حابة نفهم برك ؟

[كاميلا]

المشاركة الأصلية كتبت بواسطة نيل المنى

هو المنطق و العرف يفرض على الذكر التكفل بوالديه الكبيرين بحكم أن الأخت لما تتزوج لا يمكنها أن تفرض على زوجها تحمل والديها داخل منزله و لكن في الحالات الشاذة يمكن للبنت أن تتكفل بوالديها خاصة أذا كانت متمكنة ماديا...لكن أغلب الأباء و الأمهات يرفضون فكرة الاقامة عند زوج البنت.
ربي يهدينا.

صحيح اختي بالضبط وهذا هو الواقع للاسف

[كاميلا]

المشاركة الأصلية كتبت بواسطة soso sirin

الوالدين كي يكبرو يريحو في دارهم عايشين و الاكثرية سوغتو عندنا الجزايريين ولادهم يعيشو معاهم.اما الي يتكفل بيهم فالذراري و لبنات هوما للزوج مسؤولين عليهم و الراجل بزيادة لانو راه عايش معاهم كثر من الطفلة الي تكون بعيدة على والديها مي من واجبها انو تتهلى فيهم و على راجلها انو يقبل هذا الشي و يعاونها فيه لانو كيما هو يبغي والديه و باغي مرتو تتهلى فيهم كيما هي من حقها تتهلى في والديها .والي يقيس والديه في دار العجزة دور ليام و يتقاس حتا هو و المراة الي تفرح انو راجلها خيرها هي على والديه كون ماجاتش غبية عمرها و لا تفرح لانو الي يقيس والديه على جال مراة غدوة يقيسها هي على جال مراة وخدخرى.و قعاد الوالدين مع النسيب و كاين الرجال و الله عيب كبير جداتي كانت تقولنا نقعد للنسيم و مانقعدتش عند النسيب لانو مهما النسيب يرفد راح يجي نهار و يكره و ربي يهدينا ان شاء الله

انا لا اوافقك الراي الراجل موحال يقبل يعيش والدين زوجته معاه موحال والله ماتصرا خلاص الا واحد بالمية لانه يقولك ماهيش مسؤوليتي مسؤولية اولادهم الذكور وهذا فيه شيثء من الصحة لانه ولادهم الرجالة هوم الي يتصرفوا في الدار ماشي كيما البنت متقدرش احنا نقولوا الواقع وزيد البنت كيفاش رح تصرف على والديها وهي راجلها اللي يصرف عليها ؟ وجدتك الله يرحمها راهي عندها الحق انا جداتي الله يرحمها توفاة بحسرتها لانه اولادها محبوش يهزوها ومحبتش من جهة اخرى تعيش في دارها وحدها وقبل وفاتها كانت تدعي وتتمنى تتوفى عند النسيب باش ولادها العاقين الذكور يبقاو حكاية بين الناس

[amina2688]

اذا كان الامر بخصوص السكن

*اكيد يجب ان يعيشا مع الابن وهذه لا جدال ولا نقاش فيها

فلا يمكن ان تضع البنت ابويها في موقف لا يحسداني ،حتى ولو طلب زوجها ذلك(وهذا جد مستبعد)

وكيما يقولوا كي يعود صاحبك عسل ما تكلوش بالكل

اما من ناحية خدمت الابوين فالبنت مطالب بها حتى اكثر من الابن........

واما من يترك وا لديه يعيشا لوحدهم بامر او بطلب من زوجته او اي شخص اخر

فهذا هو الرجل الد......ي..............و..................ث والعياذ بالله

والرجل الد.............ي...........و..............ث لا يشم رائحة الجنة

اما بخصوص انهم يرمونهم في دار العجزة ......اذا رجعت للواقع ليتهم يرمونهم في دار العجزة

لعل هذا يكون اهون عليهما...........فانهم للاسف الشديد تحت رحمة الكنة التي وللاسف الشديد

ايضا ما تخافش ربي اوانها تحمل تجاههما غل دفين الله اعلم بسببه......لتفعل بههما ما تشاء وتشتهي

وذلك لا يعود لشيء الا انه وللاسف الشديد ايضا الرجال قلة قليلة والكل اصبح لا يسمع لا يرى لا يتكلم

فلا يسعني في هذا المقام الا ان اقول ربي يهدي الكناية والي دير حاجة في عجوزتها خايبة ان شاء الله

ديرها مرت خوها في امها،ونشوف شعورها...............خلي الواحد ينسى خير

لا اله الا اللهه محمد رسول الله

[zaki_yagami]

والله الولدين ربوا الولد و البنت و الاولد عندهم حق على الوالدين يتكفلوا بيهم كيما كان الحال و كون جاوا صح يخمموا في ولديهم و يشتيهم يغيرو من بعضهم و كل مرة تقعد عند واحد مي في الوقت هذا راهو يخمم كيفاه يتهنى منهم برك هذا مكان

[dotZero]

طبعا الأولى أن يقوم الولد الذكر و الأكبر عمرا التكفل بوالديه فإن لم يستطع فالذي يليه في العمر و هكذا
أما البنت فالواجب عليها القيم بوالدي زوجها (الذي هو أيضا ابن في عائلته)
هذا هو العرف و منطق الأمور
أما عن قصة السكن، فيمكن أن يعيش الابن البقر مع والديه في المنزل الكبير
لكن لكل ذي حق حقه و يجب أن يلزم حدوده و لا يعتبر أن كل المبيت ملكه

[سيهام]

ما كاش واحد اولى من واحد اتقو الله في والديكم
من خلال قراءتي للموضوع احسست و كأن الوالدين اصبحو بمثابة عائق او ثقل الكل يتهرب من مسؤوليتو تجاهم
الكل مسؤول ذكر او انثى
و نزيد نقوللكم يا سعدو من تهلى في والديه
علاش الانثى ما تقدرش
لالا تقدر و لا باس مكاش اسباب كي هي تحب راجلها يحب
و ادا هانها على جال والديها معليش هذيك هي الجنة و حلاوتها
يا رب وفقنا باش نكوكونو بارين بوالدينا سواء كنا ذكرانا او اناثا

[mokhtar4]

هي الابنم اولى واذا كان غير قادر اقتصاديا فالبنت نورمالمو لمانت الوالدين تكون منافسة شكون ليسكنها عندو وناه ليبرهم اكثر
انا شخصيا الزوجة نتاعي المستقبلية ان شاء الله الكلام في الوالدين خط احمر كاين اب وام واحد واما الزوجات الاف

[salima14]

ادعولي رب يرزقني زوجة تكون صالحة

و تبر بوالدتي
ربي يرزقك الزوجة الصالحة يارب اللي تهنيك وترفد(تبر)بوالديك

حبة بطاطا و رُبع بصلة و حبات حمص او جلبانة و قطعة لحم صغيرة فقط

شوية ملح و ملعقة زيت و ملعقة صغيرة من الطماطم المصبرة في نص ساعة يكون جاهز

راك نسيت التشيشة هههه؟؟؟؟؟؟؟؟

[salima14]

إن شاء الله يدوم عليا الصحة وكيما يقولو نموت واقفة مانسحق لا ولدي لا بنتي
يا خير من زار وخفف وعلى والديا نطلق بعشر ولاد ومانسمحش فيهم
وعجوزتي وشيخي شحال رايحين يزيدو يعيشو نرفدهم ودعوة الخير رانا
نلقطو فيها لوليداتنا ربي يجعلها ذرية صالحة

[♥' سندس الفردوس ♥"]

والله في رايي انه الابناء كلهم مسؤولون يعني البنت و الولد
لانهما تعبا في تربيتهماا الاثنين و لابد من الرد الجميل
و لو حملناهما الدهر لا نوفي لهما حقهماا

وشكراا
تقبلو مروري

[soriaalg]

المشاركة الأصلية كتبت بواسطة salima14

إن شاء الله يدوم عليا الصحة وكيما يقولو نموت واقفة مانسحق لا ولدي لا بنتي
يا خير من زار وخفف وعلى والديا نطلق بعشر ولاد ومانسمحش فيهم
وعجوزتي وشيخي شحال رايحين يزيدو يعيشو نرفدهم ودعوة الخير رانا
نلقطو فيها لوليداتنا ربي يجعلها ذرية صالحة

السلام عليكم بارك الله فيك اختي اوافقك جدااااااااا في رايك شكرا لك ولصاحبة الموضوع الحساس في وقت اصبحت تجري المياه بدل الدماء في العروق

[soso sirin]

المشاركة الأصلية كتبت بواسطة السي محمد

الله يرحم جدتك و كُل اموات المُسلمين

=============

يا ريت النساء كلهم مثلك

اللهم امين خويا.والله كاين نسا بزاف ملاحات.مي خويا دعيلي باه ربي يثبتني على هذا الموقف ممكن نخلي الراجل يختار بيني و بين اي انسان مي والديه و الله مانقدر نديرها لانو الشي الي مانبغيش لوالديا يذوقوه عمري ولا نذوقو لوالديه .و ربي يهدينا و يثبتنا على الصح ان شاء الله

[soso sirin]

المشاركة الأصلية كتبت بواسطة كاميلا

انا لا اوافقك الراي الراجل موحال يقبل يعيش والدين زوجته معاه موحال والله ماتصرا خلاص الا واحد بالمية لانه يقولك ماهيش مسؤوليتي مسؤولية اولادهم الذكور وهذا فيه شيثء من الصحة لانه ولادهم الرجالة هوم الي يتصرفوا في الدار ماشي كيما البنت متقدرش احنا نقولوا الواقع وزيد البنت كيفاش رح تصرف على والديها وهي راجلها اللي يصرف عليها ؟ وجدتك الله يرحمها راهي عندها الحق انا جداتي الله يرحمها توفاة بحسرتها لانه اولادها محبوش يهزوها ومحبتش من جهة اخرى تعيش في دارها وحدها وقبل وفاتها كانت تدعي وتتمنى تتوفى عند النسيب باش ولادها العاقين الذكور يبقاو حكاية بين الناس

ربي يرحم جداتك ان شاء الله و يا ريت يحسو المشكل انو شي ناس قلوبهم ماتو .ايه الراجل موحال يشد والدين مرتو سوغتو اذا كانو كاين خواتها الرجال و هوما المسؤولين عليهم مي اختي كون هاذو خواتها فيهم دعوة الشر و مابغاوش يشدوهم و هي قايمة بوالديه و دايرتلهم في الدنيا دنيتين لانو هي تبغيه و باغية ترضيه هو في جالها مايقدر يدير والو مايقدرش حتا يتنازل شوية و يعاونها فيهم .انا اذا لا قدر الله تحطيت في هذا الموقف مع انو متاكدة من خواتي انو مايسمحوش في والديا مي اذا ربي قدر اصلا مانخليهمش يعيشو معايا لانو مانقبلش عليهم باه راجلي يولي يحسهم ثقال و لا يقولي كلمة عليهم نولي مخليتهم في دارهم عايشين و نتناوب عليهم انا و خواتاتي و اذا على المصروف يا اختي راهم بدراهمهم و اذا ماكفاهمش و ماكنتش خدامة هو بسيف عليه يصرف عليا امالا دراهمي انا نمدهملهم و هو ماعندوش الحق باه يقولي واش راكي ديري بيهم و اذا كان راجل تاع صح و الله رايح يعاوني باه نتهلى فيهم لانو انا ان شاء الله رايحة نتهلى في والديه و شوية مني و شوية منو و هي ماشية و غير مايسسيش و يقولي ختاري يا انا يا هوما .ولهلا يوصلنا حالة كيما هاذي ربي يعطي لوالديا الصحة و يخلي ولادهم الرجال يتهلاو فيهم و ربي يمدلنا رجال يعاونونا باه نتهلاو في والدينا.ربي يهدينا ان شاء الله يا اختي الشي الي رانا نسمعو بيه راه يشيب

[كاميلا]

المشاركة الأصلية كتبت بواسطة amina2688

اذا كان الامر بخصوص السكن

*اكيد يجب ان يعيشا مع الابن وهذه لا جدال ولا نقاش فيها

فلا يمكن ان تضع البنت ابويها في موقف لا يحسداني ،حتى ولو طلب زوجها ذلك(وهذا جد مستبعد)

وكيما يقولوا كي يعود صاحبك عسل ما تكلوش بالكل

اما من ناحية خدمت الابوين فالبنت مطالب بها حتى اكثر من الابن........

واما من يترك وا لديه يعيشا لوحدهم بامر او بطلب من زوجته او اي شخص اخر

فهذا هو الرجل الد......ي..............و..................ث والعياذ بالله

والرجل الد.............ي...........و..............ث لا يشم رائحة الجنة

اما بخصوص انهم يرمونهم في دار العجزة ......اذا رجعت للواقع ليتهم يرمونهم في دار العجزة

لعل هذا يكون اهون عليهما...........فانهم للاسف الشديد تحت رحمة الكنة التي وللاسف الشديد

ايضا ما تخافش ربي اوانها تحمل تجاههما غل دفين الله اعلم بسببه......لتفعل بههما ما تشاء وتشتهي

وذلك لا يعود لشيء الا انه وللاسف الشديد ايضا الرجال قلة قليلة والكل اصبح لا يسمع لا يرى لا يتكلم

فلا يسعني في هذا المقام الا ان اقول ربي يهدي الكناية والي دير حاجة في عجوزتها خايبة ان شاء الله

ديرها مرت خوها في امها،ونشوف شعورها...............خلي الواحد ينسى خير

لا اله الا اللهه محمد رسول الله

اكي فهمتيني واش نقصد اختي اني نهدر على السكن لانه النسيب موحال يقبل يعيش والدين زوجته خاصة ان كان هو معيش والديه ويقولك ماهمش مسؤوليتي

[كاميلا]

المشاركة الأصلية كتبت بواسطة zaki_yagami

والله الولدين ربوا الولد و البنت و الاولد عندهم حق على الوالدين يتكفلوا بيهم كيما كان الحال و كون جاوا صح يخمموا في ولديهم و يشتيهم يغيرو من بعضهم و كل مرة تقعد عند واحد مي في الوقت هذا راهو يخمم كيفاه يتهنى منهم برك هذا مكان

صح بصح انا نتكلم على مسألة السكن من جهة ومن جهة اخرى راني نسقسي على راي الدين ومن جهة اخرة نتحدث على مسألة اللي يتزوجوا ويسكنو في دار والديهم ومن بعد يرموهم في دار العجزة