هل تساعد في البيت ؟ - الصفحة 2

اللؤلؤة مريم · 2012-08-09, 23:55

اقتباس:

المشاركة الأصلية كتبت بواسطة لذريق

السلام عليكم أختي الكريمة
أقول لك الصراحة و الله أساعد مرات في الاعمال المنزلية لكن في الامور التي تتطلب الجهد العضلي مثل حمل الفراش و نشره على السطح لما يكون ثقيل
و لكن الحمد لله الامور الأخرى قد كفيت منها من طرف الاخوات و الوالدة ربي يبارك فيهم
و العمل لمساعدة الأهل في البيت في الاوقات التي يحتاجونها لا تنقص كرامة و لا هم يحزنون و تلك الاوقات قد تكون نادرة فهم يعفونك منها و الحمد لله
بارك الله فيك أختي على الموضوع المفيد و جزيتي كل خير
ســــــــــــــــــــــــــــــــــــلام

بارك الله فيك يا أخي لذريق و ربي يخلليلك والدتك و إن شاء الله تبقى دائما تساعدها

amouna 23 · 2012-08-09, 23:44

ههههههه مريم اكي تعبانة في الاعمال المنزلية على هديك حابة تشوفي كان ناس تعبانين كيفك و لا لا ربي يعينك برك

و انا اكي عبالك بيا وش نخدم

و صحا بعد السحور

اللؤلؤة مريم · 2012-08-10, 00:00

اقتباس:

المشاركة الأصلية كتبت بواسطة amouna 23

ههههههه مريم اكي تعبانة في الاعمال المنزلية على هديك حابة تشوفي كان ناس تعبانين كيفك و لا لا ربي يعينك برك

و انا اكي عبالك بيا وش نخدم

و صحا بعد السحور

صح راني تعبانة

، نعرف أنك تساعديهم لكن كيف حالك مع الطبخ جاوبيني عندك ما تجاوبيش مع السلامة و ليلة سعيدة

مريم الصابرة · 2012-08-10, 00:15

اقتباس:

المشاركة الأصلية كتبت بواسطة amouna 23

ههههههه مريم اكي تعبانة في الاعمال المنزلية على هديك حابة تشوفي كان ناس تعبانين كيفك و لا لا ربي يعينك برك

و انا اكي عبالك بيا وش نخدم

و صحا بعد السحور

السلام عليكم اختي
ههههههه صحا فطورك والله انا على العام تعبانة لكن خلني نقولك حوحو يشكر روحو والله شاطرة والله بلامام نحلف نحب نخدم الشغل واللي ما عندو شاهد كذاب سقسي لطريق يعيطلي فالهاتف قبل رمضان ويسمعني نطيب ونخدم فالشغل هههههه سقسيه يا ريت يدخل ونسالك حبة قلب لوز ضحكتي عليا شكرا حنونة

amouna 23 · 2012-08-10, 00:03

اني نطيب الحلويات و السلطات بانواعها و ماما طيب الاطباق الرئيسية اكي عبالك بابا كون ما تصلحش الطبق الرئيسي ما يكلش مليح

هيا اني نسنى فيك كاش ليلة ارواحي اسهري عندنا و دوقي الحلويات

و انتي من اهل الخير

اللؤلؤة مريم · 2012-08-10, 00:09

اقتباس:

المشاركة الأصلية كتبت بواسطة amouna 23

اني نطيب الحلويات و السلطات بانواعها و ماما طيب الاطباق الرئيسية اكي عبالك بابا كون ما تصلحش الطبق الرئيسي ما يكلش مليح

هيا اني نسنى فيك كاش ليلة ارواحي اسهري عندنا و دوقي الحلويات

و انتي من اهل الخير

إن شاء الله أمونة طبعا ما لازمش تطبخي الطبق الرئيسي تتفكري حكاية البيض و الزيت ولا نسيتيي إن شاء الله نجيك تصبحي بخير

amouna 23 · 2012-08-10, 00:20

يعطيك الصحة مريم الصابر ان شاء الله تلقي نهار اخر اولادك يخدمو عليك كيما راكي تخدمي على اهلك و صحا بعد سحورك

و مريم اللؤلؤة مزلتي متفكر دركا ارواحي و تشوفي البيض كيفاش نعملو على طريقة بلد من البدان ايا اني نستناك مرحبا بيك

و باي باي

اللؤلؤة مريم · 2012-08-10, 02:14

اقتباس:

المشاركة الأصلية كتبت بواسطة amouna 23

يعطيك الصحة مريم الصابر ان شاء الله تلقي نهار اخر اولادك يخدمو عليك كيما راكي تخدمي على اهلك و صحا بعد سحورك

و مريم اللؤلؤة مزلتي متفكر دركا ارواحي و تشوفي البيض كيفاش نعملو على طريقة بلد من البدان ايا اني نستناك مرحبا بيك

و باي باي

إن شاء الله نزورك و نأكل بيض راني نضحك يا أمونة نعرفك فحلة

الواثق · 2012-08-10, 01:36

مانكذبش عليكم مرات نساعد امي ومرات نهرب ........................لان امي مايعجبهاش العجب ...........نبات نكرط وتقلي رانا نجففو برك ههه...........وارواح اذا دخلت للقراج تلقا الموتورات والزيت المحروق العشاء والله مانذوقوها ..............وحاشاكم القمامة دايرتنا بالدالة شكون لي يلوحها ................واذا دارت حملة تفقدية للغرف منين تدخل لغرفة اخي بجواري وتبدا تعيط انا نولي نجري ونلعبها راني نقرا باه تعذرني .....ولا انفي ان زوجة اخي تقوم بعمل رائع وخيرها كبييير .....وربي يكون في عون امي لانو لايوجد من يساعدها ونحن الذكور تقلنا ريحو في بلاصتكم لاتكسرولي الماعين والاواني ........................ومرات نقترحو عليها تروح في العطلة تحوس تقلنا نخطيكم نهار تقلبو الدار وماتروحش .............................وابي عايش وحده له جناحه الخاص حتى باب الشارع الخاص به وماهو مسقسي على حتى واحد ............................حتى لايعرف عدد الغرف في البيت ومرت ينسى حتى المطبخ اين هو هههه

اللؤلؤة مريم · 2012-08-10, 02:20

اقتباس:

المشاركة الأصلية كتبت بواسطة الواثق

مانكذبش عليكم مرات نساعد امي ومرات نهرب ........................لان امي مايعجبهاش العجب ...........نبات نكرط وتقلي رانا نجففو برك ههه...........وارواح اذا دخلت للقراج تلقا الموتورات والزيت المحروق العشاء والله مانذوقوها ..............وحاشاكم القمامة دايرتنا بالدالة شكون لي يلوحها ................واذا دارت حملة تفقدية للغرف منين تدخل لغرفة اخي بجواري وتبدا تعيط انا نولي نجري ونلعبها راني نقرا باه تعذرني .....ولا انفي ان زوجة اخي تقوم بعمل رائع وخيرها كبييير .....وربي يكون في عون امي لانو لايوجد من يساعدها ونحن الذكور تقلنا ريحو في بلاصتكم لاتكسرولي الماعين والاواني ........................ومرات نقترحو عليها تروح في العطلة تحوس تقلنا نخطيكم نهار تقلبو الدار وماتروحش .............................وابي عايش وحده له جناحه الخاص حتى باب الشارع الخاص به وماهو مسقسي على حتى واحد ............................حتى لايعرف عدد الغرف في البيت ومرت ينسى حتى المطبخ اين هو هههه

أضحك الله سنك أخي الواثق ،لقد ساعدتك حيلة التظاهر بالقراءة أثناء حملة تفقد الغرف لكن سينكشف أمرك لذا فكر بحيلة أخرى بارك الله فيك و جزاك الله خيرا

SOUSOU. DZ · 2012-08-10, 02:30

نعم اختي اساعد امي في اعمال المنزل متل تنظيف البيت الطبخ غسل اواني وانت ادرى بهده اشياء

اللؤلؤة مريم · 2012-08-10, 15:28

اقتباس:

المشاركة الأصلية كتبت بواسطة SOUSOU. DZ

نعم اختي اساعد امي في اعمال المنزل متل تنظيف البيت الطبخ غسل اواني وانت ادرى بهده اشياء

شكرا على ردك أختي بارك الله فيك و إن شاء الله تبقي هكذا

سفير الأيام · 2012-08-10, 03:01

أجيبوا بكل صراحة :
ما تتقلقيش الكدب ماهوش من عقليتنا
وضرك إن شاء اللـــــه بلاك تضحكي بصح حقيقة
هل تساعد أمك يا أخي في الأعمال المنزلية ؟

واااااااااااااه وعلاه لالا
لأن امي مريضة واخواتي متزوجات

وأنا اكبر واحد في لمنزل

ماذا تفعل ؟
حوالي السادسة صباحا او السابعة
غسل الواني

ونفوت على الداااار بالفروطوااااااار

أما اخي بعد الفطور يرفد الصحون ويمسح بلاصتنا

أم أنك ترى أن هذا واجب المرأة فقط ؟

في الحقيقة النصيب الأكبر هو للمرأة لكن إن تحتمت الأمور فلا يوجد إشكالية

وهناك بعض المرات الزوج تكون زوجته بصحة جيدة وحاب يقلشها طيبلها حاجة قلت بعض المرات فهنا هاد الفعل ينمي ويخلق رابط للمحبة لكن إن كان يفعلها يوميا فهدا منافي للشريعة

اللؤلؤة مريم · 2012-08-10, 15:36

اقتباس:

المشاركة الأصلية كتبت بواسطة سفير الأيام

أجيبوا بكل صراحة :
ما تتقلقيش الكدب ماهوش من عقليتنا لم أقصد الكذب بل قصدت الردود المثالية
وضرك إن شاء اللـــــه بلاك تضحكي بصح حقيقة
هل تساعد أمك يا أخي في الأعمال المنزلية ؟

واااااااااااااه وعلاه لالا
لأن امي مريضة واخواتي متزوجات

وأنا اكبر واحد في لمنزل
بارك الله فيك أخي الكريم
ماذا تفعل ؟
حوالي السادسة صباحا او السابعة
غسل الواني

ونفوت على الداااار بالفروطوااااااار

أما اخي بعد الفطور يرفد الصحون ويمسح بلاصتنا
و الله هذا كثير ربي يجازيك
أم أنك ترى أن هذا واجب المرأة فقط ؟

في الحقيقة النصيب الأكبر هو للمرأة لكن إن تحتمت الأمور فلا يوجد إشكالية

وهناك بعض المرات الزوج تكون زوجته بصحة جيدة وحاب يقلشها طيبلها حاجة قلت بعض المرات فهنا هاد الفعل ينمي ويخلق رابط للمحبة لكن إن كان يفعلها يوميا فهدا منافي للشريعة

مشكور بارك الله فيك

karimblida · 2012-08-10, 05:18

أنا نخرج القمامة برك
و كي نبقى الاخير في الماكلة نمسح الطابلة