عندي المعريفة ماكان علاه نخاف.... - الصفحة 2

الجواهر · 2012-09-11, 22:58

استعمال المعريفة استعمال لسلطة لاخذ حق ربما هو من حق الآخرين فالنسبة لي هي حرام حرام خصوصا في مجال العمل لانني ساعيش من مال حرام
اقبل بالمغريفة في المستشفى - في البريد ........و ربي بغفر لي

مريم الصابرة · 2012-09-12, 16:51

السلام عليكم خويا مراد بارك الله فيك على الموضوع
الصراحة خويا الوقت راه يقول عندك لكتاف يهزوك ما عندكش يرموك وممكن واللي محتاجة الخدمة ويلقاها بالطريقة هذي لو انا ندخل نخدم ولو نقول راحا نصارح أقرب الناس إلي لكن ما نقولش للجميع لأنو لو بطريقتي محال يخدموني وصراتلي وراهي تصرالي ولكن للاسف ما عندناش المرعيفة وما نحب حتى واحد يدير فيا مزية بالمقابل والفتاة يكون المقابل كرامتها وشرفها محال ناكل التراب ولا نبيع روحي على جال المعريفة شكرا وبارك الله فيك

خولة لبابة · 2012-09-12, 18:36

هذا أمر مؤسف فعلا......و حتى في ولايتنا منتشر بنسبة كبيرة......انا لن أقبل بالعمل لانني لن ارتاح منه هذا اذا عملت ههههه
و عندي أخ انهى دراسته أصبح استاذ فرنسية .....لكن في الكنكور لم يجتازه في ولايتنا لأنه يعلم كاين معرفة و ربما لن ينجح..........ذهب الى ولاية مسيلة و هناك اجتازه و الحمد لله نجح فيه و سيعمل هناك رغم بعده عنّا........

sarl02 · 2012-09-12, 21:36

.................................................. .................................................. .................................................. ...................

soha1987 · 2012-09-12, 22:09

انا مانقبلش لانو هادي حاجة حرام وزيد حنا في باتنة لمعريفة تاع يعرفك ماتكفيش لازم رشوة وباتنة معروفة وطنيا انا كي تخرجت بابا قال لوليد عمو كان مدير التربية لولاية ام البواقي باش يشوفلي قالو هيه نشوفلك ومبعد يامات قالو صعيب الحال لانو الناس لي هدر معاهم حبو الدراهم ويااخي الرشوة هي لي تخدم بيها في وقتنا وانا معريفتي مع ربي سبحانو وكي يكتبلي ربي المنصب واحد مايديهولي وان شاء الله يرزقك بمنصب شغل وشكرا

الواثق · 2012-09-12, 22:27

والله من الغريب ان نجد طالبي الرشوة هم في مناصب عليا في التربية فكيف نطمح لتربية اجيال من هؤلاء والله المستعان

morad81 · 2012-09-12, 22:34

اقتباس:

المشاركة الأصلية كتبت بواسطة الواثق

والله من الغريب ان نجد طالبي الرشوة هم في مناصب عليا في التربية فكيف نطمح لتربية اجيال من هؤلاء والله المستعان

هذا هو المشكل و الله أمر عم وجم ولا شيء أصبح يبشر بالخير.......لكن هل من يدخل بهكذا طريقة يمكنه أن يراها غدا أنها لا يمكن الدخول بها .

هذا إن أيقن بأنها غير شرعية سيعمل لجلب اكبر عدد ممكن من هؤلاء المرتشين و هذا ليخلق جوا مناسبا له .......شكرا أخي الواثق.

كوثر 20 · 2012-09-12, 22:33

مين خويا تدخل بالمعريفة وماتخبرش يعني دراهمك ماهمش ليك لازم تصدق منهم شويا

قَاسِمٌ.قَاسِم · 2012-09-12, 22:41

إن كان حقا لي وليس فيه أخذ حق غيري

morad81 · 2012-09-12, 22:47

اقتباس:

المشاركة الأصلية كتبت بواسطة kacem84

إن كان حقا لي وليس فيه أخذ حق غيري

كيف تعرف أنه حقك و أنت في مسابقة؟

مشاهدة نتائج الإستطلاع: إذا أتيحت لك فرصة المعريفة فهل تستند اليها ؟
نعــــــــــــــــــــــــــم	7	77.78%
لا	1	11.11%
لست متأكد من نفسك	1	11.11%
المصوتون: 9. أنت لم تصوت في هذا الإستطلاع