خطيبتي

[lilou f lilou a]

يا خويا زيد أصبر شوي مافيها والوو وكل عطلة فيها خير

[« أبْجَدِيَّاتْ »]

السَّلاَمُ عليكُم وَ رحمةُ الله،

سُؤال : مَاذَا يحدُث لو أخَّرتُمَا يومَ العُرس حتىَّ شهر نُوفمبر؟! تعرّسُو اليوم ولاَّ غدوة ولاَّ بعد عَام ، وينْ راه الفرق ؟ ترتيبَات الزَّواج ليسَت سَهلة يَا أخي، ولاَ سيَّمَا مِن جِهَة الفتَاة . هي حابّة تنظّم أمورهَا باش يكون العرس شبَاب ومَا تنقصهَا حتىّ حاجة ذاك اليوم . أمّا اذا زربتهَا رح تتخلّط عليهَا كامل وممكن حتىّ تفزّد عليهَا فرحَة زواجهَا . أنتم الرّجال مَا عندكم مَا تديرو يوم العرس ، مَا تحضرو مَا تطّيبو مَا تمسحُو ما تغسلُو ، رُبَّمَا من قُضْيان العرس مَا تزيدو والو . حنَا البنَات علينَا كلّش . ساعفهَا يا أخي ومَا تتقلّقش منهَا . ما دام قَبلتْ بيك و رضاتْ تكون زوجتك وراهي توجّد لعرسكم ، من واش راك خايف؟ بالعكس، قولها جهّزي كلّش بعقلك باش مَا تندميش علىَ حاجة درتيهَا بالزّربة ممبعد . ومَا تكبّرش من الأمر بزّاف و تحولو إلى مُشكلة . الأمر عادِي جدًا ، وكلّ زواج يتطلّب الوقتْ . ربيّ يبارك فيكم .

[achwak.1993]

أنا شخصيا مستحيل نجهز نفسي في 4 أشهر
لازم على الأقل عام ماهيش حاجة ساهلة
حتى لوكانت بنت مليونير المشكل فالوقت و ليس فالمال
احمد ربي على خاطر قالتلك نوفمبر

[انانيس]

ساعفها وهادي مليحة ليك باه تزيد تعرفها كتر قبل ماتقدم على خطوة مهممة فحياتك في بعض الاحيان انشوفو لعقل لكن التعنت ماهوش مليح ربي يوفقكم اخي

[أكوام الورد]

أخي لا بد يكون عندها سبب يخليها تأخر العرس يلا كان السبب مقنع و يستحق التأجيل علاش لا
و يلا ماكانش سبب زيد أقنعها ولا أبعث أمك و لا أختك تمشي لدارهم و تحاول تحل المشكل
بصح هذا ماشي سبب مقنع يخليك تفكر فالإنفصال وربي يوفقك

[اللؤلؤة النادرة]

السلام عليك لا تتعجلل في التفكير في الإنفصال .......كفتاة أخي أطلب منك أن تتريث في إقامة العرس حتى تجهز عروسك......... هي بدورها متوترةوتود لو ينتهي الأمر كلمح البصر .....لكن هناك ترتيبات تعيق تحديد اليوم...... ربما يكون لسبب تجهله..... يخص النساء والسبب يعود للحالة النفسية للمرأة تؤدى للخبطة الهرمونات التي بدورها تؤدي ...... حوس في قوقل تعرف واش راني حابة نوصلك........ .وربي يجمع بينكما على طاعته وشكره وحسن عبادته

[djeriou]

ما شاء الله، أخوتي واعيين بشكل كافي...، الردود تثلج الصدر

أخي تفاهمو الله يفتح عليك، إذا بديت تهدد بالإنفصال من أول مشكلة بينكما كيف ستؤسس عائلة و تتحمل المسؤولية، تفاهمو فالأمر فيه سعة...

تفاهمو الله يفتح عليك و لا تعيد قضية الإنفصال الله يبارك فيك...

[abdel02]

الحرب الباردة بدات بينكما باكرا
الانفصال اخر ما تفكر فيه
والمسألة تحل بالتشاور والتحاور
لان القادم اهم بكثير من موعد العرس
والله الموفق.

[محمد...عبد النور]

السلام عليكم أخي الكريم
ربي يتمم ليكم و يجمع بينكما في خير
لما العجلة أخي ، و الله حسب تجربتي مع أخواتي في الزواج و الله مدة 6 ـشهر أقل مدة يمكن أن تجهز فيها الفتاة نفسها و خاصة اذا كانت الظروف العائلية غير مساعدة يعني ما عندهاش شكون يشريلها المستلزمات و شكون يخرج معاها و الله تكون مغبونة و حتى امور النقل و مرات يكروا سيارة باه يجيبوا الجهاز و و و
و مدام انت قلت راهي ملتزمة و عاجباته ، ابدا تقدم على امر غير مدروس مثل الانفصال عنها
و الله تندم حين لا ينفع الندم
الناس يحوسوا على بنت الحلال بالريق الناشف و انت لقيتها ربي يبارك و محتار
لا تحتار لا تتقلق
كي نوفمبر كي ديسمبر......كيما يقولوا غمض عينين بان الحال...ليام راهي تجري اليوم راه اخر يوم من اوت ...ايامات تلقى روحك متزوج ان شاء الله و داخلين في 2013 و تبدأ تضحك على هذه الايام ...تقول كنت متقلق على الزواج
في الأخير يا أخي اصبر شوية و كبر قلبك و ما طلبته هذه الخطيبة جد معقول.....أسأل الله أن تكون هذه الزوجة ناصية خير عليك و على عائلتك و ربي يرزقكم الطيب و العشرة الطيبة و الذرية الطيبة من البنات و البنين
ســـــــــــــــــــــــــــــــلام

[~~ نَــدَى الــرَّيــحَ ـــــآن ~~]

يا اخي قد تكون لديها ظروف خاصة و استحت من ان تخبرك اياها بحكم الحياء
او ممكن كاين شخص عزيز عليها و ما يقدرش يكون حاضر في العرس الا في هاداك الوقت
و زيد كل عطلة و فيها خير انا وكان ما اجلتش خطبتي لوكان راني في دار راجلي درك لكن تجري الرياح بما لا تشتهي السفن
انت حاول تفهما لسبب و ساعفها و ادا زادت اجلت تما خلي الكبار يدخلو حدد الموعد مع والدها و خليها

[Golden Princess]

يا اخي تحضير العروسة لجهازها ليس بالامر الهين......لذا اصبر عليها و خليلها شوية وقت ..مافيها والو كي اكتوبر كي نوفمبر يعني شهر مادا ماجاب .....حددلها نهار من شهر نوفمبر و شوف معاها ...و الله يتمم على خير

[you92cef]

موسى الحاج -الحاج موسى

[روجين]

يا اخي لا تكبر الامر و تعطيه اكثر من حجمه كلش بالمكتوب و ربي يجيب التيسير انشاء الله . انا مخطوبة في عام ونص وكنا متفقين نديرو العرس ورا رمضان مكتبش ربي لانو اخوه توفى شاءت الافدار و الحمدلله رانا صابرين .كونك عاقل و رزين ز ثبت روحك المراة تحب تكون في عرسها شابة و لابسة اجمل الملابس و عندخا اخلى جهاز معليش ساعفها و ديرلها خاطرها و خليك حنين معاها. و الله يوفقكم و يجمعكم في الخير با رب .

[ღ مُــحِــبٌ لأُمـِـہْ ღ]

لا حول ولا قوة الا بالله علاه خويا غير بالعقل برك نروحو طول للانفصال؟

معليش خويا قولها هي لي تعطيك تاريخ محدد و بعدها حاسبها على هدرتها لكن لا تحسابها بالانفصال اخي راك رحت للبعيــد

بالتوفيق لكما لكن ساعفها خويا راهي انثى اديها على قد عقلها هذا ماكان........

[dina.labelle]

ههههههههههههههههههههه نتوما الرجال كلشي عندكم ساهل
صدقوني هذي راهي نعمة مسكينة صحاباتي يطلبوا 3 سنين خطبة وكاين لي 4
احمد ربي يا خو