انا في حيرة من امري احتاج رأيكم اخواني بخصوص مسابقة الماجستير - الصفحة 2

عطر الملكة · 2012-09-13, 21:53

اقتباس:

المشاركة الأصلية كتبت بواسطة sarra5

ya khti imaginer nti ta9ray w yemak b3iiiid char sratelha haja

wlh matsamhi rohak hyatek kamla

mala ki welat yemak mrida w ma3andha hata wahad rir inti eb9ay m3aha

نعم اختي هذا هو المشكل لو يحدث مع والدتي اي مشكل في غيابي و الله لن اسامح نفسي
راني نخمم في حلول اكثر ايجابية من بعذ ما اقترحوه بعض الاعضاء مشكورين ربي يحفظهم

اشكر اهتمامك و نصائحك غاليتي

اللؤلؤة مريم · 2012-09-13, 03:03

أختي عطر الملكة أنت الآن مع والدتك و التوتر و خوفك عليها يكاد يقتلك
فماذا سيحدث لك لو تبتعدي عنها كل دقيقة ستفكري فيها و إحساس الخوف عليها لن يغادرك و تأنيب الضمير خاصة تأنيب الضمير سيتعبك(( كان يجب علي البقاء معها ؛ترى ماذا تفعل أمي الآن هل نامت هل أكلت ، لقد تعبت من أجلي ماذا فعلت؟ ؛ أكيد غاضتها أمي مني لما تركتها ....)) فكيف ستدرسين ؟
الدراسة رائعة لكن العيش بضمير مرتاح أروع بكثير
أريد فقط أن أذكرك أن أمك تركت شبابها و سعادتها و نست حياتها لأجلك حان الوقت لرد جزء بسيط من الجميل
وصدقيني من ترك شيئا لله أبدله الله خيرا منه
لكن الجواب النهائي لك

عطر الملكة · 2012-09-13, 22:12

اقتباس:

المشاركة الأصلية كتبت بواسطة اللؤلؤة مريم

أختي عطر الملكة أنت الآن مع والدتك و التوتر و خوفك عليها يكاد يقتلك
فماذا سيحدث لك لو تبتعدي عنها كل دقيقة ستفكري فيها و إحساس الخوف عليها لن يغادرك و تأنيب الضمير خاصة تأنيب الضمير سيتعبك(( كان يجب علي البقاء معها ؛ترى ماذا تفعل أمي الآن هل نامت هل أكلت ، لقد تعبت من أجلي ماذا فعلت؟ ؛ أكيد غاضتها أمي مني لما تركتها ....)) فكيف ستدرسين ؟
الدراسة رائعة لكن العيش بضمير مرتاح أروع بكثير
أريد فقط أن أذكرك أن أمك تركت شبابها و سعادتها و نست حياتها لأجلك حان الوقت لرد جزء بسيط من الجميل
وصدقيني من ترك شيئا لله أبدله الله خيرا منه
لكن الجواب النهائي لك

و الله يا اختي كلامك درر فعلا الدراسة امر رائع و متعة ما فوقها متعة لكن دائما هناك اولويات مثل ما هو حاصل معي خاصة في وضع البنت الوحيدة ارتباطي بالوالدة ربي يحفظها ارتباط لا تصفه الكلمات لذلك تشوش ذهني بالتفكير مجددا بموضوع الماجستير بعدما كنت شلت الفكرة من راسي
و مثلما قلتي الدراسة تطلب شخص متفرغ اجتماعيا و مرتاح نفسيا ضميري لن يكون مرتاح مطلقا

سلمت امري لله و ساخذ باقتراحات الاخوة جزاهم الله كل خير ساختار الحل الاحسن لوضعي
سعدت لتواجدك و اهتمامك لامري جعله الله في مزيان حسناتك غاليتي
تقبلي خالص مودتي واحترامي

السَّحابة البيضاءْ · 2012-09-13, 08:10

السلام عليكم

الا تاخذي راي خرجي الباك تاعك وسجلي أل ام دي فرونسي في الجلفة و ان شاء الله تربحي في مسابقات المعلمين ، نعرف ياسر موثقات دايرين هاذ العفسة من الجلفة

{ يعني يدرسوا في الجامعة }

لان الماجيستار تحتاج وقت تحضير عام كامل مش مجرد ايام لان خطة الموضوع لازمها معلومات ملّمة وتعرفي الحقوق وتشعبها ودقة المعلومة

وماتعرفي الا تربحي ومن بعد الا ربحتي وقريتي يعني يقبلوك عدنا ؟؟ { نعرف استاذ اسمه وليد محبوش يقبلوه كي رحت لبليدة باش نقرا الكابا لقيتوا ثم يقّري وقالي الحمد لله لي خليت الجامعة لهيه }

عطر الملكة · 2012-09-13, 22:21

اقتباس:

المشاركة الأصلية كتبت بواسطة السَحابُ الأبيضْ

السلام عليكم

الا تاخذي راي خرجي الباك تاعك وسجلي أل ام دي فرونسي في الجلفة و ان شاء الله تربحي في مسابقات المعلمين ، نعرف ياسر موثقات دايرين هاذ العفسة من الجلفة

{ يعني يدرسوا في الجامعة }

لان الماجيستار تحتاج وقت تحضير عام كامل مش مجرد ايام لان خطة الموضوع لازمها معلومات ملّمة وتعرفي الحقوق وتشعبها ودقة المعلومة

وماتعرفي الا تربحي ومن بعد الا ربحتي وقريتي يعني يقبلوك عدنا ؟؟ { نعرف استاذ اسمه وليد محبوش يقبلوه كي رحت لبليدة باش نقرا الكابا لقيتوا ثم يقّري وقالي الحمد لله لي خليت الجامعة لهيه }

و عليكم السلام و الرحمة و الاكرام

يعني رأيك كيما راي اخي الواثق نسجل بتخصص جديد فكرة مليحة ربما هذ العام فاتني الوقت نتاع التسجيل و لا راه مزال ؟؟؟

و صح الماجستير يلقلها تفرغ كبير خاصة مع الحقوق ماشي ساهل الحال

انا من قبل درت الكابا بالبليدة و ما توفقتش فيها لنفس السبب ما كنت مرتاحة نفسيا و نروح و نجي في نهاري و مشاكل و مرض ما جبتهاش
لكن كي حب ربي درتها ببسكرة و توفقت فيها و الحمد لله حاليا راني في مهنة المتاعب طلعة و هبطة كيما يقولوا
آه راكي تعرفي الاستاذ وليد تقصدي وليد شريط هذاك راه دفعتي من بكري طفل ماشاء الله يقرى و ملتزم و قافز ربي يبارك فيه راه ثاني اصبح زميلي في المهنة دار المحاماة ربي يوفقو
اشكرك اختي سحاب على الاهتمام و النصائح تقبلي مني اسمى عبارات المحبة و التقدير و الاحترام

أم محمد و آيه · 2012-09-13, 14:24

شوفي حبيبتي الحمد لله راكي متقفة ومتعلمة ..وبخدمتك ودراهمك في جيبك وبخير عليك

مكالاه تروحي وتبعدي على ماماك ....قعدي معاها وارفديها كيما رفداتك كتر من 24 عام

رديلها الجميل تاعها ....هي اللي ادخلك للجنة ان شاء الله

والقرار ليك انتي ..بصح دير حاجة في بالك متبعيش لبنات اللي راهم رايحين ويغيروك ..هادوك عندهم ماليهم ويتكلو عليهم

مي انت لالا عندك ميمة وحدة برك .....انا والله يا اختي غادي نتزوج ونروح بعييييد مور البحر قاااع وراني كي نشوف ماما والله غير نحب نبكي

نقول شعال من لعوام رباتني ودرك جا راجل يديني عليها ....

قعدي مع يماك الى راكي كافية في الدراهم و الهناء....

والله يسهلك ان شاء الله

عطر الملكة · 2012-09-13, 22:27

اقتباس:

المشاركة الأصلية كتبت بواسطة أم محمد و آيه

شوفي حبيبتي الحمد لله راكي متقفة ومتعلمة ..وبخدمتك ودراهمك في جيبك وبخير عليك

مكالاه تروحي وتبعدي على ماماك ....قعدي معاها وارفديها كيما رفداتك كتر من 24 عام

رديلها الجميل تاعها ....هي اللي ادخلك للجنة ان شاء الله

والقرار ليك انتي ..بصح دير حاجة في بالك متبعيش لبنات اللي راهم رايحين ويغيروك ..هادوك عندهم ماليهم ويتكلو عليهم

مي انت لالا عندك ميمة وحدة برك .....انا والله يا اختي غادي نتزوج ونروح بعييييد مور البحر قاااع وراني كي نشوف ماما والله غير نحب نبكي

نقول شعال من لعوام رباتني ودرك جا راجل يديني عليها ....

قعدي مع يماك الى راكي كافية في الدراهم و الهناء....

والله يسهلك ان شاء الله

نعم اختي انا هكذا كي تناقشت مع زميلاتي قلتلهم انا راه وضعي حساس والدتي راها مسؤلية و ارتباط معنوي كبير صعب جدا واحد يكون في بلاصتي باش يفهم حالة بنت وحيدة مع ام كبيرة في السن و تحتاج رعايتي و اهتمامي
كلامك صحيح و منطقي و على هذ الشي طلبت المشورة من اخوتي هنا بعد ما ضاق بيا الحال بلاك نخرج براي يريحني و الحمد لله راهم الاخوة اقترحوا عليا حلول جيدة ربي يبارك فيهم و يبارك فيك اختي و يتمملك زواجك بالصحة و الهنا
ان شاء الله يكون قدم السعد عليكي
منك العيال و منه المال يا رب
تقبلي مني خالص محبتي و تقديري
و اشكر جميع من مر من هنا و قدم لي النصيحة ربي يحفظكم اخوتي و اخواتي
كل المودة و التقدير لشخصكم الكريم

مرشد الحيران · 2012-09-13, 23:45

اقول لك ان الدراسة في الماجستير في غالب الجامعات تكون في يومين في الاسبوع
اضافة الى ان الدراسة تدوم لاقل من سنة جامعية
كما ان الغياب ممكن تبريره بينك وبين الاساتذة فقط
غمض عينك وافتحهم تلقى العام خلاص
والسلام عليكم

عطر الملكة · 2012-09-13, 23:53

اقتباس:

المشاركة الأصلية كتبت بواسطة مرشد الحيران

اقول لك ان الدراسة في الماجستير في غالب الجامعات تكون في يومين في الاسبوع
اضافة الى ان الدراسة تدوم لاقل من سنة جامعية
كما ان الغياب ممكن تبريره بينك وبين الاساتذة فقط
غمض عينك وافتحهم تلقى العام خلاص
والسلام عليكم

نعم اخي مرشد
لذلك و بنسبة 99%%% حسمت امري و اخترت ماجستير المسيلة نظن هي الاقرب و الاريح
ربي يوفقنا برك و ننجحوا و الباقي ساهل
اشكر مرورك الطيب تقبل خالص مودتي و تقديري

مرشد الحيران · 2012-09-14, 00:04

ماجستير اسرة توجد كذلك في الجزائر العاصمة والوادي

عطر الملكة · 2012-09-14, 22:44

اقتباس:

المشاركة الأصلية كتبت بواسطة مرشد الحيران

ماجستير اسرة توجد كذلك في الجزائر العاصمة والوادي

نعم اخي مرشد كنت قد فكرت بالالتحاق بها لكني للاعتبارات السابقة الذكر أظنني سأصرف نظر عنها

الشيخ آمود · 2012-09-14, 01:01

بما أمك قد حسمت أمرك...فتوكلي لى الله...وفقنا الله وإياك إلى ما يحب ويرضى..

عطر الملكة · 2012-09-14, 22:45

اقتباس:

المشاركة الأصلية كتبت بواسطة الشيخ آمود

بما أمك قد حسمت أمرك...فتوكلي لى الله...وفقنا الله وإياك إلى ما يحب ويرضى..

و نعم بالله سلمت امري لله يا اخي امود دعوة الخير خير من الدنيا و ما فيها
اشكر مرورك العطر

منهاج · 2012-09-14, 22:12

السلام عليكم

ما تفرطي لا في والدتك لا في قرايتك انشاء الله وادا تقدري كري دار بالقرب من مكان الدراية ودي ميمتك معاك

هكدا بالك يكون مرتاح من الناحيتين ميمتك وقرايتك والله الموفق

عطر الملكة · 2012-09-14, 22:49

اقتباس:

المشاركة الأصلية كتبت بواسطة منهاج

السلام عليكم

ما تفرطي لا في والدتك لا في قرايتك انشاء الله وادا تقدري كري دار بالقرب من مكان الدراية ودي ميمتك معاك

هكدا بالك يكون مرتاح من الناحيتين ميمتك وقرايتك والله الموفق

اكيد ما نفرطش فيهم و اظنني اهتديت للحل الذي يرضي كل الاطراف
ادرس تخصص جديد بنظام الام دي

و نكون قريبة من والدتي اهتم بيها نظن هذي احسن الحلول المقترحة علي لحد الآن
و راه كل شي يرجع لمكتوب ربي و ظروفنا احيانا تكون اقوى بكثير من مستوى طموحنا ربي يعوضنا خير
اشكرك اختي على المرور العطر و الاهتمام