اللي عندو شوي رحمة في قلبو يدخل يقولي وش ندير

[**د لا ل**]

شكه المستمر اختي لانك عرفتيه قبل الخطبة وهذا اكبر خطأ

وسيتواصل الشك بعد الزواج وقد يصل الى ما لا يحمد عقباه

عليك بالحسم في امره الان

وربي يهديه ويصلح احوالكم

[imane-2020]

السلام عليكم اولا
اختي كيما قالوا لي قبلي حاولي تخليه هو يراجع نفسه ما تعيطيلوش كي يبرد وحدو راح يعيط
واذا كنتي تحبيه اصبري عليه وربي يهديه
كي يشك فيك ما تحلفيلوش وما تناقشيش خليه لأنك كي تناقشيه ولا تحلفيلو يحس انك مخبية شيء مالا انت ما تحلفيش وما تبرري حتى حاجة قوليلو كون جيت راح نخونك ما نبقاش معاك انت 03 سنين ولأني نموت عليك ما راني شايفة حتى واحد غيرك وربي يكون معاك ادعي ربي يهديه ويصبرك عليه
وربي يكون معاك

[tinza]

أختي في الله
أبو المصايب و خارب بيوت المسلمين الهاتف
الشيطان بعينه نعله الله اما عن خطيبك سوف يكلمك هو
متأكد

[soso sirin]

ان شاء الله ربي يفرج عليك مي باغية نقلك حاجة نقصي شوية من الهدرة الهدرة بزاف تاني تضر في الراس و دخل الشك للواحد ماشي شرط 24 ساعة و نتوما تهدرو و زاد كون فهمتيه راكي بخواتاتك راكي بناسك معنتها ماشي مشغولة راه عندك وخدخر و البورطابل ماندارش غير في جالو ضروك نقول لناسي ماتعيطوليش على جالو و لا كيفاش .انتي ماتقلقيش روحك و بلاك هو تاني راه عندو الضغط في الخدمة و نقلك حاجة اذا شكو عارفاتو بلي غيرة لانو يبغيك فهميه و غصبو ديرو العرس هكا تتهناي و يتهنى و الي فيها الخير ربي يقربهالك اختي

[galili34]

سلام!
علابالك ختي ؟ جامي تقولي هذا راه حب...
و الله غير كاين واحد جارنا مرتو راه مشربلها لمرار دايما يشك فيها و يضربها مالقري راهم في
الخمسينات من عمرهم أنا نقولك الصح لوكان جيت
طفلة مانتزوجش مع راجل يشك فيا قبل الزواج
مالا بعد الزواج واش يدير ؟ ربي يستر
و اللي يقوللك هذاك حب و الله غير راه يخرط...
لوكان تكملي مع هذا المهبول يديرك في حبس
و يبقا يشك فيك و نتي إما تبقاي هكذاك إما تطلقي
يعني نقارونتيلك ما كيش رايحة تعبشي معاه ألاز
و إبلا تزوجتي معاه أشفاي على هدرتي هذي مليح
و هذاك النهار تندمي...
ننصحك ما تسمعيش للناس اللي يقولولك من كثرة
حبو ليك... ياو راهم يناموا باين باللي يتفرجوا بزاف المسلسلات تاع الرهج...
خممي مليح...

[galili34]

السلام عليكم أختي
علابالك لاه راه يديرلك هكذا؟
علا خاطر راكي تمشي معاه و تحكي معاه في telephone التاس كامل علابالهم باللي الشي الي راكي دديري فيه حرام و يتسما الخلوة مع الأجنبي..
مالا هو واش يقول ؟ مادام خانت والديها أو راهي تهدر معيا تقدر تخدعني أنا تاني ...
ما تنسايش ثاني الحكمة "لا يضن السفيه إلا بما فيه" بالاك هو عندو بزاف صحاباتو يحكي معاهم
مالقري راه باغي يزوج معاك بصح possible يقول بالاك هي ثاني عندها صحابها....
** أسمحيلي ختي لازم تفطني راني ننصح فيك **
إيلا بغيتي تكوني مولات بيت يتكلو عليها الرجال
أخطيك من هذ لعفايس راهي حرااااام
déja شكون هوا باش كل يوم يحلفك ؟ لوكان جا صح يحبك و يدير فيك confiance ما يشكش فيك
بالاك راه ديقوتا منك و بغى يلقالك سبة باش يليكيديك ؟
على بالك باللي الحاجة كل ما تكثر ترخاس
على جال هكذا المرأة لازم تخلي روحها عزيزة و صافية عتد ربي حتان يجي مكتوبها ...
أنا نقوللك الصح جامي مشيت مع وحدة في حياتي
علا خاطر علا بالي باللي اللي يدير النيا ربي يعطيلو على قدها...
المهم ما دام مازال عندك الوقت يا ختي باش تخممي
خيرمن لا تروحي ليه وتعيشي طول حياتك كوشمار
أنا نقوللك باللي الحاجة اللي تبدا بالحرام تروح في الظلام
و نزيد نقوللك الحب نتاع لحرام كيما اللي كان يحب فيك هو قبل ما يخطبك كي تزوجوا يولي كره على خاطر خلاص شافك أو عرفك أو قصر معاك من قبل
نهار يزوج بيك ما يحسش بالفرق و تولي عندو كأبة
و حساسية منك sur tout كي عشا مشكاك... يا حسراه ..
** واش تقوللك ياختي بقاتلك حاجة واحدة ديريها
تبعي معايا
- لازم تولي لربي و تندمي من قلبك على المشية الي مشيتي معاه من قبل.. بالاك هي السبة؟
-لازم مرة خرة كي يسقسيك ما تبدايش تحلفي و ترخسي بروحك قداموا قوليلو " أنا ما نقوللك والو ربي راه شاهد عليا"
-ويلا كوببا عليك جامي تعاوديلو.. هكذاك راه يولليلك فرعون..نتي ثاني لازم تبينولو باللي نفسك عزيزة عليك
-أدعي لربي باش يهديكم أجمعين و تكوني معاه أسرة مبنية على الثقة و المودة
-إلا ما توصلتيش لحل صلي صلاة الإستخارة و ديسيدي يا تبقاي معاه هو و الصماطة نتاعو يا تبطلي الزواج بيه و ربي يرزقك وا حد خيرمنو..
و اللي تجي من عند ربي فيها خير..
أو فالأخير واش نقول لختي لعزيزة :
في حياتنا دايما يجيونا مشاكل و سوء تفاهم بصح حنا لازمنا نصبروا أو لازمنا ندرسوا المشكل من كل
الجوانب نتاوعو أو لازم نفريوه نهائيا ما نخليو حتى كبيرة ولا صغيرة
على خاطر من بعد تولي تراكمات للمشاكل و يولي الإنسان في ما لا يحمد عقباه...
***سمحيلي ختي إيلا touchite les sentiments نتاوعك...
ربي يوفقك أميييييييييييييييين

[wissam5]

شكرا ليكم كامل على الردود وانا ماحطيطش الموضوع هنا باه نشفكم وتقولو ايه مظلومة مسكينة انا حكيت الشي لي كاين وبالاك نتوما تقدرو تشوفو الشي لي مانيش شايفاتو انا انا مظلومة ومانيش خداعة والشي هادا ماشي حتى نستنى الناس يقولوهولي الشي هادا قدام ربي وقدام نفسي باه نكون مرتاحة واللاخت اللي قالت نورمال انا كون يلقى التيليفون تاعي مشغول فالليل درك راه زمان منين حطيت الموضوع هدا ماشي درك وهو نهار كي عرفتو النهار اللول ماعرفتوش على اساس معريفة وخلاص جا عندي بويسك صاحب عمي وسقسا عليا وجا ناوي الحلال مامشيتش معاه فالسر انا لي حبستو عام باه جا رسمي ودرك رانا مفتحين وعاقدين

[sofia111]

اصبري برك

درك تتنحالو القلقة و الغش و توليو كي السمنة على العسل

ربي يخليكم لبعضاكم

[hyoucef32]

اكثري من ذكر الله والدعاء فربما هذا الشخص سيسببلكي الشقاء بعد ان تتزوجي منه انصحكي بعدم مكالمته واتركي له المجال للاعتذار والا ففراقه افضل لكي وووووووووووووووووووووووووووووووووووويمشي يضرب راسو على حيط

[rabah ag]

شوفي خيتي مش هذي الحاجة لتخليكم تفترقو بعد عامين خطبة... معليهش طولي بالك عليه بلاك راه عنده مشاكل وضغط في الخدمة واي واحد بعيد على خطيبته راح يتقلق وبالاخص فترة طويلة بين الخطبة والزواج ... عاودي كلميه ابعثيله ميساجات اسسمحي منه طيبيلو خاطره حاولي تزيدي تقربيه ليك قوليلو حاول نديرو زواجنا ونقربو بيه ... المهم لاتدخلي الوسواس لبالك واقراي النية الصافية راكم مخطوبين وعاقدين يعني شرعا راكي زوجته قد مايصير متكبروش الموضوع وخطيبك مادامه بعيد اعذريه وحاولي طمنيه عليك في كل وقت وطمني عليه .... وحاولو تقربو الزواج الناس هذا الوقت لتفرق اكثر ملي تجمل ربي يكون في عونكم خيتي

[كبسولة الاحلام]

وكلي عليه ربي ونشلله ربي ياخذ فيه الحق كيما ظلمك
شوفي هذه تسمى غيرة مدمرة وهو الخاسر فلاخير واي انسان يجيه الشك والوسواس لان الشيطان خلق للانسان خذولا
لا تقلقي اختي اتركيه عندما يخرج من حالته العكرة ستعود المياه الى مجاريها ومش غير نتيا لي يصرالك هكذا كامل الناس تشك وتتوسوس ونوضي ضكا وصلي زوج ركعات وديري دعوة المكروب ونتمنى من قلبي ربي يزيح عنك همك وغمك-اللهم فرج كربة المكروبين وازح الغم والهم عن المغبونين نشلله ربي يرفع عليك ومتديريش في بالك ان هذا الازمة راح تطول مجرد زوبعه عابرة

[knives55]

على حساب كلامك هذ أنسان مفيهش فائد فكيك منوا راه غير يعي فيك عامين مخطوبين بزاف أقفزي على روحك في وقتنا الحب تاع الصح يجي بعد الزواج موش قبل الزواج

[هبة الوهاب]

ربي يفرجك عليك

[اسعى لرضى الله]

على حساب واش حكيتي منظنش يخليك او كيعاد غار برك رجع يخرف غير مديريش على هدرتو عيطيلو واحكي معاه

[لؤلؤة الفردوس]

السلام عليكم أختي
أو ربي يرج عليك و يخفف همك

ثانيا خطيبك هذا ممكن يكون موسوس أو حاكماتو الغيرة المفرطة
من الافضل تنقصيي شوية الهدرة في التلفون معاه و تعجلو الزواج باشش ميكثرووش المشاكل
و ماتنسايش الدعاء كل يوم و كل وقت و عند طرفي النهار و في ظلمات الليل
و أيضا استخيري الله ، و تبان الأمور

و من رأيي الشخصي هذا الانسسان ممكن ماتقدرييشش تعيشي معاه ابدا أبدا، و ممكن تعيشي معاه مهنية * و اذا حبيتي تعرفي ككيف ذلك راسلينني على الخاااص*

تحيتي