نـــــــــــاس الخيــــــــــــــــــــــــر - الصفحة 2

soha1987 · 2012-09-09, 21:03

اظن انه لاتوجد جمعية ناس الخير في باتنة وانا لاعلاقة لي بهذه التنظيمات لامن بعيد ولا من قريب من العمل الى المنزل وفقط وهادي فكرة هايلة مي حبيت نعرف كيفاه نقدرو نعاونو هذه الجمعية انطلاقا من منتدى الجلفة

morad81 · 2012-09-09, 21:21

اقتباس:

المشاركة الأصلية كتبت بواسطة soso sirin

صح والله كون يدخلو اعضاء هاذي الجمعية ممكن حتا الاعضاء هنا قادرين يديرو شي حاجة و حتا كاين ناس محتاجينهم .والله عجبوني بزاف سوغتو هذا رمضان كنت متبعة الشي الي يديروه انا والله ماكنت نعرفهم خواتاتي قالولي عليهم و تاني واحد مع هاذي الجمعية يقرى مع اختي الصغيرة و عن طريقو هو عرفناها كون يندارلهم قسم هنا معانا والله حاجة مليحة ليهم و للمنتدى .سؤال خارج الموضوع واش اخبارك خوك

لالا هذا سؤال ماشي خارج الموضوع و الله في لب الموضوع ....ياخي رانا نهدروا على ناس الخير و لا كيفاش..

واش نقولك راهو مليح برك الطبيب مازال ما قالوش باش يخرج ....

ربي يسترك سوسو على سوالك ...ربي يبعد عليك كل حاجة ماشي مليحة.

morad81 · 2012-09-09, 21:29

اقتباس:

المشاركة الأصلية كتبت بواسطة soha1987

اظن انه لاتوجد جمعية ناس الخير في باتنة وانا لاعلاقة لي بهذه التنظيمات لامن بعيد ولا من قريب من العمل الى المنزل وفقط وهادي فكرة هايلة مي حبيت نعرف كيفاه نقدرو نعاونو هذه الجمعية انطلاقا من منتدى الجلفة

و الله ناس الخير أظن أنها فكرة كانت من شباب في البليدة ....وهم يقومون بعمليات خيرية مختلفة و في أي مجال .......تنظيف المساجد زيارة المريض إحصاء اليتامى و المعوزين ........ المبادرات المختلفة المهم فيها خير.....

تم تعميم هاته الفكرة عبر جميع الولايات ....طبعا بصفة قانونية .وعليه تم خلق تعاون وطني بينهم فمثلا ناس الخير في باتنة يتصل بهم مريض يحتاج للعلاج مثلا في الجزائر العاصمة ......فيتم الإتصال بين أعضاء الجمعيتين ....ويتم مساعدة المريض دون أن تتنقل هاته الجمعية ....كما يتم الإتصال بعدة جمعيات مثل كافل اليتيم و جمعية مرضى السرطان الى غيرها من الجمعيات كما أنه توفر بعض الأدوية و تساعد في البحث عنه ....وغيرها .

وعليه فناس الخير يمكن مساعدتهم بأي طريقة و لو بالكلمة الطيبة ......

morad81 · 2012-09-11, 00:08

شكرا لكم يا ناس الخير

سميحة.لد · 2012-09-11, 20:52

فكره جد رائعه لو تضاف الى اقسام المنتدى ...
نحن في المسيله ناس الخير مسيلة حققت نجاح ربي يبارك وانا احدى عضواتها . و هاد الجمعيه للمساعده وزرع الابتسامه والفرحه ........تلقاهم دايما مجندين في كل اعمال الخير ...

~~knives55~~ · 2012-09-11, 20:57

انا وين راني عايش كاين ناس الشر مكان ليدير الخيرة

كوثر 20 · 2012-09-11, 21:22

انا كنت باغيا ندير جمعية خيرية لكن مالقيتش شكون يساندني مي راني ادخلت في شاب الخير في ولاية سعيدة هم جماعة من الشباب المتطوعين لفعل الخير وراهم ناشطين ونهار الجمعة نتلقاهم عندهم اجتماع

morad81 · 2012-09-11, 22:11

اقتباس:

المشاركة الأصلية كتبت بواسطة كوثر 20

انا كنت باغيا ندير جمعية خيرية لكن مالقيتش شكون يساندني مي راني ادخلت في شاب الخير في ولاية سعيدة هم جماعة من الشباب المتطوعين لفعل الخير وراهم ناشطين ونهار الجمعة نتلقاهم عندهم اجتماع

و الله ناس سعيدة ناس ملاح نتاع الصح ......وتقدري تكوني معاهم هاذي الجمعية و تكون ليكم جناح نسوي ......

morad81 · 2012-09-18, 15:35

ناس الخير لهم لقاء بقسنطينة هذا الخميس و الجمعة ..19/09/2012... لمن يهمه الأمر

omartlbi · 2012-11-19, 20:03

الرجاء منك إفادتنا إذا تم تأسيس جمعية ناس الخير بقسنطينة بعنوانها أو رقم هاتف رئيسها أو أي عضو من أعضائها و جزاك الله خيرا

و يبقى الامل · 2012-11-20, 17:42

السلام عليكم ورحمة الله وبركاته شكرا اخي على الموضوع القيم .......لقد سمعت عن هذه المبادرة وانا بدوري اتمنى ان اشارك فيها اذا سمحت لي الفرصة لكن لا ادري كيف ومن اين ابدا ........و فكرة ان يكون لها قسم في المنتدى فهو شيء رائع ان طبق على ارض الواقع ......لاني لا احب المشاركة في الفيسبوك ومن هنا اوجه نداء لمساعدتي على التحاق بهذه المؤسسة الخيرية مع العلم اني من ولاية باتنة تقبل مروري اخي

morad81 · 2012-12-22, 22:55

شكرا لكم جميعا على تقبل الفكرة .....تحياتي.

أنيس 7 · 2012-12-22, 23:12

أعانهم الله و أعان كل داع للخير

النجمة القطبية · 2012-12-22, 23:24

اول مرة نسمع بيها
كيفاش عرفتوها هذا الجمعية
ما شاء الله ممكن فكرة عن الموضوع