اريدها مثقفة و ما كثة باالبيت.....................

[sarra5]

kifeh habine

leblad tenjah w tetawar w mazal kayen nas y9olo ano 3amel lemra 3ib w 3ar 3la lrajel

hhh wlh ca me fait rire

lessentiel khoya hawes tel9a mais j pense pas tel9aha ****9fa kima rak hab pask ya tel9aha habset f BEM ya tel9aha majabetch l bac
ya tel9aha f ljami3a besah habsa c pr ca haba teb9a f ldar

ana hada 3la hsab wech rani nchouf

mais bah tel9aha ****9fa kifek w fahma impossibl sur tel9aha takhdem

[اريج16]

راهم كاينين حوس مليح بك

[الفرحة معكم]

الحمدلله الي مزال كاين رجال يخمو كيفك كون متاكد انوكاين بنات بنفس تفكيرك

[إكرام ملاك]

اختر من تكون لها دين اخلاق مثقة او جامعية كما تحب

والعمل ان وجد اللهم بارك ان لم يوجد خيرا ان شاء الله

عندي 2 اخوتي بنات

واحدة شرط فيها المكوث في البيت والاخرى اعطاها حرية العمل


الان

يحدث العكس

الاولى تعمل والثانية ماكثة في البيت

سبحان مغير الاحوال من حال الى حال


نسال الله ان يبدل حالنا من حال الى احسن حال


موفق اخي

[ممو زين ممو زين]

أنا مهندس دولة والحمد لله خدمت و الترسمة من اول عام ليا بصح كون نلقا الانسان لي يفهمني راح نحبس الخدمة أليا
لكن الان لي راهم يخطبو كامل يشوفو فينا شهرية زايدة تمشي

[radia rozza]

المشاركة الأصلية كتبت بواسطة ممو زين ممو زين

أنا مهندس دولة والحمد لله خدمت و الترسمة من اول عام ليا بصح كون نلقا الانسان لي يفهمني راح نحبس الخدمة أليا
لكن الان لي راهم يخطبو كامل يشوفو فينا شهرية زايدة تمشي

كلام صحيح 1000/100

[لحن الفرح]

المشاركة الأصلية كتبت بواسطة ممو زين ممو زين

أنا مهندس دولة والحمد لله خدمت و الترسمة من اول عام ليا بصح كون نلقا الانسان لي يفهمني راح نحبس الخدمة أليا
لكن الان لي راهم يخطبو كامل يشوفو فينا شهرية زايدة تمشي

صح اختي انا وايضا ملي بديت نخدم والنساء اللي معايا يحبوا بالسيف نتزوج اما باخوها او قريب لها والغريب انه هذا الراجل لا مستوى ثقافي لا منصب عمل دائم اي عمل حر .ولما تقوليلهن لا يزعفوا منك . كامل طماعين .

[yasmina31]

ربي يسهل أخي و ما تقولش ماكانش لانو كينين لي خدامة مترسمة و تقبل تحبس الخدمة بعد الزواج ربي يسهلك و يسهل لكل واحد ناوي حاجة نتاع خير ان شاء الله

[لحن الفرح]

اخي انصحك ان تتزوج المرأة التي ترتاح لها تحس بالامان وترتاح لها .

[Abdou83]

أخي توكل على الله وأنا أشاطرك الرٱي في إختيار الزوجة المثقفة الماكتة في البيت

[radia rozza]

المشاركة الأصلية كتبت بواسطة ياسين الجميل

السلام عليكم


شوف الوقت لي لحقنا ليه تروح تخطب واحدة جامعية مثقفة تشرط عليك الخدمة و انا منحبش مرتي تخرج تخدم الحمد لله راني خدام مليح و عندي مستوى مهندس دولة.
تروح تشوفها اقل مستوى منك تخاف متتفاهمش معها واش راح ندير

انا راني حاب واحدة مثقفة و ماكثة في البيت و الا م لقيتش ناحي فكرة الزواج من راسي و اعيش اعزب.

واش رايكم

السلام عليك اخي
القليل من الرجال التي ولاو يحوسو على مرا ماكثة في البيت بالعكس الرجال كامل ولاو يحوسو عالخدامة!!!!!!!!!
المهم اخي فتش عا بنت الحلال المتعلمة الي ترضا تقعد في البيت من بعد الزواج واكيد رايح تلقاها لانها بالعكس رايحة تقول هاد مش طامع في شهريتي ههههههههههههههههه

[ملكة الإحساس 94]

يا أخي البنات ماشي كيف كيف.والبنت في هدا الوقت تعمل.لكن ادا كتب عيها ربي وتزوجت.أنا شخصيا نعارض فكرة العمل للمتزوجات.لأنها لا تقوم بواجباتها.وان فعلت يكون دلك كضغط كبير عليها. وفي الأخير أتمنى لك أخي ايجاد شريكة عمرك المناسبة

[nibrasse76]

شوف خويا اقعد عازب وما تتزوجش وحده تخدم ما دام ماراكش قانع والفطرة تاعك مازالت سليمة ....على خاطر "بعض "الخدامات هاذو كي الدوامة او العنكبوت حتى كي تحب تبطل والله ما تنجم يا لطيف ...واذا عمرك ما سمعت واحد مات من الدمار والغش انا نقولك عندي صديق مات مقهور (صدره تقفل وراحلوا النفس ) من الباطل لي عملتوا فيه مسكين الله يرحموا ...رد بالك وخمم مليح وبالاك يغروك الغاشي "باردين القلب "
اما حكاية الثقافة صحيح مليحة بصح مش كلشي ...الطفلة لي متربية فدار كبيرة تلقاها فاهمة ومحترمة ولو كانت صغيرة وما قارياش على خاطر عندها كبير كيما يقولوا ...ماشي الكبير تاعها هي لي تصرف عليه ؟؟؟ ان شاء الله تكون فهمتني .

[moonlight19]

kayen bezaf bnat mahomch habin yakhedmo
des licenssier w ga3din fi dar
rabi yjiblek bent lehlal

[7anine 87]

كاين خويا بربي تلقى