ارجو ان تدخلوا وتعطوا رايكم

[الأمنيات]

المشاركة الأصلية كتبت بواسطة sarl02

اتكلو على ربي زوجوها ترتاح هي وراح اتريحكم ..لانه البنت في هذا السن مدام حطت فكرة الزواج في راسها وتم رفضها من فبل اهلها راح اكون عندها انعكاسات سلبية لاحقا واهمها قادر اتفكر في امور اخرى و تنحرف بعقلها وعملها ..مالا الزواج احسن وافضل لها ولاهلها.

ايه هذا احسن لها ولخالتي اذا دارت البنت الزواج في راسها خلاص شكرا لك اختي

المشاركة الأصلية كتبت بواسطة مريم الصابرة

السلام عليكم
من راي تتزوج لأانو مهما درست وتعلمت مكانها الدار يا اختي والصوالح تدي قيسها والزوج اكيد راح يدفعلها المهر وفالدار يعاونوها ودير دارها وين المشكل لو انا اكدي نتزوج شكرا.

هههههه شكرا لك عارفة ومتاكدة بلي راح تتزوج حتى هي قالت ختصرت الطريق

المشاركة الأصلية كتبت بواسطة وردة أمل

بالنسبة لي صراحة لا يمكن ابدا اني نتوقف عن الدراسة و نقبل اني نتزوج و نحبس في نصف الطريق خصوصاو اني هاد العام نجيب الليسانس بصح ناوية نكمل الماستر ان شاء الله ,,,,ممكن نتقبل فكرة الارتباط لكن الزواج صعب و محال اني نحبس لما قربت من النهاية لكن تبقى كل بنت و قناعتها اذا هي دايرة فكرة الزواج في بالها اصلا مش راح تركز في قرايتها و يبقى كل تخمامها في الزواج الاحسن هنا انها تتزوج و خلاص

الله يهون على الجميع ان شاء الله

كل واحد وفكرته ربي ينجحك اختي شكرااالك على الرد

[~ حراير ~]

السلام عليكم و رحمة الله تعالى و بركاته

أختي العزيزة الأمنيات أردت أن اشاركك الرأي

و أرد لك بعض خيرك فكثيرا ما رديتي على مواضيعي .... ربي يبارك فيك و في وليداتك اللهم آمين

أنا في رأيي تكون ذكية و لا تفرط في الإثنين
و تربح ثلاث حوايج مع بعضهم
تربح الراجل
تربح الدبلوم "و كما تقول أمي تحطو ريسارف تحتها"
تربح رضا والدتها عليها و على زواجها و كل حياتها

و إن كانت معجبة جدا بالخطيب و لا تريد تركه "لاصقة فيه بالخيط و الباتاكس" و هو غير موافق على دراستهاأنصحها تفعل كما فعلت صديقتي "مع العلم أن صديقتي لم يتركها أخوها تدرس في الجامعة و صبرت عليه حتى هداه الله"
سجلت في الجامعة ثم طلبت عطلة congé Academie أو Congé de Longue Maladie لا أدري إن كان هذا الخيار لازال ساري المفعول أم لا ... حتى تستطيع إقناعه

أما عن رأيي الشخصي فكلامها عن المكتوب إن كانت تؤمن به حقا فهو يأتي في أي وقت يكتبه الله لها يعني كاين ياسر ناس خطبو ولكن المكتوب لم يتم و كاين ناس حسبو انهم فاتهم القطار لكن جاهم مكتوبهم
يعني هذا أمر في يد الله تعالى أولا ..... و بالمقابل الدراسة إن فاتتها فلا أضنها ستسترجعها ... "و ربي يَــكَََــــون الخير"

أما عن عائلتي فالدراسة و العمل و حرفة أو كما نقول صنعة في اليد هي أمر إلزامي و واجب لابد منه بالنسبة لبابا رحمه الله و لأمي ربي يحفظها و نزيد لنقولك حاجة كان بابا ربي يرحمو يقول "قراية الطفلة أهم من قراية الطفل"

أما عن تجربتي فأقول لها لا تفرطي في دراستك الراجل جاي جاي و الشيئ الذي كتبهولك ربي واحد ماراح يديهولك
أما العمل فلابأس بتركه إن كان الزوج ميسور الحال و الطفلة رايها صالح

أما عن التاريخ فأذكرك بقصة الأمير الذي طلبت منه زوجته تعلم حرفة حتى تتزوج به ...... و عندما أسره العدو قام بنحت مكانه على سيف و طلب منهم بيعه ..... كانت حرفته هي التي .... أنقذته مالي قلها تكمل قرايتها خيرلها


علابالي بلي كثرت عليك بالهدرة لكني والله كنت فاطة "يعني مديقوتية" و لقيت موضوعك بَـــرَد عليا و الظاهرة أنه ما تجي تكملي قراية الرد انتاعي حتان تلقايها تزوجت و جابت الأولاد هيهيهيهيهيهيه

[الواثق]

ودائما ارجع واقول ان الرجل اذا ترك نفسه محل اختيار بينه هو والدراسة كان موقفا سخيفا والله المستعان .................اه من الدنيا ماذا فعلت

[الأمنيات]

المشاركة الأصلية كتبت بواسطة الواثق

ودائما ارجع واقول ان الرجل اذا ترك نفسه محل اختيار بينه هو والدراسة كان موقفا سخيفا والله المستعان .................اه من الدنيا ماذا فعلت

صراحة لم افهم ردك اخي وضح لو سمحت

[الأمنيات]

نورتيييييييييي الموضوع اريج لا لا ما نقاهاش تزوجت برك حتى زيدت اظن
واللله افرحني ردك ومداخلتك اخت اعتز بها ربي شاهد
لكن بالنسبة رايك انا نقول البنت مهما وصلت الا اخر المطاف الزواج
كما قالت اخت هنا في المنتدى ربي يحفظها المراة تطلع حتى المريخ ترجع للكوزينا
لكن يبقى مجرد راي اختلاف الراي لا يفسد للود قضية
شكراااااااااااا حبيبتي

[مـجيد]

لقد فعلت الصواب

[الأمنيات]

المشاركة الأصلية كتبت بواسطة مـجيد

لقد فعلت الصواب

اكيد فعلت الصواب لكن امها اختلفت معها شكراااااااااااالك

[شمس 15]

السلام عليكم,
في رأيي تدخل فيها شروط إذا كان مقتنعة و قادرة على المسؤولية مش حبت تعاند فلانة كي تزوجت و إذا كان زوج صالح متدين علاش لا وزيد درك الجامعة ولات خالوطة مش كيما بكري تبعثي بنتك تقرا مطمنة عليها درك إلا من رحم ربي يدخلو للجامعة يتسوفجو تكون فليسي دايرة الشرعي تدخل للجامعة تردو جيب ميجي و بوتس و شال و طابلو فوجهها.ربي يبارك فزواجها إنشاء الله.

[الأمنيات]

امين اختي شكرا على الرد الله يهني كل واحد صح عيدك