كيف تواجه اساءة الاخرين لك ؟

[اِشراقـة أمل]

السلام عليكم

أكيد ستنجرح ادا قوبلت الحسنة بالاساءة

الحمد لله ليس من محتوياتي أن اقابل الاساءة بالاساءة

ولكن الزمن كفيل بذلكـ

نقول ربي يهدي ما خلق

المظلوم سينام وان طال الجرح

لكن الظالم سيبقى تأنيب الضمير يرافقه

بارك الله فيك على الموضوع المميز

[اسلام انس]

اتقي شـــــــــــــــــــر من احــــــــــــــــسنت الـــــــــــــــــيه

[منهاج]

السلام عليكم

من قبل كلما يسيء الي احد نمرض نفسيا لدرجة حتى ما نوليش ناكل ونرجع في نفسي اللوم يمكن انا كنت السبب

بصح دروك ما علابالي حتى بحد نحدف لي يسيء لي من قائمة معارفي ونهني راسي

[نورسين.داية]

المشاركة الأصلية كتبت بواسطة soha1987

قد نصاب بخيبة امل ودهشة وردة فعل تجرح الفؤاد ويعتصر القلب اساها عندما نسدي معروفا بصدق وحسن نية ويقابل هذا المعروف بجفاءوتجاهل وكان شيئا لم يكن وربما حتى كلمة شكرا لن تسمعها كثير من لاشخاص نصادفهم في حياتنا من هذا النوع
اخي اختي ماموقفك ممن يتصرف معك هذا التصرف هل تقابله بنفس الاسلو ب ام تكون احلم منه ولاتردعليه بنفس الاسلوب ماهو ا ذا موقفك ورايك؟
ننتظر تفاعلكم

و الله تحدث كثيرا مثل هذه المواقف ....لكن في غالبية الأحيان يكون ردي بالتجاهل ..و المسح من الداكرة و الواقع وكان شيئا لم يكن ............................لكن ماعساكي ان تقولي ....إتقي شر من احسنت إليه فقط

[سيهام]

نسامح عادي و نحطلو اعذار من عندي ما نكرهو ما ندعي عليه
مي و الله تغيضني عمري في حاجة:
علاش ما فقتش من الاول انو هذا الانسان ما يستاهلش
علاج ما قريتش مليح واش مخبي
هذا ماكان هذهي الحاجة لتقلقني
نحس روحي مازال ما نعرفش نميز الناس مليح

[morad81]

و الله سؤال وجيه .....يقال ..إتق شرّ من أحسنت اليه .

هذا لأن الإنسان بطبعو أنه يحب اللي يقابلوا بالكلمة الطيبة ...
وكيما يقول المثل الشعبي : الخير عدَّ و لاّ ردَّ .

أناواحد كي نكون مقيمو و عطيه قدر كبير و يتصرف معايا بقلة إهتمام .....أنروحلوا ونقولا اللي كاين ......

لكن اللي ما نعرفوش و بعيد عليا ما نلوموش و الخير اللي درتولو في وجه الله و ما نستنا منو والو......لكن الصاحب و لا الأخ راها تدفعك عزة النفس .


و المهم كي يقلقني واحد رايح نسكت حتى تروح علي الزعفة و نروحلوا هاكذا ما يسمع مني حتى حاجة ما شي مليحة و الله المستعان .

[soha1987]

المشاركة الأصلية كتبت بواسطة morad81

و الله سؤال وجيه .....يقال ..إتق شرّ من أحسنت اليه .

هذا لأن الإنسان بطبعو أنه يحب اللي يقابلوا بالكلمة الطيبة ...
وكيما يقول المثل الشعبي : الخير عدَّ و لاّ ردَّ .

أناواحد كي نكون مقيمو و عطيه قدر كبير و يتصرف معايا بقلة إهتمام .....أنروحلوا ونقولا اللي كاين ......

لكن اللي ما نعرفوش و بعيد عليا ما نلوموش و الخير اللي درتولو في وجه الله و ما نستنا منو والو......لكن الصاحب و لا الأخ راها تدفعك عزة النفس .


و المهم كي يقلقني واحد رايح نسكت حتى تروح علي الزعفة و نروحلوا هاكذا ما يسمع مني حتى حاجة ما شي مليحة و الله المستعان .

صح اخي لازم الواحد لازم مايتقلقش مي كاين عباد خدمتهم غير ينكرو الخير ويكونو قراب لينا مثل الصديق مثلا وفي كل مرة نقولولهم ماتصلحش هادالنوع لي محيرني ؟ و لبعيد مانلوموهش وشكرا على مرورك

[morad81]

المشاركة الأصلية كتبت بواسطة soha1987

صح اخي لازم الواحد لازم مايتقلقش مي كاين عباد خدمتهم غير ينكرو الخير ويكونو قراب لينا مثل الصديق مثلا وفي كل مرة نقولولهم ماتصلحش هادالنوع لي محيرني ؟ و لبعيد مانلوموهش وشكرا على مرورك

و يقولو لكبار :

أراحلي يا بلاء و لاّ نجيك........هذا معنتها أنك إذا ماراكش قبيح رايحة تجيك لقباحة من وحدوخر.

ويقولوا ثاني:

حتى واحد ما لقاها كيما بغاها .

يعني تكون مليح وتنوي أنك ما تمس حتى واحد مي الزاقع راكي تعرفيه ....