ما ذنبهم؟ - الصفحة 2

soso sirin · 2012-09-12, 22:57

الصح والله غير يغيضوني لانو تحملو خطئ ماشي تاعهم و المشكل مجتمع مايرحمش و حتا و كون يروحو يحوسو على ماليهم الاكثرية مايقبلوهمش لانهم ماضي و نقطة سوداء.متعاطفة معاهم ايه كون نقدر نعاونهم نعاونهم كون نتصاحب مع وحدا منهم عادي مي باه نقبل براجل والله هاذي ماعلابالي بيها و حتا كون انا نقبل العايلة راح ترفض مي ممكن اذا كان الشخص ماشاء الله و هو الشخص الي حاساتو نقدر نكمل معاه ممكن نقبل مي علابالي بلي ماشي ساهلة لانو المشكل ماشي غير في ماليا برك راه في ولادي منبعد الناس واش يقولولهم و علابالي بلي رايحين يتعذبو في حياتهم شوية ماشي ساهلة

soha1987 · 2012-09-13, 20:17

اقتباس:

المشاركة الأصلية كتبت بواسطة soso sirin

الصح والله غير يغيضوني لانو تحملو خطئ ماشي تاعهم و المشكل مجتمع مايرحمش و حتا و كون يروحو يحوسو على ماليهم الاكثرية مايقبلوهمش لانهم ماضي و نقطة سوداء.متعاطفة معاهم ايه كون نقدر نعاونهم نعاونهم كون نتصاحب مع وحدا منهم عادي مي باه نقبل براجل والله هاذي ماعلابالي بيها و حتا كون انا نقبل العايلة راح ترفض مي ممكن اذا كان الشخص ماشاء الله و هو الشخص الي حاساتو نقدر نكمل معاه ممكن نقبل مي علابالي بلي ماشي ساهلة لانو المشكل ماشي غير في ماليا برك راه في ولادي منبعد الناس واش يقولولهم و علابالي بلي رايحين يتعذبو في حياتهم شوية ماشي ساهلة

هاد الفئة محقورة بزاف اختي سوسو فهاد المجتمع الظالم والولد لازمتلو مراة تقبل بيه كيما راه باه مايحس بالنقص والبنت مسكينة هي المتضررة نهار توصل سن الزواج وواحد مايقبل بيها كيفاه حالتها راح تكون حنا لازم نصححو النظرة نتاعنا ليهم و نقيموهم بتربيتهم واخلاقهم لابالنسب نتاعهم ولولاد كي يربيوهم والديهم تربية صالحة محال يخرجو ماش متربين هاد الفئة يعانيو نفسيا بزاف وكان واحد الشاب مسكين نهار عرف الوالدين لي رباوه خاطين والديه فلس صبح مدمن مخدرات لانو هدرة المجتمع قاساتو بزاف هاد المجتمع هو السبب ربي يكون في عونهم وشكرا على مرورك سوسو

Full Mystery · 2012-09-13, 01:54

مشكل مستعصي العلاج
حقيقة هم أشخاص عاديين لا ذنب لهم
لكن الخوف من الارتباط بهم ربما لا يرجع بالضرورة لمشكلة النسب لكن ربما خوفا من اكتسابهم لصفات الابوين او خوفا من السلوكات الصادرة منهم كونهم ناقمين على الحياة

soha1987 · 2012-09-13, 20:38

اقتباس:

المشاركة الأصلية كتبت بواسطة full mystery

مشكل مستعصي العلاج
حقيقة هم أشخاص عاديين لا ذنب لهم
لكن الخوف من الارتباط بهم ربما لا يرجع بالضرورة لمشكلة النسب لكن ربما خوفا من اكتسابهم لصفات الابوين او خوفا من السلوكات الصادرة منهم كونهم ناقمين على الحياة

هادي لي راني نهدر عليها حنا مالازمش نشوفو لهاد الفئة من النسب وفقط لا لازم نشوفو لتربية والاخلاق نتاعو سواء كان بنت ولاولد وهاد الولد كون لقا راو كيما صحابو عندو امو وابوه بصح ربي كتبو هاك يعيش حياتو وحنا مانزيدوش عليه لانو الذنب ماش ذنبهم وكون نعاملوهم كيما ينبغي ماش راح يكونو ناقمين على الحياة لازم نصححو نظرتنا اليهم لانهم لهم الحق في الحياة مثلنا اليسو بشر وشكرا على مرور ك اختي

aminahassiba · 2012-09-13, 08:45

دنبهم انهم ثمرة علاقة غير شرعية دنبهم انهم ولدوا من رحم انثى مستهترة ومن والد مراهق

sarra5 · 2012-09-13, 09:55

ana pr moi yghidoniii pask msaken ma3andhom hata danb w rabi yaghfer lwaldihomm

دادا22 · 2012-09-13, 10:33

اقتباس:

المشاركة الأصلية كتبت بواسطة soha1987

كلنا نخطئ وليس منا من لم يخطئ وان تخطئ وتتحمل خطئك فالى هنا الامر طبيعي وان تخطئ ويشاركك غيرك تحمل الخطا فالى هنا الامر جد عادي لكن ان يخطئ غيرك وتتحمل الذنب وتجد الكل ضدك وتتحمل الذنب وحدك فالى هنا الامر جد صعب امام مجتمع بخس حقك وظلمك وجعل المذنب
اخوتي هو حال اشخاص ممن وجدو في هذه الحياة بدون هوية لاام لهم ولا اب لهم عاشو طفولة سوداء عانو من ظلم مجنتمع لايرحم يمرون في كل لحظة من لحظاتهم حسرة وقهر ويعانون من نظرة المجتمع لهم ولا يجدون القبول من المجتمع يتمنون في كل لحظة ان يموتو الف مرة فما ذنبهم اخوتي ؟
و كثيرا من الاشخاص لايقبلون الزواج بهم بحجة انهم ابناء زنا وانهم قد يكونو مثل والديهم
فلا احد يقبل به زوجا لابنته او يقبل بها زوجة لابنه
اخوتي اعضاء المنتدى
مانظرتكم للاشخاص الذين لا هوية لهم هل تكون نظرةكم لهم دونية واحتقار ؟
اخي هل تقبل بالزواج بفتاة لااب ولاام لها ؟ اختي هل تقبلين بالزواج بشاب لااب ولا ام له؟
ننتظر تفاعلكم وارائكم

السلام عليكم
جرأة وشجاعة واحساس بالاخر ان تثيري موضوعا مثل هذا
يا سيدتي ان المفاهيم مقلوبة قي الجزائر ساوضح
اللقيط هو تعريف لمن التقط من الشارع او من ليس له اب وام
ولكن اللقيط صنفان
صنف له اب وام غير مصرح بهما لظروف عائلية ودينية وثقافية
ويسمى اللقيط الفسيولوجي غالبا ما يربــى عند الغير
والصنف الثاني وهو السلبي وهو اللقيط الاجتماعي
وهو شخص له اب وام ولكن متروك لتربية الشارع ولا يتدخلان في تربيته
ويسمى في السوسيولوجيا اللقيط الاجتماعي
وما اكثرهم في شوارعنا من لا يرعى فينا الا ولا ذمة
من يسب في الطريق ولا يحترم كبيرا ولا صغيرا من يتعدى على الحرمات جهارا نهارا
لذلك اول ما يجب ان نعرفه هو اصناف اللقطاء
شكرا على موضوعك الجريء

soha1987 · 2012-09-13, 20:51

اقتباس:

المشاركة الأصلية كتبت بواسطة دادا22

السلام عليكم
جرأة وشجاعة واحساس بالاخر ان تثيري موضوعا مثل هذا
يا سيدتي ان المفاهيم مقلوبة قي الجزائر ساوضح
اللقيط هو تعريف لمن التقط من الشارع او من ليس له اب وام
ولكن اللقيط صنفان
صنف له اب وام غير مصرح بهما لظروف عائلية ودينية وثقافية
ويسمى اللقيط الفسيولوجي غالبا ما يربــى عند الغير
والصنف الثاني وهو السلبي وهو اللقيط الاجتماعي
وهو شخص له اب وام ولكن متروك لتربية الشارع ولا يتدخلان في تربيته
ويسمى في السوسيولوجيا اللقيط الاجتماعي
وما اكثرهم في شوارعنا من لا يرعى فينا الا ولا ذمة
من يسب في الطريق ولا يحترم كبيرا ولا صغيرا من يتعدى على الحرمات جهارا نهارا
لذلك اول ما يجب ان نعرفه هو اصناف اللقطاء
شكرا على موضوعك الجريء

معك الحق اخي وشكرا على تدخلك لكن لم تبدي وجهة نظرك ؟

Dj BoBo · 2012-09-13, 14:33

فتاة الدعوة · 2012-09-13, 16:04

اااااااااااااااااااااااااااااااااااااااااااااااااا اااه اخت موضوع حساس وصعب وجواب قليل انا من نظري يكون ابن او البنت متربيين ولهم اخلاق شريفة ويكونو ملتزمين وربي يفرج على كل ابن وبنت