أيهما أفضل : أستاذ ثانوي / ظابط في الجيش ؟؟ - الصفحة 2

卐 إبن العرب 卐 · 2012-08-08, 15:11

من نيتك اخي راك تستقسي

الجيش افضل بالتاكيد

و الاساتذة راهم قدامك و الظباط راهم قدامك

سقسي و شوف

مسيردى · 2012-08-08, 15:18

هههههه انا نبعث ولاد الناس الله يهديك
+
واش من السكن الوظيفي وواش من الر ابال راه من نيتك
لو كان جا التعليم مليح مايجوش قاع الاضرابات
المهم كيما قال الاخ
الظباط قدامك و الاساتدة قدامك و سقسي
انا الي كنت نقرا عندهم قالولي بلي حتى درنا التعليم و ندمنا
قطاع معمر بالمشاكل

mimo meryoulisto · 2012-08-08, 15:26

انا سجلت في المدرسة تاع الرويبة وان شاء الله ننجح فيها

jokerbest · 2012-08-08, 16:15

أخي الكريم أنا من رأى الشخصي ربي يسهلك في الجيش بسك السيففيل كامل رانا قرينا في الجامعة و شفناها و ماتخلعكش المدرسة العليا رانا نعرفو خرين كارهين حياتهم فيها و بالتوفيق

podolsky · 2012-08-09, 02:13

السلام عليكم
اولا الاختيار هو اختيارك بالدرجة لا غير وكل من هم هنا سيقدمون لك النصيحة و عى حسب ضروفهم هم

انا اقدم لك تجربة ميدانية كنت العام الماضي ظابط في الجيش احتياطي وكنت اعرف الكثير من الظباط وصف الظباط وحتى الجنود
وعشت معاناتهم

1 الكل يجمع على انه اقترف غلطة عمره واصبح في وسط الطريق
2 الكل يرى ان دقيقة مع اولاده وزوجته تساوي اموال وزارة الدفاع باكمالها
3 الكل يجمع على انه واجهتها اوقات لا اراك الله
وووووووو
انا عشت ايضا في حي جامعي الاكثر تدهور ربما في الوطن باكمله ا
لكن اقسم بالله العظيم وبكتابه الكريم افضل ان اعمل عون ادارة نشد الحيط نطلب تعرف نطلب في الجوامع
و ما نبقاش دقيقة في الجيش
ولك ان تختار
الربع سنوات التي ستمضيها في شرشال تساوي معانات سنوات في الحي الجامعي

Oustad_Ahmed · 2012-08-09, 03:32

اقتباس:

المشاركة الأصلية كتبت بواسطة podolsky

السلام عليكم
اولا الاختيار هو اختيارك بالدرجة لا غير وكل من هم هنا سيقدمون لك النصيحة و عى حسب ضروفهم هم

انا اقدم لك تجربة ميدانية كنت العام الماضي ظابط في الجيش احتياطي وكنت اعرف الكثير من الظباط وصف الظباط وحتى الجنود
وعشت معاناتهم

1 الكل يجمع على انه اقترف غلطة عمره واصبح في وسط الطريق
2 الكل يرى ان دقيقة مع اولاده وزوجته تساوي اموال وزارة الدفاع باكمالها
3 الكل يجمع على انه واجهتها اوقات لا اراك الله
وووووووو
انا عشت ايضا في حي جامعي الاكثر تدهور ربما في الوطن باكمله ا
لكن اقسم بالله العظيم وبكتابه الكريم افضل ان اعمل عون ادارة نشد الحيط نطلب تعرف نطلب في الجوامع
و ما نبقاش دقيقة في الجيش
ولك ان تختار
الربع سنوات التي ستمضيها في شرشال تساوي معانات سنوات في الحي الجامعي

السلام عليكم
بارك الله فيك خويا

أكيد راح نتذكر كلامك
انا اتفق معاك في كل ما قلته
لكن

قد اسلك ذاك الطريق ..

listoma · 2012-08-08, 16:19

السلامـ عليـــــــــــكم و رحمة الله ... /
شوف خويا ...
بالنسبة لأستاذ التعليمـ الثانوي ... في الفيزياء ولا في الرياضياات .... مليحة .. هوما الأساتذة صح بكري سوفراو مي اللي يدخل درك يصيبها واجدة : الرابال و الشهرية مليحة حوالي 5 حتى ل 6 ملاين ..... و العطل و الويكاند و نهار ما تقريش فيه ... وو ..و. ... و القعاد و الأهل و الأصدقااء ... و الأولاد ... تعيش عادي ... و ++ راكـ عندكـ فرصة الدروس الخصوصية ... و رانا نشوفو بعينينا شحال يدخلو منها ... و مامـ كون تدير الماجيستار من بعد المدرسة العليا راح تدخل تقري في الجامعة بكل سهولة ..... يعني كون تكون شوية قافز راح تعيش بأستاذ عيشت الملوكّـ ... يعني شعار الأستاذ هو الحرية ...
بالنسبة للخدمة الوطنية ... تاني مليحــــــة تدخل ضابط ما تهبطش الشهرية من 7 ملاين .... إضافة إلى العديد من الامتيازات و المساعدات المادية ... مي شوية رايح تعيش بعبد على الأهل و على الأسرة .... مي نورمال توالف بنظامـ الصرامة .. و عادي ههه ... ... ترجع تجي لعند عائلتكـ 5 أيامـ تكره حياتكـ و تكذب واقتاش ترجع .. و الله أديها من عندي ..... ++ خدمتها ما فيهاش التعب كيما يظن الأغلبية ... قادر تحكم بيرو ولا قروب ولا .... المهم حاجة خفافي ..
ممممم... و رايكـ و البركـــــــــــة خويا أنا كون من جيهتي كون إخترت أستاذ التعليمـ الثانوي لأنو راكـ تشوف بعينكـ في حالة البلاد تاعنا ... تصيب مقاول ولا تاجر راس مالو ما يتحسبش ... و تصيب شهار ب 9 ملاين .. توموبيل ما قدرش يشريها تصيبو يصدر بالدورو 6 سنين باش يشري طرف تاع الأرض .... يعني الشهرية رجعت كلها مخصصة لضروريات العيش ... ف الجيش يا أخي عاشو فيه اللي كانو بكري .. تلقاهمـ طلعو في القراد وهوما لا قراية والو ... شهريتهمـ 12 مليون نهار كان الأستاذ 2.5 مليون ... هادوكـ دارو حاجة في حياتهمـ ..و عاشو ولادهـــــــــــمـ ... مي دركـ الناس كامل ضباط ما عندكـ وين تطلع ..
++ أنا ما تلومنيش واحد اللي حاب نروح للخارج و نزور البلدان و نشوف الحضارات و الناس وين وصلو.. و العقلية كيفاش دايرة .. ما حابش نحكمـ على روحي في الجزائر مثلما هو الحال كونكـ في الخدمة الوطنية .... الحج لبيت ربي .. و قريب ما يخلوهمش يروحو ليـــــــــــــهـ ... ++ ما تفهمهاش ما حابش نخدمـ بلادي .. حاش و لله الحمد .. مي حاب نخرج ...
ممممم... ++ راكـ تعرف خويا الشارمـ تاع التقرية .. مع الأولاد كل عامـ تطلع جيل كل عامـ تدير دي سوفونير شابين ... كل عامـ يزيد الإحترامـ ليكـ كل عامـ تطلع مكانتكـ في المجتمع و كلشي .... ++ واحد ما يقولكـ تهبل مع الدراري ولا كاش حاجة ... أنتَ تحكم على روحكـ .. ياكـ وين تروح تصيب ناس محترمين .. و يقادروهم و كلشي ... و ناس ماشي محترمين خصوصا الرجال بالنسبة لقطاع التعليمـ محترمين في العادة ..
أحنا في الليسي تاعنا مثلا ... كنا نقراو مع أساتذة كبار سواء رجال ولا نسااء . كامل كنا نتحركو معاهمـ نردو الهدرة .. نديرولهمـ دي جاست ماشي ملاح ... إلا أستاذ واحد تاع الاجتماعيات يجي في عمرو وحد 26 ولا 27 .. كان كي يهدر معاكـ تطرح عينيكـ في الارض من الحشمة ... كان يقدمـ الدرس في أحسن الأحوال ...
ممممم.... يظهرلي طولت شوية بالحكي ... هذي هي عادتي خويا كا تلومنيش توجور نحب نحكي ...... ههههه ...
المهم حبيت نقولكـ دير دومان اللي خطرة خلاف قادر تبين شطارتكـ فيه بعيدا على الحرامـ طبعا ... باش تعيش كونفور و هاني مع عائلتكـ .... و زيد استخير خويا فما خاب من استخار ....
اسمحلي أنسيستيت شوية على المادة مي الله غالب هذي هيَ المعيشة في الجزائر ...
و كيما قلتلكـ من قبل رايكـ و البركـــــــــة بإذن الله ... نتمنالكـ التوفيق من كل قلبي ...
في أمآآن الله أخي في الله ... و صــــــــــــــــح فطووركـ ..
سلااااااااااااامـ

Oustad_Ahmed · 2012-08-08, 19:57

اقتباس:

المشاركة الأصلية كتبت بواسطة listoma

السلامـ عليـــــــــــكم و رحمة الله ... /
شوف خويا ...
بالنسبة لأستاذ التعليمـ الثانوي ... في الفيزياء ولا في الرياضياات .... مليحة .. هوما الأساتذة صح بكري سوفراو مي اللي يدخل درك يصيبها واجدة : الرابال و الشهرية مليحة حوالي 5 حتى ل 6 ملاين ..... و العطل و الويكاند و نهار ما تقريش فيه ... وو ..و. ... و القعاد و الأهل و الأصدقااء ... و الأولاد ... تعيش عادي ... و ++ راكـ عندكـ فرصة الدروس الخصوصية ... و رانا نشوفو بعينينا شحال يدخلو منها ... و مامـ كون تدير الماجيستار من بعد المدرسة العليا راح تدخل تقري في الجامعة بكل سهولة ..... يعني كون تكون شوية قافز راح تعيش بأستاذ عيشت الملوكّـ ... يعني شعار الأستاذ هو الحرية ...
بالنسبة للخدمة الوطنية ... تاني مليحــــــة تدخل ضابط ما تهبطش الشهرية من 7 ملاين .... إضافة إلى العديد من الامتيازات و المساعدات المادية ... مي شوية رايح تعيش بعبد على الأهل و على الأسرة .... مي نورمال توالف بنظامـ الصرامة .. و عادي ههه ... ... ترجع تجي لعند عائلتكـ 5 أيامـ تكره حياتكـ و تكذب واقتاش ترجع .. و الله أديها من عندي ..... ++ خدمتها ما فيهاش التعب كيما يظن الأغلبية ... قادر تحكم بيرو ولا قروب ولا .... المهم حاجة خفافي ..
ممممم... و رايكـ و البركـــــــــــة خويا أنا كون من جيهتي كون إخترت أستاذ التعليمـ الثانوي لأنو راكـ تشوف بعينكـ في حالة البلاد تاعنا ... تصيب مقاول ولا تاجر راس مالو ما يتحسبش ... و تصيب شهار ب 9 ملاين .. توموبيل ما قدرش يشريها تصيبو يصدر بالدورو 6 سنين باش يشري طرف تاع الأرض .... يعني الشهرية رجعت كلها مخصصة لضروريات العيش ... ف الجيش يا أخي عاشو فيه اللي كانو بكري .. تلقاهمـ طلعو في القراد وهوما لا قراية والو ... شهريتهمـ 12 مليون نهار كان الأستاذ 2.5 مليون ... هادوكـ دارو حاجة في حياتهمـ ..و عاشو ولادهـــــــــــمـ ... مي دركـ الناس كامل ضباط ما عندكـ وين تطلع ..
++ أنا ما تلومنيش واحد اللي حاب نروح للخارج و نزور البلدان و نشوف الحضارات و الناس وين وصلو.. و العقلية كيفاش دايرة .. ما حابش نحكمـ على روحي في الجزائر مثلما هو الحال كونكـ في الخدمة الوطنية .... الحج لبيت ربي .. و قريب ما يخلوهمش يروحو ليـــــــــــــهـ ... ++ ما تفهمهاش ما حابش نخدمـ بلادي .. حاش و لله الحمد .. مي حاب نخرج ...
ممممم... ++ راكـ تعرف خويا الشارمـ تاع التقرية .. مع الأولاد كل عامـ تطلع جيل كل عامـ تدير دي سوفونير شابين ... كل عامـ يزيد الإحترامـ ليكـ كل عامـ تطلع مكانتكـ في المجتمع و كلشي .... ++ واحد ما يقولكـ تهبل مع الدراري ولا كاش حاجة ... أنتَ تحكم على روحكـ .. ياكـ وين تروح تصيب ناس محترمين .. و يقادروهم و كلشي ... و ناس ماشي محترمين خصوصا الرجال بالنسبة لقطاع التعليمـ محترمين في العادة ..
أحنا في الليسي تاعنا مثلا ... كنا نقراو مع أساتذة كبار سواء رجال ولا نسااء . كامل كنا نتحركو معاهمـ نردو الهدرة .. نديرولهمـ دي جاست ماشي ملاح ... إلا أستاذ واحد تاع الاجتماعيات يجي في عمرو وحد 26 ولا 27 .. كان كي يهدر معاكـ تطرح عينيكـ في الارض من الحشمة ... كان يقدمـ الدرس في أحسن الأحوال ...
ممممم.... يظهرلي طولت شوية بالحكي ... هذي هي عادتي خويا كا تلومنيش توجور نحب نحكي ...... ههههه ...
المهم حبيت نقولكـ دير دومان اللي خطرة خلاف قادر تبين شطارتكـ فيه بعيدا على الحرامـ طبعا ... باش تعيش كونفور و هاني مع عائلتكـ .... و زيد استخير خويا فما خاب من استخار ....
اسمحلي أنسيستيت شوية على المادة مي الله غالب هذي هيَ المعيشة في الجزائر ...
و كيما قلتلكـ من قبل رايكـ و البركـــــــــة بإذن الله ... نتمنالكـ التوفيق من كل قلبي ...
في أمآآن الله أخي في الله ... و صــــــــــــــــح فطووركـ ..
سلااااااااااااامـ

و عليكم السلام و رحمة الله و بركاته
بارك الله فيك خويا

الممت بالموضوع
وكان ردك شامل ما شاء الله
افدتني باذن الله ببض الامور لم اكن منتبه اليها

ان شاء الله يكون خير
صح فطورك

شكراااااَ مرة اخرى
و السلام عليكم

siphaxs93 · 2012-08-08, 16:55

أخي خطيك من العسكر والله استاذ خيرلك والله أعلم

imad97 · 2012-08-08, 17:18

من وجهة نظري أستاذ أفضل ..والعسكر اللي فوقك برتبة يذلك

صُبح الأندلس · 2012-08-08, 17:42

كلاهما يؤدي مهمة شريفة ذاك ينور العقول و الآخر يرابط على الحدود
و لكن إن أردت النصح فالتحق بالجيش فالضابط له مكانة في المجتمع أما الأستاذ فيبقى في نظر المجتمع المتخلف موضعا للنكت و السخرية و الاستهزاء
مع الأسف

amine 2012 · 2012-08-08, 17:45

الجيش تشبع الكف
مي التقاجانيا مليحا مي روح للجدارميا خير في خير من حيث القيمة لكن أنسى الدار و الاعياد

مروة الايمان · 2012-08-08, 23:08

اقتباس:

المشاركة الأصلية كتبت بواسطة * اعـتماد *

كلاهما يؤدي مهمة شريفة ذاك ينور العقول و الآخر يرابط على الحدود
و لكن إن أردت النصح فالتحق بالجيش فالضابط له مكانة في المجتمع أما الأستاذ فيبقى في نظر المجتمع المتخلف موضعا للنكت و السخرية و الاستهزاء
مع الأسف

و الله كلام منطقي جدااااااااااااااااااااااا يعطيك الصحة استاذة

(( ريتاج مكة )) · 2012-08-08, 18:16

انا بالنسبة ليا اذا رايح تدخل للمدارس العسكرية رايح تكمل قرايتك عادي تخرج مهندس في الميكانيك ولا + الدخل يعني مستقبلك مضمون والصامن ربي

+ خمم شويا في " بناء الشخصية " يعني العسكر كون تستغلو جيدا رايح تكون عندك شخصية قوية وتتعلم حوايج بزاف مستحيل تتعلمهم

وانت سيفيل و تكتسب حوايج بزاف في الحياة والاعتماد على النفس + الان الحالة تطورت

يعني كاين لي خدمتهم غير في لي بيرو كلي برا وزيد عندهم لي برميسيون عادي + كاين بزاف لي نعرفهم دخلوا وقراو

في هذي المدارس واجتاهدوا و تفانو في عملهم كانوا يتميزون بالصرامة والان يعثوهم للخارج " كاين نعرفهم لروسيا "

ومدولهم المنازل وكاين لي داو نساءهم واولادهم للخارج + زيد استخير خويا

الاستاذ ايضا حالتو اصبحت جيَدة ماديا ولك الاختيار اتخيل نفسك 20 سنة او اكثر وانت تقري + زيد اتصور الجيل القادم كيفاه يكون

وشوف اذا كان عندك هدف من التعليم انك تربي الاجيال قبل ماتعلمهم وتنهي عن المنكر و تتفانى فالعمل تاعك ومتظلش من النوع لي يظل قاعد

وراء المكتب ويكلم صحاب الصفوف الاولى وتكون عندك ضمير وتتعامل بالعدل والاخلاص باه ماتربحش دعوة الشر

رايح تنجح ان شاء الله ودير في بالك انو اي حاجة راهي صعيبة وكل حاجة لاوم تكون فيها تنازلات ولازم تتخلى على حوايج مقابل حوايج

يعني العسكر رايح تخسر حريتك والتعليم تخسر صحتك ويكذب عليك لي يقولك مايصرالك والو لي ماصرالهم والو راهم هادوك لي راهو يتمسخروا

يجيبوا الدراهم ماهمهمش يفهم التلميذ ولا يتعاطى المخذرات في القسم ولا يلعب والدراسات تبين بلي اي استاذ عمل بجد وبضمير تلقا ملفو الطبي معمر بالامراض لكنه كسب الاجر من الله بإذن الله

هذا رأيي ببساطة لكل عمله ونحن نحتاج للجميع فقط العمل بإخلاص ووفاء واخلاص لله سبحانه وتعالى وشوف انت وش يخرج عليك ’’ ربي يسهلك ويسهللنا جميعا

ممكن نكون مخطئة كما ممكن اكون على صواب ,, ويبقى العلم لله عزَ وجل ,,,

PHARM2011 · 2012-08-08, 21:14

انا راني معول على مدرسة عليا للاساتدة اعلام الي متوسط
و تبانلي الجامعة افضل من الجيش
حرية ديالك قدام والديك