مثلا العلاقة نتاع المفاتيح
وانتم خبيرات
اذا شفتوها تساعد المبتدئات
نبداو بيها

او نختارو انواع اخرى للعلاقات مثلا
وهكذا كل اسبوع نبداو نطورو في الاعمال

والاخت اميرة 79 انت تانا اذا حبيتي تشاركينا اكيد
فالامر منفصل عن ورشات الصدور
لانو المبتدئات ماراحش يحبسو على الاخوات لي يعرفو
يعني هوما يقدرو يتبعو الصدور وتكملو العمل مع بعض
اما المبتدئات نظن باه يخدمو صدر شوي صعب عليهم

هذا كان اقتراحي فما رايكن
وهذه الطريقة اتبعناها في العديد من الدورات السابقة ولاقت النجاح المطلوب
وتكون العملية اكثر تنظيم

اعطوني رايكم

بالتوفيق للجميع

اقتراح جيد

و أضيف له أنو أفضل طريقة للمبتدئات أنهن يتعلمن les points حيث كل مرة يقمن بحياكة point معين

حتى تمكن جميع المنظمات من الحياكة وتعلم اسم ما تحيك في ذات الوقت

ثم يقترح شكل مفرش بسيط يضم عدة و هو كتطبيق و في اثناء ذلك يتمكنن من قراءة la légende المرفقة مع كل مفرش

[amira19]

اقتراح جيد بوركت عليه

[fifiarch]

اقتراحتكم كامل مفيدو وبناءة
سيدرس الامر جيدا ولنا عودة بعد العيد ان شاء الله مع تكملة الورشة

[zahra30]

اقتراح جيد ......التنظيم والتنسيق يخلي المنتدى يرتقي وفي نفس الوقت تعم الفائدة
تنظيم دورات خاصة بالتعليم ....وورشات للعمل ...... لانو تختلف درجات الفهم ( كاين اللي يعرف واللي حيزو يتعلم ) لكي لا يكون هناك ملل
( اللي يعرف ما يقعدش يستنى واللي حيزو يتعلم ما يقعدش غير يشوف ويسال ) ..... بالتوفيق

[sofiane2075]

صراحة ما شاء الله دائما تفاحئينا و مواضيعك دائما مميزة و مفيدة بارك الله فيك


انا ان شاء الله لما نكون واجدة راح نعلمكم عمل مفارش كروشيه و ان شاء الله نفيدكم و اسفة لاني ماحطيتش درس في الرسم على القماش شفت البنات مازال ماطبقوش ان شاء الله في المرات المقبلة او نخدمو الكروشيه و ناجلو الرسم راهم يحبوه بزاف و نتمنى التوفيق للجميع

[أم مريم]

و أنا كذلك أضم صوتي بصراحة كنت رايحة نبطل مانتعلموش لأنني مافهمت والوا لكن لما بدأت الأخت ميمشة بديت نفهم والحمد لله وربي يجازيكم خير