يحبني بجنون و تركني 2 - الصفحة 2

دادي84 · 2012-09-02, 14:37

أختي نصيحة من عند واحد مجرب و تمرمد في هاذ النوع من العلاقات قبل ان يجد توأم روحه والاجابة على سؤالك راكي قلتيها --اللي يحبك عمرو الى يسمح فيك مهما تكون الاسباب و راح يدير المحال باش تكوني جنبو أما عدا هذا فاعلمي جيدا انه من تركك لم يحبك قط فربما كان معجبا بك او انه لما تعرف على اخرى ادرك و لحاجة في نفس يعقوب انه قد تسرع في الاختيار او اي شيئ من هذا القبيل ...ارجو ان تتقبلي رأيي بكل صدر رحب و اتمنى لك ان تكوني قرب من يستحقك فعلا ...اغلقي باب الماضي و افتحي باب المستقبل المشرق باذن الله

annabia 81 · 2012-09-02, 20:41

أختي درتي مليح كي قلتيلو"من يريدني يفعل من اجلي المستحيل" خاطرماه كي زيرتيه اختي وشافها قارصة وراح تروحي عليه ولا يستت "انتي حبي الاول و الاخير و لا اريد بعدك من النساء
انا احبك جدا سواأ اردت التصديق ام لا هذه هي الحقيقة" كان عينو فيك ينش الدبان على روحو ويفرض رايو صلي
الإستخارة وادعي ربي نشاله ربي يجيبلك لي فيه الخير

Elif DZ · 2012-09-03, 17:11

أختي انشغلي بأمور أفيد لكـ منه فإن كان لكـ فهو سيعود و لو بعد دهر و إن لم يكن لكـ فلن تجتمعا و لو اجتمعت الإنس و الجن على ذلكـ

باركـ الله فيكـ و وفقكِ إلى ما تحبين و يرضاه و رزقكـ الزوج الصالح إن شاء الله

,,,

سارة البوسعادية · 2012-09-03, 18:34

يفعل المستحيل؟؟؟؟ الا وهو معصية امه

يا اختي رانا نعيشو في ارض الواقع وينا مستحيل ووينا حب تان

هو تعلق بيك وانتي تعلقتي بيه لكن امو رفضت وربي ماكتبش

هو مش حاب يغضب امو وعندو الحق

ربي يهدي ويعوضك

سارة البوسعادية · 2012-09-03, 18:38

اقتباس:

المشاركة الأصلية كتبت بواسطة annabia 81

أختي درتي مليح كي قلتيلو"من يريدني يفعل من اجلي المستحيل" خاطرماه كي زيرتيه اختي وشافها قارصة وراح تروحي عليه ولا يستت "انتي حبي الاول و الاخير و لا اريد بعدك من النساء
انا احبك جدا سواأ اردت التصديق ام لا هذه هي الحقيقة" كان عينو فيك ينش الدبان على روحو ويفرض رايو صلي
الإستخارة وادعي ربي نشاله ربي يجيبلك لي فيه الخير

يماه ولات دبان

لا حول ولا قوة الا بالله

أم محمد و آيه · 2012-09-03, 18:57

ربي يجيبلك خير منو ان شاء الله

و اللي يحبك يدير بوسيبل تاعو .....

مي كلشي بالمكتوب ...

ربي يهنيك اختي

sebihbacha · 2012-09-03, 19:10

إن الانسان لا يعرف ما يحدث له هل هو خير أم شر
كذلك الزواج كم من فتاه حلمت بشخص وكانت تريد أن تنتحر لو لم تتزوج به والآن تعيش في حسرة هذا الإختيار وكم من فتاة تركت زوجها التي كانت تكرهه من اجل حب شخص آخر ووجدت أنها كانت في نعمه ولكن لم تقدرها
كم من شخص تزوج فتاة أو فتاة تزوجت رجلا وكانت حزينة لهذا الزواج والآن تعيش في سعادة وتدعوا لأبويها على هذا الإختيار.

سلمي أمرك لله فإن الذي خلقك لايضيعك.

annabia 81 · 2012-09-03, 19:43

اقتباس:

المشاركة الأصلية كتبت بواسطة سارة البوسعادية

يماه ولات دبان

لا حول ولا قوة الا بالله

الأخت هذي هدرة عامة تتقال لواحد بلا شخصية باش يفرض رايو

ammar le fort · 2012-09-03, 19:59

أنا نقوللكي يا أختي ألي خلق ما يضيع .. وألي يمدلنا هو ألي ينحيلنا ... بالاك شافلكي ربي فيها خير ...هو صح لازم طاعة الوالدين لكن مش معناها كي نطيعوا الوالدين نظلموا عباد آخرين... هو بهاذ القرار صراحة ظلمكي ....وكي قاللكي أنوا يحبكي باه يبينلكي بلي ماهوش هو ألي حاب تتفارقوا وإنما مرغم ....لكن مهما كان أنا حسب رأيي المتواضع أعتبره مخطئ ربي يسامحوا .... وربي معاكي أختي