لي يحب القاطو يدخل - الصفحة 2

*عاشقة الجنة* · 2012-09-27, 16:59

اقتباس:

المشاركة الأصلية كتبت بواسطة ام ساجد

الله يسلمك اختي ديريه وما تخافيش خلاص المهم ما تكثريش الفرينة حتى ييبس لازم يكون شاد روح برك وراو خفيف وبنين ونزيد نقلك جرب نص الكمية في اي قاطو ديريه في اول مرة بالتوفيق لك
ديريه وما تخا فيش من ماما ذك يعجبها وتمدلك بوسة :d

اوك ان شاء الله نجربو........وبلاك ف العيد ادا حيانا ربي

تعبتك معايا

ربي يخليك ويحفظك ويعطيك ما تتمناي

*عاشقة الجنة* · 2012-09-26, 21:37

يعطيك الصحة يا أم ساجد

ادا قدرتي طاطا حابة الوصفة تاع هدا

ربي يخليلك ساجد ويحفظهولك

على فكرة نموت على اسم ساجد

ان شاء الله كي نتزوج ادا عندي طفل نسميه محمد ساجد ههههههههههههه

omar_moubarki · 2012-09-26, 21:55

ما شاء الله روعة ادا ممكن صابلي لي فيه الشيكولا

ام ساجد · 2012-09-27, 15:06

اقتباس:

المشاركة الأصلية كتبت بواسطة omar_moubarki

ما شاء الله روعة ادا ممكن صابلي لي فيه الشيكولا

ايه ممكن ونص اليك الوصفة=
قاطو الصابلي=
500غ زبدة نخدمهم + كاس سكر ارت+ 2 فاني + 4 صفار بيض + 2 خميرة قاطو+ ونشيح بالفرينة حتى نتحصل على عجينة متماسكة ونخليها ترتاح شوي ثم نبدا نحل بالطرف فوق ساشي او قلاصي ونشكل بطابع الوردة ومعاه طابع صغير نشكل بيه ايضا وردات صغار ولما يطيب نلصق 2 وردات كبار بالمعجون ونعمل الوردة الصغيرة في الشوكولا الذائبة في حمام مائي ونحط الوردة الصغيرة في وسط الوردة الكبيرة كيما الصورة ونزين بخطو الشوكولا على كل الشكل والزينة اختياري كيما تحبي ديري ديري وحسب الطوابع لي عندك واذا خدمتيه تاكليه بالصحة

maramelmess · 2012-09-27, 08:41

و الوصفات أرجوك أختي لا تحرمينا منها

ام ساجد · 2012-09-27, 15:46

اقتباس:

المشاركة الأصلية كتبت بواسطة maramelmess

و الوصفات أرجوك أختي لا تحرمينا منها

اختي تقريبا حطيت كل الوصفات لي طلبوهم الاخوات وانت راح نحطلك هذا القاطو لي نحب اناويعجبني ياسر ونتمنى يعجبك اليك الوصفة=
قاطو الشاش= 500غ زبدة نخدمهم حتى تولي كريمة + كاس سكر ارتب +1 فاني +1 خميرة قاطو+ كاس فرينة +نشاء حتى نتحصل على عجينة طرية و نخليها ترتاح شوي ثم نستعمل الكيس الحلواني (لابوش ادوي) واذا ما عندكش استعملي ساشية الحليب او اللبن انا هزيت هاذ الفكرة من المنتدى وكانت صالحة مئة بالمئة شكرا لصاحبة الفكرة
نشكل علة شكل دائرة وتكون حبة محلولة في الوسط وحبم مغلوقة ونحط يطيب راو يطيب بالخف ولما يبرد نلصق كل 2 حبات مع بض بالكريمة ونحط في الوسط اي الحفرةشوي نواد كوكو او اي نوع مكسرات متوفر عندك
الكريمة =250غ زبدة +كاس سكر ارتب +4 مغارف اكل عسل خاثر ونخلطهم بالباتور والا تحبي تثقليها ياسر تضيفلها السكر الارتب انت والكثافة لي تحبيها ان شاء الله يعجبك