اخي ... ممكن رأيك ..... اختي ممكن ... رأيك - الصفحة 2

كوثر1984 · 2012-10-13, 10:13

انا مع المرأة القوية و لكن متى مع المجتمع اي المحيط الخارجي كذلك مع تربية الاولاد لكن داخل المنزل او البيت يجب ان تكون عاطفية مع اهلها

SOUSOU. DZ · 2012-10-14, 12:49

اقتباس:

المشاركة الأصلية كتبت بواسطة كوثر1984

انا مع المرأة القوية و لكن متى مع المجتمع اي المحيط الخارجي كذلك مع تربية الاولاد لكن داخل المنزل او البيت يجب ان تكون عاطفية مع اهلها

هدا رأيك صحيح ماقلت بارك الله فيك وجزاك الله كل خير

djeriou · 2012-10-13, 10:30

أختي الكريمة في كل موقف ما يماثله من تصرف لدى المرأة، فهي قوية متى اقتضى الأمر القوة في تعاملاتها مع المحيط الخارجي و هي

رقيقة حنون في تعاملها مع المحيط الداخلي فهي كالريح، قد تكون نسمة عليلة و قد تزداد قوة و ذلك حسب المواقف التي تمر عليها، و هي بين هذا و ذاك...

assia81 · 2012-10-13, 11:50

السلام عليكم ورحمة الله وبركاته
قوة المرأة في تمسكها بدينها وأخلاقها وليست بالتشبه بالرجال وصيفاتهم فخلق الله أنثى بتلك الخصال طبيعة فيها ولم يأتي الاسلام لينزع عنها ذلك بل ليروضها ويريها كيف ومتى تستعمل قوتها أما أن تتنازل عن دلك كليا فهذا معناه انها تخلت عن أنوثتها التي تتميز بها

SOUSOU. DZ · 2012-10-14, 12:57

اقتباس:

المشاركة الأصلية كتبت بواسطة assia81

السلام عليكم ورحمة الله وبركاته
قوة المرأة في تمسكها بدينها وأخلاقها وليست بالتشبه بالرجال وصيفاتهم فخلق الله أنثى بتلك الخصال طبيعة فيها ولم يأتي الاسلام لينزع عنها ذلك بل ليروضها ويريها كيف ومتى تستعمل قوتها أما أن تتنازل عن دلك كليا فهذا معناه انها تخلت عن أنوثتها التي تتميز بها

وعليكم السلام ورحمة الله يهلا

كلام اعجبني

بارك الله فيك وجزاك الله كل خير

النجمة القطبية · 2012-10-23, 00:18

لا اعلم ماذا تقصدين بالفكرة العوجاء
ولست ادرى ان كنت فهمت الموضوع جيداا
بالنسبة لى نحب نكون على طبيعتى والسلام
اما تغليب العاطفة عند المراة امر فطرى ولولا ذلك لما وكلت اليها مهمة تربية الاطفال

SOUSOU. DZ · 2012-10-23, 11:50

اقتباس:

المشاركة الأصلية كتبت بواسطة النجمة القطبية

لا اعلم ماذا تقصدين بالفكرة العوجاء
ولست ادرى ان كنت فهمت الموضوع جيداا
بالنسبة لى نحب نكون على طبيعتى والسلام
اما تغليب العاطفة عند المراة امر فطرى ولولا ذلك لما وكلت اليها مهمة تربية الاطفال

المهم انك نورتي صفحة بمشاركتك

وي هادي هيا قلتيها

شكرا لمرورك ونورتي

SOUSOU. DZ · 2012-10-14, 12:54

اقتباس:

المشاركة الأصلية كتبت بواسطة djeriou

أختي الكريمة في كل موقف ما يماثله من تصرف لدى المرأة، فهي قوية متى اقتضى الأمر القوة في تعاملاتها مع المحيط الخارجي و هي

رقيقة حنون في تعاملها مع المحيط الداخلي فهي كالريح، قد تكون نسمة عليلة و قد تزداد قوة و ذلك حسب المواقف التي تمر عليها، و هي بين هذا و ذاك...

يعني تتفهم كل وضع هيا فيه والله رووووووعة

شكرا لمرورك وردك الجميل جزاك الله كل خير

soso sirin · 2012-10-13, 18:34

هل تنوين او تتمنين أن تكوني يوما من هذه الفئة من النسوة
وتتنازلين عن فطرتك العوجاء الجميلة ؟؟؟ القوة مليحة يا اسماء في وقتنا للمراة سوغتو كي تفوت تفتح الباب تاع برا و تخرج هنا لازملها تتسلف شوية صفات من عند الراجل باه تقدر تعيش لازملها ماتخلي حتا واحد مريض يطمع فيها لانو تفوتي تضحكي مرا لواحد ينسى روحو امالا في اي تعامل مع اي راجل كل حاجة بحساب و الي تحترم روحها مايقدرش اي واحد يفوت فيها و ماشي شرط لازم تعيط و تبهدل روحها بالعكس المراة تاع الصح بهدوءها و خجلها و تبين للناس كامل انو هي امراة اي راجل يحترمها و يديرلها قيمة .و الانوثة و الدلال و الرقة و العاطفة الجياشة و الحنانة الزايدة كي تجي داخلا لدارها تخرجهم لانو مكانش الي يستحقهم برا امالا مكلاه تخرجهم معاها هكا تولي مهنية .

SOUSOU. DZ · 2012-10-15, 00:01

اقتباس:

المشاركة الأصلية كتبت بواسطة soso sirin

هل تنوين او تتمنين أن تكوني يوما من هذه الفئة من النسوة
وتتنازلين عن فطرتك العوجاء الجميلة ؟؟؟ القوة مليحة يا اسماء في وقتنا للمراة سوغتو كي تفوت تفتح الباب تاع برا و تخرج هنا لازملها تتسلف شوية صفات من عند الراجل باه تقدر تعيش لازملها ماتخلي حتا واحد مريض يطمع فيها لانو تفوتي تضحكي مرا لواحد ينسى روحو امالا في اي تعامل مع اي راجل كل حاجة بحساب و الي تحترم روحها مايقدرش اي واحد يفوت فيها و ماشي شرط لازم تعيط و تبهدل روحها بالعكس المراة تاع الصح بهدوءها و خجلها و تبين للناس كامل انو هي امراة اي راجل يحترمها و يديرلها قيمة .و الانوثة و الدلال و الرقة و العاطفة الجياشة و الحنانة الزايدة كي تجي داخلا لدارها تخرجهم لانو مكانش الي يستحقهم برا امالا مكلاه تخرجهم معاها هكا تولي مهنية .

اااااااااااااااااه وسيلة حنونة صاافا

شكرا على مرورك وعندك الصح لي حل باب لازم يعرف كيفاش يدير معاه شكرا لمرورك وجزاك الله كل خير

fares rog · 2012-10-14, 12:43

لبنات تاعنا tellment توعجوا ، ساعات يبانولي ولاو كي شغل رجال ، والعكس صحيح ... راني نشوف رجال ولاو كي شغل بنات ههههههههه ، الدنيا راهي مخروبة .
بالنسبة للموضوع تاعك هو يخص النساء الأجنبيات ، أنا نحب النوع الأولالي حكيتي عليهم فوق بصح على الأجنبيات ماشي على تاع هنا ههههههههههههههههههه

SOUSOU. DZ · 2012-10-15, 00:03

اقتباس:

المشاركة الأصلية كتبت بواسطة fares rog

لبنات تاعنا tellment توعجوا ، ساعات يبانولي ولاو كي شغل رجال ، والعكس صحيح ... راني نشوف رجال ولاو كي شغل بنات ههههههههه ، الدنيا راهي مخروبة .
بالنسبة للموضوع تاعك هو يخص النساء الأجنبيات ، أنا نحب النوع الأولالي حكيتي عليهم فوق بصح على الأجنبيات ماشي على تاع هنا ههههههههههههههههههه

شوف تزيد تحكي على بنات بلادي على بالك سعدك نحطو في يدك اوكي

يالله سلام ........ اه حقا مزالك دور في دزاير

fares rog · 2012-10-15, 09:54

اقتباس:

المشاركة الأصلية كتبت بواسطة sousou. Dz

شوف تزيد تحكي على بنات بلادي على بالك سعدك نحطو في يدك اوكي

يالله سلام ........ اه حقا مزالك دور في دزاير

---------------------------------------------------------------------------------------------------
اذا لقيتي عندي سعد ، معاليش حطيهولي في يدي ، بصح ماتلقايهش عندي غير ماتكسريش راسك ، حنى غير الهم تابعنا .
العام الجاي ان شاء الله مزال ماعطاوهاليش وان شاء الله يعطيوهالي يارب ، normalment فارية باذن الله ، pour instent مدام راني هنا لازم نبقى مع هذا الشعب كائن اجتماعي ، نحكي و نقصر ونقرى هنا ..محتمة واش راني رايح ندير ،، بصح قسما بالله العظيم غير نجيبها منا ، نوجد bagaje ونسهل مانزيدتش هنايا دقيقة واحدة !!
وزيد نعطيلك معلومة بلي كامل الرجال مايعجبوهومش بنات الدزاير جاو شوية سوريات راحوا يلهفوا عليهم .. هذا دليل يا أختاه بأن الرجال كرهو من الجزائريات ،، إلا بعض الحلابين هاذوك مانهدروش عليهم لي يتبعو في الطريق ويبكي علاجال وحدة و و و هههههههه ،
أوك ؟ والسلام خير الختام

SOUSOU. DZ · 2012-10-15, 11:33

اقتباس:

المشاركة الأصلية كتبت بواسطة fares rog

---------------------------------------------------------------------------------------------------
اذا لقيتي عندي سعد ، معاليش حطيهولي في يدي ، بصح ماتلقايهش عندي غير ماتكسريش راسك ، حنى غير الهم تابعنا .
العام الجاي ان شاء الله مزال ماعطاوهاليش وان شاء الله يعطيوهالي يارب ، normalment فارية باذن الله ، pour instent مدام راني هنا لازم نبقى مع هذا الشعب كائن اجتماعي ، نحكي و نقصر ونقرى هنا ..محتمة واش راني رايح ندير ،، بصح قسما بالله العظيم غير نجيبها منا ، نوجد bagaje ونسهل مانزيدتش هنايا دقيقة واحدة !!
وزيد نعطيلك معلومة بلي كامل الرجال مايعجبوهومش بنات الدزاير جاو شوية سوريات راحوا يلهفوا عليهم .. هذا دليل يا أختاه بأن الرجال كرهو من الجزائريات ،، إلا بعض الحلابين هاذوك مانهدروش عليهم لي يتبعو في الطريق ويبكي علاجال وحدة و و و هههههههه ،
أوك ؟ والسلام خير الختام

هههههههه الحمد الله عرفت روحك ............... انت عارف روحك ماعندكش زهر في دزايرقاعدة تحرم على لخرين ........ حتى لعام جاي بزااااااف وقيل تهبل ................. وزيد انت علاش تشوف في لبنات ماشي مربيات ومام شباب خليك منهم ........... كاين وكاين ........... يعني ماتخلطش

fares rog · 2012-10-15, 12:01

اقتباس:

المشاركة الأصلية كتبت بواسطة sousou. Dz

هههههههه الحمد الله عرفت روحك ............... انت عارف روحك ماعندكش زهر في دزايرقاعدة تحرم على لخرين ........ حتى لعام جاي بزااااااف وقيل تهبل ................. وزيد انت علاش تشوف في لبنات ماشي مربيات ومام شباب خليك منهم ........... كاين وكاين ........... يعني ماتخلطش

----------------------------------------------------------------------------
مااعنديش واش راح نزيد نقولك ،، جابلي ربي بلي ماشي غير انا الي ماعنديش الزهر هنا ،، روحي اشعلي قناة النهار والشروق وشوفي أراء الناس ، ولا كنت مرفهة او والديك لاباس عليهم جابلي ربي اسكتي خير ، بصح باه تبداي طرشي برك في الكلام( نتى ماعندكش الزهر ، الدزاير راهي لاباس عليها) ... أنا راني نشوف قاع الشباب راهم بطالين ني خدمة ني زدمة ني والوا .. قاعدين غير في القهوة والطفلة الي تجوز يبدو يتبالوا فيها ويضحكوا، .. قاع قارين والي ماش قاري عندو ديبلوم مريحين برا ... وأنا واحد منهم ، لو كان كانت الدنيا دنيا راني خدام دوركا مانيش قاعد نهدر معاك، .
.اي وي واش رانا رايحين نديرو ، لبنات يخدمو ، عتناش يولوا يفطرو على الوحدة يولوا يخدمو
والمالوغ حنا نشوفوا فيهم رايحين جاين وحنا بطالين شايدين لحيوط
بصح ما يحس الجمرة غير لكواتوا ، واش من المستقبل عندي هنايا ؟
لارمي تاكي فينا مانقدرو نجوزو لي كونكور ما نقدرو نخدمو بلا لاكارت تاع لارمي ، حتى تشغيل الشباب مانقدروش نديروها ، واقيلا نتكل على الشيخ بابا يوكلني ويشربني ويخلصلي الاشتراك تاع الانترنات وأنا قاعد كي الرخيص مذلول!!
غير جيني الفرصة أو ماشي غير أنا أي واحد من لاجوناس تجيه فرصة باه يهرب من البلاد هاذي يهرب.
حكيت قاع واش عندي مانيش رايح نزيد نرد في هذا الموضوع سي بون.