ماقولكم في زواج هذه بدايتة؟

[amina260]

اختي الكريمة متامنيش شعال راني فاهمتك باسكو هذي القصة انا هضمتها من قبل شفتها في الحياة هذي مرت عليا
يا اختي انا راني معاك في قرايتك ودديبلومك لازم تديه وكي راكم تفاهمتو وجات هذي الظروف مشي معانها حشيتهاله نورمالمو يتفهمك واذا متفهمكش هو لي ينقام حشهالك تسما حبيبة حاولي تهدري معاه غي بالشوية وتفهميه قوليله كلشي قبلت بيه ومطلبت منك لخدمة للسكنة غيل ديبلومي فهميه بالعقل حنونة واذا مفهمكش
قع متانبش ضميرك وتقولي انا لي غلطت ما دام الظروف لي حكمت بهذا الشي الا جا يبغيك صح هو ثني يضحي بحاجة على جالك كيما نتي من ضحيتي بخدمتك باش يكون غاية وتعيشو غاية وانا ني معاك نتي وراكي نيشان مراكيش قع غالطة وعلى حساب هدرتك بلا منشوفك صدقني والله من هذي الاحرف برك راني ناكدلك والله العظيم الف واحد يتمنى وحدة كيما نتي تسمح في حاجات يهموها على جاله وتصبر هاكا غيل متخميش وحاولي تقنعيه بقرايتك
صح الخدمة معليش قع وتزيرت راه عندك ديبلومك وتخدمي من بعد مشي مشكل تسما راهو عندك سلاح في يدك ما حد يقدر يسيطر عليك
بصح قرياتك حاولي تفهيمه عليها ونتي راكي فتاة في مقتبل العمر من حقك نتي ثني تطالبي بحقوقك
وعلى حساب مني نشوف راكي سمحتي في كلشي متزيديش تسمحي في قرياتك
واذا كان راجلك مليح وراه باغيك ومتمسك بيك لدرجة كبيرة محال يقدر يسمح فيك على جال امر كيما هذا واذا مراهش مقتنع بيك 100/100 يقدر يخلي هذا الشي البسيط يفصله عنك
وانا في راي بلي هذا الموقف لي نحطيتي فيه شباب بزاف غدي يبنلك المسار تع حياتك من بعد الزواج
اكيد راكي تتسالي كيفاش
راح نجاوبك
ذك نتي هذا الظرف ولا هذا الامر الصغير خلا شريك حياتك يتكلم على الانفصال ااه هذي غيل في بداية المشوار هذا ميعنيش بلي راه يقولها من قلبو ربما غيل يهدد فيك
في هذي الحالة حنونة
اذا نتي تمسكتي برايك وهو سمح فيك غيل خطيك باسكو قع قع وكملتي وتنازلتي نتي رايحة منا للقدام وتتعبي معاه ويوالف يفرض عليك رايه وتكوني في مشاكل
بصح اذا تمسكتي انتي برايك وهو تنازل عن كلامه غيل على جالك انا نقولك ديره فوق راسك وحافظي عليه باسكو كي مسمحش فيك اليوم غدوا تني ميسمحش فيك وتعيشو حياة شابة
وسمحيلي حنونتي كثرت الهدرة هههههه
انا نتمنى لك من قلبي تتحل المشكلة ديالك
ربي يكون معاك يا اختي
سلام

[نورسين.داية]

المشاركة الأصلية كتبت بواسطة narimane1991

السلام عليكم
قصتي تكمن في خطيبي الذي قد تعاهدنا علي ان نحب بعضنا وان يكرم احدنا الاخر وان نعيش علي درب الله ورسوله دستوره
هو طبيب حسن الخلق والخلق ذو سمعة محمودة في الوسط المهني وخارجه جميل متربي والحمدالله بعد ان تقدم لي اتفقنا علي ان اتوقف علي عملي بعد ان اتحصل علي شهادتي (الدبلوم) ولقد رضيت لما اراه من ذم في المراة العاملة لا غير وجعلته بنية عمل صالح لله وهذه نيتي لحد الساعه
رضيت بان اعيش مع اهله من اجله لاغير و قلت قسري باه يجي نهار ووليد يعيش معايا
لكن المشكله انه هذه الايام قرر ان يعود في رايه بعد ان تعطل صدور دبلومي لمدة 3 سنوات علي الاقل كي اتحصل عليه
وهنا وقعت الكارثه فقد قال لي مستحيل تقعدي تخدمي 3 سنوات ووليدي و الدار والضياف وكفاه تخلي يما وحدها وهنا صدمة بقوله انا ديتك باه تونسي يما ومازاد الطين بله انه قال لي مكنتش ناوي نتزوج بيك مي در الله ومشاء الله فعل وراكي حشيتيهالي كما نقولو بالعاميه نتعنا يعني تحايلتي عليا
وانا والله العمل و تركه لا يشكلان عندي اي مشكل لكن لن اترك عملي بدون دبلوم وكما راني نقول في قلبي ماشي تعذبت وتبهدلت وتعبت وفي اخر المطاف نخرج منها بدون دبلوم اقل شيء والله ليس شرا مني او تكبر او اي من هاذا القبل لكن والله اعلم بما في صدري هو بالنسبة لي مجرد سلاح اخفيه للحياة فلا تدري نفسن ماذا تكسب غدا ولا تدري نفس باي ارض تموت
وقوله هو ياتسمحي انتي في دبلومك وعملك يانسمح انا فيك ؟؟؟؟؟؟؟؟؟؟؟؟؟ وحجته انا من النهار الاول قتلك العمل لالالا
ماقولوكم وماريكم وماتعليقكم انا والله جد حائرة و مهمومة وشبه ضائعه

إذن شوفي عزيزتي
اليوم أنتي على حسب ما دكرتي خطيبته فقط يعني لا يوجد بينكما عقد شرعي .............يعني لا يوجد ما يلزمكي بهذا الزواج
لكن أساس أي علاقة زوجية هو الإتفاق فهو عقد بحكم طبيعته و أساسه التراضي في الأول و الأخير
هو من المفروض الخطيب يتقيد بما وعدكي .......كما أن مسألة والدته ....أنتي لستي ملزمة بها ...لا شرعا و لا قانونا

و إنما من باب حسن الخلق و إكراما للزوج فقط .............لا غير .............و تستطيعين إشتراط السكن الإنفرادي فهذا حقك عزيزتي .

لكن لي سؤال : هل انتي في إستعداد للتخلي عنه أم لا ؟؟؟؟؟؟؟؟؟؟؟؟؟؟؟؟؟
لأنك قلتي أن الشهادة تعبتي من اجلها
و هذه الشهادة إذا تخليتي عنها ضاعت منكي ..........أليس كدلك ؟؟؟؟؟

أنا شخصيا في هاذي ....لا أستخير من اجلها حتى ................الشهادة عندي أولى ...........و هو لما راه يشوف في روحو داير فيا مزيا ..................معناها لا يصلح لي
الزواج تفاهم ...........و إتفاق ...........إذا حب أحد الطرفين يفرض انانيته ......هنا ما تفاهمناش ...

عزيزتي قارني بين الحصول على الشهادة أو هذا الزوج أيهما أهم بالنسبة لكي و أيهما يستحق التضحية
وفقكي الله أختي

[amina260]

إذن شوفي عزيزتي
اليوم أنتي على حسب ما دكرتي خطيبته فقط يعني لا يوجد بينكما عقد شرعي .............يعني لا يوجد ما يلزمكي بهذا الزواج
لكن أساس أي علاقة زوجية هو الإتفاق فهو عقد بحكم طبيعته و أساسه التراضي في الأول و الأخير
هو من المفروض الخطيب يتقيد بما وعدكي .......كما أن مسألة والدته ....أنتي لستي ملزمة بها ...لا شرعا و لا قانونا

و إنما من باب حسن الخلق و إكراما للزوج فقط .............لا غير .............و تستطيعين إشتراط السكن الإنفرادي فهذا حقك عزيزتي .

لكن لي سؤال : هل انتي في إستعداد للتخلي عنه أم لا ؟؟؟؟؟؟؟؟؟؟؟؟؟؟؟؟؟
لأنك قلتي أن الشهادة تعبتي من اجلها
و هذه الشهادة إذا تخليتي عنها ضاعت منكي ..........أليس كدلك ؟؟؟؟؟

أنا شخصيا في هاذي ....لا أستخير من اجلها حتى ................الشهادة عندي أولى ...........و هو لما راه يشوف في روحو داير فيا مزيا ..................معناها لا يصلح لي
الزواج تفاهم ...........و إتفاق ...........إذا حب أحد الطرفين يفرض انانيته ......هنا ما تفاهمناش ...

عزيزتي قارني بين الحصول على الشهادة أو هذا الزوج أيهما أهم بالنسبة لكي و أيهما يستحق التضحية
وفقكي الله أختي

الله يعطي الصحة اختي
هذا هي المسالة كلها
ربي يجازيك كل الخير

[narimane1991]

في حقيقة االمر يوجد بيننا عقد شرعي ومدني ولكن لايهم فطلاق بدون دخول افضل من مطلقة بولد
والحمدالله قد اتخدت قراري وشكرا لكم جميعا ربي يوفقكم واللهوالله والله راكم فاجيتو عليا هم كبير ربي يرزكم الجنة بلا حساب ولا سابقة عذاب
وكيما يقولو الي بدلك بالفول بدلو بالقشور هو فضل انانيتو ورضاه شخصي فضلهم علي شعوري وعلي مستقبلي او حتى رضاي
الله يجيبلو الزوجة الصالحة الي تقبلو بشروطو وتضحي كتر مني
ربي يحفظكم

[الدر المكنون]

ربي يفرج همك ويهنيك

[ryma la cool]

ya okhti matlomihesh ken kalhalekkkk ki koltilo 3 sninnnnnnnnnnnnn
w zidd la shoftihhh nes mleh w yeatahllllllllllllllllllllllllll khalikkkk mn diplome
nkolk haja matkisishh ala hadartoo wAKTT ZAAFFFF SHOFIHH MAA LAASHRAA ILA YASTAHLLL

[enseignant fiévreux]

المشاركة الأصلية كتبت بواسطة narimane1991

شكرا حنونةmoon doll حتى انا راهي تدور في راسي الهدرة ديالك وقيله هدي هيا النهاية وخلاص ادا ابسط الامور ومشكل وقتي مقدرش يتفهمني فيه ويدي بخاطري فيه مستحيل يعطيني الحق في حوايج اخري حتى لوكان نكون مظلومة
شكرا

ديري ربي في بالك و نحي الافكار الشيطنية من راسك و راجلك ما دام عاش معاك راه مازال يبغيك و الكلام في وقت الغضب ما يديروش عليه الناس و خاصة بين الرجل و الزوجة نتاعو وانا من عندي رضي راجلك و الله غير ربي يعوض عليك و ما ديريش حاجة لي تندمي عليها راهو الشيطان دخل بيناتكم
واذا درتي وش راه يدور في راسك والله يا اختي غير تندمي و تندمي
انا في الوقت الحالي راني تقريبا في نفس المشكل و (ربي يهديك و يهديها )
ربي يجيب الخير ونزيد نقلك بالاك تفرطي في راجلك

[amina260]

في حقيقة االمر يوجد بيننا عقد شرعي ومدني ولكن لايهم فطلاق بدون دخول افضل من مطلقة بولد
والحمدالله قد اتخدت قراري وشكرا لكم جميعا ربي يوفقكم واللهوالله والله راكم فاجيتو عليا هم كبير ربي يرزكم الجنة بلا حساب ولا سابقة عذاب
وكيما يقولو الي بدلك بالفول بدلو بالقشور هو فضل انانيتو ورضاه شخصي فضلهم علي شعوري وعلي مستقبلي او حتى رضاي
الله يجيبلو الزوجة الصالحة الي تقبلو بشروطو وتضحي كتر مني
ربي يحفظكم

اختي اكيد اكيد مغديش تجيك حاجة ساهلة تنسي بلخف وبعد ما كنتي مع انسان تلاقي روحك وحدك مهيش ساهلة بصح الوضع لي حطك فيه لازم يخليك قوية واذا طاحت الدمعة مسحيها ومتفكريش فيه وكوني قوية
ومكانش لي ميجربش في هذي الدنيا راكي دخلتي هذي التجربة وخرجي منها سالمة وتعلمتي منها بزاف حوايج على هذا متندميش خلاصص
وزيد يقولك ربي سبحانو ما يبعد علينا حاجة حتى لي يشوفها شر لينا وكي ينحيها يرزقنا بالافضل اكيد اجلا ام عاجلا دونك متقلقيش قع روحك وخمي في قرايتك وربي ينجحك ان شاء الله

[narimane1991]

المشاركة الأصلية كتبت بواسطة enseignant fiévreux

ديري ربي في بالك و نحي الافكار الشيطنية من راسك و راجلك ما دام عاش معاك راه مازال يبغيك و الكلام في وقت الغضب ما يديروش عليه الناس و خاصة بين الرجل و الزوجة نتاعو وانا من عندي رضي راجلك و الله غير ربي يعوض عليك و ما ديريش حاجة لي تندمي عليها راهو الشيطان دخل بيناتكم
واذا درتي وش راه يدور في راسك والله يا اختي غير تندمي و تندمي
انا في الوقت الحالي راني تقريبا في نفس المشكل و (ربي يهديك و يهديها )
ربي يجيب الخير ونزيد نقلك بالاك تفرطي في راجلك

ربي يحفظك اخي لكريم وبما انك في هاد الموقف انت تاني نتمنا ربي يهديك انت تاني
ادا ربي رزقك بالزوجة الصالحة الي راهي اكيد قليله فهاد الوقت باتهلي فيها واجبر بخاطرها ربي يجبر بخاطرك
انا عن نفسي هاد الموضوع وجعني ياسر ياسر ياسر وانت احكم انا في جالو تخليت علي هدفي في الحياة تخيل كنت نقرا في تخصص تاني والله كي رفض مادرتها في بالي قبلت نسكن مع اهلو مع انو قادر يوفرلي مسكن وحدي وقلت ماعليش في خاطرو نهز شوية باه نغلي في عينو علي جالو رفض الخدمة تعي وقلت ماعليش نربي ولادي تريبة مليحه ونكون الزوجة الصالحه باه ربي يعيني اول ماخطبي كان ساكن هنا في ولايتي وبعدها رحلو الي ولاية تبعد عنا اكتر من 300 كلم وقلت معليش المرا تبع راجلها واهلي مراحش يدومولي معندوش سيارة وقلي نجيبك لاهلك مرات قليله الا كاشما صرات مناسبه وقلت ماعليش قلي باه تزوري اهلك خالاتك وعماتك و اولادهم ممنوعه بعد العرس وقلت معليش عماتي وخالاتي مهمش نازلين في القران ادا مشفتهمش نموت قلي ديري الحجاب في الدار يعني منشوفش خاوتو بلا حجاب وقلت ماعليش حاجة فيها رضاية ربي ونتعود عليه وعادي قلي متعاوديش تقوليلي ادي ولادي للحظانة مهما كانت الضروف وقلت ماعليش حنا متربيناش في الحضانة وبزاف حوايج قلهملي انا موش متعودة عليهم ولا كانو يمكن راجل يشرطهم وقلت ماعليش طاعة الزوج من طاعة ربي و ربءي يعوضني
ومنبعد كامل هادو التضحيات الي انا راني نشوف فيهم عظيمة و اي انثي راهي توافقني في الراي استحقيت منو تنازل صغير ويصبر عليا هاد المدة باه نتحصل غير علي الديبلوم الي راهو سلاح للمستقبل قلي لالالالالالالالالالالالالالالالا
تبانلي ربي راهو عارف شكون الاناني و شكون الي نيتو ناقصه فينا
وعموما شكرا علي مرورك الطيب وربي يصلح حالك انت وزوجك وربي يهديني كيما قلت

[النجمة القطبية]

المشاركة الأصلية كتبت بواسطة narimane1991

في حقيقة االمر يوجد بيننا عقد شرعي ومدني ولكن لايهم فطلاق بدون دخول افضل من مطلقة بولد
والحمدالله قد اتخدت قراري وشكرا لكم جميعا ربي يوفقكم واللهوالله والله راكم فاجيتو عليا هم كبير ربي يرزكم الجنة بلا حساب ولا سابقة عذاب
وكيما يقولو الي بدلك بالفول بدلو بالقشور هو فضل انانيتو ورضاه شخصي فضلهم علي شعوري وعلي مستقبلي او حتى رضاي
الله يجيبلو الزوجة الصالحة الي تقبلو بشروطو وتضحي كتر مني
ربي يحفظكم

شوفى اختى قبل ما نترك الموضوع وللامانة حبيت نقولك امر
متستعجليش وفكرى مليح مليح وحكمى عقلك
حاولى تكونى رزينة
ومتنسايش العجلة من الشيطان
انا رانى معاك فى كل ما سبق وصح ان الكلام غير مريح
ولكن تعاملى مع الامر بعقل وخذى وقتك
انتى لم تشرحى الامر من البداية انك متزوجة وممكن يترتب عن ذلك طلاق
اهم شئ فى هذه المرحلة حاولى تتاكدى من شخصية هذا الانسان وانه محترم يعتمد عليه وعندو خلق لا تحكمى من مجرد كلمة وخذى وقتك
وفكرى فى كل الحلول جيدا
وربى يوفقك للاصلح
ومتخذيش قرارات متسرعة من مجرد اراء فى المنتدى هذى حياتك انتى قررى احنا كلامنا نظرى لكن تلك حياتك وانتى مسؤولة عنها
وفى الاخير اتمنى لك كل التوفيق

[narimane1991]

شكرا نجمة قطبية ربي يحفظك ولحد الساعه مزال متخذتش قرار راني مزال ندي ونجي
ربي يكرمك ويفرج غبينتك ويسعد ايامك

[le chameau]

خمى اخثى مليح هو تكلم بكل صراحة اذان اليك الاختيار مدامتو على برى اذا حابة تفرطى فى قرايتك وافقيه واذا مكيش حابة تفرطى فيها ارفضيه و لا تنسي انو خالف الوعد من البداية و الزواج ثفة و تفاهم قبل الزواج واذا كان النفاق و يقبل كل الشئ قبل الخطوبة و بعد ذلك يرجع فى رايه بعد عقد القران فسامحينى على هذه الكلمة هذا الرجل لا يثاق فيه و الله اعلم

[narimane1991]

المشاركة الأصلية كتبت بواسطة le chameau

خمى اخثى مليح هو تكلم بكل صراحة اذان اليك الاختيار مدامتو على برى اذا حابة تفرطى فى قرايتك وافقيه واذا مكيش حابة تفرطى فيها ارفضيه و لا تنسي انو خالف الوعد من البداية و الزواج ثفة و تفاهم قبل الزواج واذا كان النفاق و يقبل كل الشئ قبل الخطوبة و بعد ذلك يرجع فى رايه بعد عقد القران فسامحينى على هذه الكلمة هذا الرجل لا يثاق فيه و الله اعلم

شكرا حنونة ربي يكرمك ويحفظك وربي يقربك الي قلبك زوجك اكتر واكتر واكتر
ربي يرزقك الجنة

[le chameau]

امين حبيبتى وربي يفرج كربتك خبرينى اختى واش قررتي واش صرى معك رانى اليوم رايحه نرقد بصح هزه همك ايا غذا ان شاء الله لاننى تعبت اليوم تصبحون على خيرا

[enseignant fiévreux]

انا راني اتاكدت بلي راه يبغيك و فوق ما تتصوري واكيد في هذا الوقت راه يفكر فيك ممكن مش قادر يصبر ويدير العرس نتاعو بيناتنا 3 سنوات بزاف
و الله هذا الشخص فيه الخير
ما تتسرعيش ما راكيش عارفة ربي وش راه مكتبلك زيدي اصبري و تحاورو في هذا الموضوع بدون عزة نفس و كبرياء و نشاء الله ربي يقرب بيناتكم امين امين امين و يجي نهار ونقولوكم مبروك ولعقوبة لذرية الصالحة