التلفزيون الجزائري وحصة حكايتك حكاية يستهزئون بالمعلم - الصفحة 2

يونس · 2012-08-20, 21:19

اقتباس:

المشاركة الأصلية كتبت بواسطة xicawapa

على حسب علمي الروبو ما صنعوش واحد جزايري ؟؟ ولا ناظر متوسطة ؟ ولا ههاههاهاهاها ، المهم لم يصنع في الجزائر

هههههههههه لا صنعو واحد اسباني ولا وحدة الله أعلم

لماذا هذا الإستهزاء ان كنت لا تتقبلين اراء الآخرين

طارق2518 · 2012-08-08, 10:13

ومن لا يفعل ذلك

شعيب1993 · 2012-08-09, 10:36

السلام عليكم أيها الاخوة الكرام
1-شكرا لصاحب الموضوع
2-أود أن أطرح التساؤلات التالية
-لماذا الاستهزاء بالمعلم ؟
-هل المعلم هو الذي أسهم في الاستهزاء به؟
أجيب حسب رأيي
الاستهزاء بالمعلم ونعته بأقبح الصفات يؤدي إلى الانقاص من قيمته وبالتالي الانقاص من شأن العلم بصفة عامة مما يؤدي إلى تخلف الأمة بأكملها
نعم لمعلم اليوم دور كبير في رفع قيمته أو حطها والدليل أنك ترى مربي الاجيال يظل في المقاهي وأنتم تعرفون ما المقاهي زيادة على ذلك ترى المعلمين دائما يتساءلون عن موعد الراتب الشهري وهذه صفة موجودة فيهم فقط ولا توجد في قطاعات أخرى والدليل على ذلك أنه يوجد منتدى خاص بالانشغالات المالية في منتديات الجلفة ولا أعرف لماذا هذا المنتدى هل المعلمون لايعرفون متى تصب رواتبهم أم ماذا لا أدري

مريديدة حارة · 2012-08-10, 04:13

بسم الله والصلاة والسلام على رسول الله :
ذكرني الموضوع بأحد أعمدة العلم في العصور الماضية (وأظنه أبو هلال العسكري ) وكان في السوق يبيع كتبه .....
يقول:
وقوفي في سوق أبيع وأشتري .....دليل على أن الانام قرود
الله يصحح صيام الجميع

موح الحراشي · 2012-08-10, 08:16

نقولك المعلين الاساتذة في اغلبهم يستهلوا،لانهم رضاو يحكمهم واحد كي بن بوزيدة مدة 20 سنة ولا منعرف،او كون جاو فاهمين كون نحاوه،ماشي يحوسو عالخلاص،او قرينا وشفناهم كيفاش كانو يتقعدو بينا حاشا القليل

ilbak123 · 2012-08-10, 08:22

اقتباس:

المشاركة الأصلية كتبت بواسطة ناظر متوسطة

السلام عليكم
في هذه الحصة التي يحكي فيها الناس على كل شيء
فتاة قصت قصة عن معلم بخيل ؟
والقادم امر

ان اتتك مذمتي من ............. فتلك شهادة باني كامل
تقبل مروري نهارك كريم

sarra5 · 2012-08-10, 12:16

3andha lha9 pask nhar kan lmo3alem b9imtoo

nhar kona srar kona nkhafo nokhorjo nela3bo bara y3oud ychofna lmo3alem

w dok wela ma3andoch 9ima

3lah??

pask rahat hibto 9odam ltalamid w la faute machi rir ta3o mm ta3 ltalamid li machi metrabyine

ilbak123 · 2012-08-10, 13:03

اقتباس:

المشاركة الأصلية كتبت بواسطة sarra5

3andha lha9 pask nhar kan lmo3alem b9imtoo

nhar kona srar kona nkhafo nokhorjo nela3bo bara y3oud ychofna lmo3alem

w dok wela ma3andoch 9ima

3lah??

Pask rahat hibto 9odam ltalamid w la faute machi rir ta3o mm ta3 ltalamid li machi metrabyine

عيب عليكم هذا الانحطاط الذي اوصلتم انفسكم اليه تريدون النيل ممن هو انبل منكم ويأبى الله الا ان يتم نوره
احشمي انت ومن على شاكلتك كفاكم اكل لحم اخوانكم ** اسيادكم**
ترمون الناس بالعيوب وعيوبكم تملأ ما بين الارض والسماء وكأنكم ولدتم من عهد غابر
اتقو الله في انفسكم واحذروا اعراض الناس وبكل صراحة انتم تغيرون منهم لهذا تكيلون لهم هذه القذائف وغيرتكم قاتلة نسأل الله ان يخفف عنكم
ما كبكم في النار الا حصائد السنتكم

كلي ثقة · 2012-08-11, 03:04

كي راحت هيبة المعلم راح قدروا
بصح كي تشوف معلم في حفلة آخر الفصل ولا السنة يطمع في حبات قاطو وقرع القازوز يديهم ألدارو ويحرم منهم أطفال هم أحق من أولادو بها، وين راهي قيمتوا قدام التلاميذ وأوليائهم ؟؟؟؟؟؟؟؟؟؟؟؟
ولا معلم يطمع في القوتي أنتاع الذراري...والله عيب
حاشا مشي كل المعلمين كيما كاين بزاف من هذا النوع كاين بزاف من نوع آخر كي يعطيلوا التلميذ حبة حلوى يقولو خليهاليك ،وحتى يصرف من جيبوا باه يشري هدايا تشجعية
أما على التلفزيون فحدث ولا حرج على الانحطاط اللي راه فيه وفي انتظار وزارة الثقافة تدخل وتغلقو راني نفطر على السنافر في cn العربية مع ولادي
ما نقدروا نقولو غير الله يهدي ما خلق اختلط الحابل بالنابل

رحمة من المولى · 2012-08-13, 14:58

السلام عليكم و رحمة الله تعالى و بركاته:
الذي ينعت المعلم بالبخل سواء كان تلميذا أو شخصا آخر فتأكدوا أنه لم يبخل بعلمه على تلاميذه و هذا أجمل شيء يدل على كرمه
و إن كانوا بقصدون بخله من الناحية المادية "المال"فهل تريدون أن يضع راتبه بين أيديكم حتى تنعتوه بالكريم و المعطاء،هل بقية العمال من قطاع الصحة و الأمن و غيرهم يتصدقون براتبهم شهريا حتى لم تلصقوا بهم هذه الصفة
سؤال الاستاذ عن دخول راتبه أم لا لأن كل القطاعات لهم يوم محدد لا يتغير في صب الراتب كيوم 18 مثلا للقطاع العسكري أما قطاع التربية لا يوم لهم المهم هو أن تنتظر من 11 فما فوق قد تصل حتى ال 20 أحيانا فها هذا ذنب المعلم إذا سأل عن حقه؟
جلوس المعلم في المقاهي لا يدل على الحط من قيمته بل العكس يدل على تواضعه و كثير من الأولياء من عرف سلوكات ابنه أو ابنته من خلال المقهى عند التقائه بأحد المعلمين فجأة فالكثير منهم لا يعرف مستوى ابنه.وإذا لم يدخل المقهى نعتوه بالمتكبر " واش حاسب روحو"
هذه الحصة التي تتمادى على المعلم و دوره في تكوين رجال الجزائر هي حصة ترفيهية حقيقة لأننا نضحك من كل قلوبنا على ما آل إليه مستوى برامجنا مقارنة مع القنوات الأخرى رحم الله تعالى أيام المفتش الطاهر و بوبقرة و,,و, مكانش عندهم الإمكانيات بصح خلاونا لحد الان نتفرجو أعمالهم و نفتخر بها.
انا أستاذة في التعليم الثانوي إن كنت بخيلة كما يرى البعض في الأساتذة فإني لم أبخل يوما على تلاميذي من جميع النواحي يكفيني فخرا دموعهم الممزوجة بطعم النجاح في شهادة البكالوريا . قولوا عنا ما شئتم يا كرماء و اسخروا منا كما يحلو لكم في حصصكم فحق لكم لأن هذا ما وصلتم إليه من تقدم,
معلمون و أساتذة نفتخر بما نقدمه لكم يا تلاميذ و لأبنائكم يا أصحاب النكت و الضحك في الشهر الفضيل

صح فطووووووووووووووووركم

يونس · 2012-08-18, 17:08

اقتباس:

المشاركة الأصلية كتبت بواسطة رحمة من المولى

السلام عليكم و رحمة الله تعالى و بركاته:
الذي ينعت المعلم بالبخل سواء كان تلميذا أو شخصا آخر فتأكدوا أنه لم يبخل بعلمه على تلاميذه و هذا أجمل شيء يدل على كرمه
و إن كانوا بقصدون بخله من الناحية المادية "المال"فهل تريدون أن يضع راتبه بين أيديكم حتى تنعتوه بالكريم و المعطاء،هل بقية العمال من قطاع الصحة و الأمن و غيرهم يتصدقون براتبهم شهريا حتى لم تلصقوا بهم هذه الصفة
سؤال الاستاذ عن دخول راتبه أم لا لأن كل القطاعات لهم يوم محدد لا يتغير في صب الراتب كيوم 18 مثلا للقطاع العسكري أما قطاع التربية لا يوم لهم المهم هو أن تنتظر من 11 فما فوق قد تصل حتى ال 20 أحيانا فها هذا ذنب المعلم إذا سأل عن حقه؟
جلوس المعلم في المقاهي لا يدل على الحط من قيمته بل العكس يدل على تواضعه و كثير من الأولياء من عرف سلوكات ابنه أو ابنته من خلال المقهى عند التقائه بأحد المعلمين فجأة فالكثير منهم لا يعرف مستوى ابنه.وإذا لم يدخل المقهى نعتوه بالمتكبر " واش حاسب روحو"
هذه الحصة التي تتمادى على المعلم و دوره في تكوين رجال الجزائر هي حصة ترفيهية حقيقة لأننا نضحك من كل قلوبنا على ما آل إليه مستوى برامجنا مقارنة مع القنوات الأخرى رحم الله تعالى أيام المفتش الطاهر و بوبقرة و,,و, مكانش عندهم الإمكانيات بصح خلاونا لحد الان نتفرجو أعمالهم و نفتخر بها.
انا أستاذة في التعليم الثانوي إن كنت بخيلة كما يرى البعض في الأساتذة فإني لم أبخل يوما على تلاميذي من جميع النواحي يكفيني فخرا دموعهم الممزوجة بطعم النجاح في شهادة البكالوريا . قولوا عنا ما شئتم يا كرماء و اسخروا منا كما يحلو لكم في حصصكم فحق لكم لأن هذا ما وصلتم إليه من تقدم,
معلمون و أساتذة نفتخر بما نقدمه لكم يا تلاميذ و لأبنائكم يا أصحاب النكت و الضحك في الشهر الفضيل

صح فطووووووووووووووووركم

يرحب ذاك الفم.. بارك الله فيك أستاذتي وان كنت لا أعرفك ولم أدرس عندك قط ولكن يكفيني فخرا أنك أستاذة

وصح عيدكم وبارك الله فيك وفي جميع من لم تعمة بصيرته حتى أصبحت الألسنة تتطاول على الأساتذة

اني لأرى ألسنة قد اينعت وتكبرت وطغت وحان قطافها

XicaWapa · 2012-08-11, 14:13

اولا / الشعب الجزائري تالمو التخلف بزاف ، هو نمبر وان في عدم تقبل الرأي الاخر
يعني يا تهدر كيفي ولا راك حابس وغبي و كافر
كيما البوسعادية (ما نيش راسيتس مي تغيضوني بزاف )) لي راي تقولي / كون جيتي مسلمة ؟؟
هادا سؤال ؟ وزيد هاني كافرة انت واش قضيتي ؟؟
استغفر الله
و نتاع ما نعرفش الرسول صلى الله عليه وسلم ، ربي يهديك (وخلاص
الرسول و لا الشعراء لي هدرو على المعلم ما كانوش يقصدو هاداك لي يتحرش جنسيا بالتلاميذ و يعاكس التلميذات ، و يقعب نهار كامل يدخن في الكلاسة ، و لا لالاة نهار كامل وهي تحكي بالتيليفون مع حبيب القلب ومبعد تدي 7 ملاين
و كي تنفحلو يزيدولو يدير اضراب و يخلينا بروغرام ما نكلوه
و لا اهو من الاول دخل للمنصب بالرشوة والمعريفة
يدخلو للقهوة ههههه يشرب فنجال واحد بيناتهم
هههههه
تخيلو استاد ما يعرفش يعمر الشاك ؟؟؟
ولادهم يشفوني ، البخل يا لطيف

و لي راهو يشكك في اني متفوقة ولا لالا ؟
الحمد الله ، اجتهد وزيد نصحح للاستاد (الحابسين بالتاكيد )
والحاجة الاخرى
الاستاد جايحين من نهار دخلت وهو يضربو لي في الشيتة كي عاد بابايا مسؤوول ههههه من الابتدائي ، للمتوسط ل ثانوية و ان شاء الله الجامعة تاني

(مع احترامي لاساتدتي نتاع الرياضيات والعربية و الانجليزية (المتوسطة ولو انه تنطبق عليهم بعض ما ذكرت مثل البخل

سارة البوسعادية · 2012-08-13, 15:15

اقتباس:

المشاركة الأصلية كتبت بواسطة xicawapa

اولا / الشعب الجزائري تالمو التخلف بزاف ، هو نمبر وان في عدم تقبل الرأي الاخر

اقتباس:

المشاركة الأصلية كتبت بواسطة xicawapa

يعني يا تهدر كيفي ولا راك حابس وغبي و كافر
كيما البوسعادية (ما نيش راسيتس مي تغيضوني بزاف )) لي راي تقولي / كون جيتي مسلمة ؟؟
هادا سؤال ؟ وزيد هاني كافرة انت واش قضيتي ؟؟
استغفر الله
و نتاع ما نعرفش الرسول صلى الله عليه وسلم ، ربي يهديك (وخلاص
الرسول و لا الشعراء لي هدرو على المعلم ما كانوش يقصدو هاداك لي يتحرش جنسيا بالتلاميذ و يعاكس التلميذات ، و يقعب نهار كامل يدخن في الكلاسة ، و لا لالاة نهار كامل وهي تحكي بالتيليفون مع حبيب القلب ومبعد تدي 7 ملاين
و كي تنفحلو يزيدولو يدير اضراب و يخلينا بروغرام ما نكلوه
و لا اهو من الاول دخل للمنصب بالرشوة والمعريفة
يدخلو للقهوة ههههه يشرب فنجال واحد بيناتهم
هههههه
تخيلو استاد ما يعرفش يعمر الشاك ؟؟؟
ولادهم يشفوني ، البخل يا لطيف

و لي راهو يشكك في اني متفوقة ولا لالا ؟
الحمد الله ، اجتهد وزيد نصحح للاستاد (الحابسين بالتاكيد )
والحاجة الاخرى
الاستاد جايحين من نهار دخلت وهو يضربو لي في الشيتة كي عاد بابايا مسؤوول ههههه من الابتدائي ، للمتوسط ل ثانوية و ان شاء الله الجامعة تاني

(مع احترامي لاساتدتي نتاع الرياضيات والعربية و الانجليزية (المتوسطة ولو انه تنطبق عليهم بعض ما ذكرت مثل البخل

يااو انتي الي تغيضي يا المتفوقة يلي كاتبة اقامتك مدريد واسبانيا وحابة تعيشي تماك يابنت قسنطينة افتخري بكونك جزائرية

وماناش ناسيين فضائحك ومواضيعك المتعفنة بافكار الغرب وكلامك عن الجنس يا المتفوقة وبنت المسؤووول الي مراباكيش

جاية تهدري على المعلم والاستاذ ومالغري وش يكون اخر وحدة تهدر عليه انتي روحي عالجي روحك

وتفكري مواضيعك المحذوفة تعرفي روحك وشكون انتي

XicaWapa · 2012-08-13, 22:19

اقتباس:

المشاركة الأصلية كتبت بواسطة سارة البوسعادية

يااو انتي الي تغيضي يا المتفوقة يلي كاتبة اقامتك مدريد واسبانيا وحابة تعيشي تماك يابنت قسنطينة افتخري بكونك جزائرية

وماناش ناسيين فضائحك ومواضيعك المتعفنة بافكار الغرب وكلامك عن الجنس يا المتفوقة وبنت المسؤووول الي مراباكيش

جاية تهدري على المعلم والاستاذ ومالغري وش يكون اخر وحدة تهدر عليه انتي روحي عالجي روحك

وتفكري مواضيعك المحذوفة تعرفي روحك وشكون انتي

لا للجهوية
انا بنت قسنطينة ، بصح نروح لغران بيا "براود واي اسبانيول في مدريد ، اسبانيا علابيها كاتبة هكا ووين راه المشكل ..؟؟

زيد نفتخر بلي جزايرية ولا لالا ... عندك مشكل تاني .؟؟
والقومية هادي ما عندها حتى معنى
نتاع
انا جزائري وافتخر ، انا قبائلي وافتخروانا عربي ، انا بوسعادية وافتخر ههههههه

وحنا نحكيو في بلاسة وانتي في بلاسة

ربي يهديك هادا ما نقولك

سارة البوسعادية · 2012-08-13, 23:08

اقتباس:

المشاركة الأصلية كتبت بواسطة xicawapa

لا للجهوية
انا بنت قسنطينة ، بصح نروح لغران بيا "براود واي اسبانيول في مدريد ، اسبانيا علابيها كاتبة هكا ووين راه المشكل ..؟؟

زيد نفتخر بلي جزايرية ولا لالا ... عندك مشكل تاني .؟؟
والقومية هادي ما عندها حتى معنى
نتاع
انا جزائري وافتخر ، انا قبائلي وافتخروانا عربي ، انا بوسعادية وافتخر ههههههه

وحنا نحكيو في بلاسة وانتي في بلاسة

ربي يهديك هادا ما نقولك

اعتز ببوسعادة لانها قطعه من الجزائر يكفيني شرف انني جزائرية

ورحت فرنسا ورحت سوريا ورحت تونس لكن عمري مانكتب مكان اقامتي غير بوسعادة الجزائر الله غالب بلادي وعليها حق عليا هكذا علموني المعلمين والاساتذةالي افتخر بيهم

وماخرجتش عن الموضوع راني في صلب الموضوع والقومية التي لاتعني لك شئ تعنيلي اشياء
اي مكان على وجه الارض نروح ليه نقول مسلمة اولا جزائرية تانيا ماشي وين نروح ننسى اصلي وفصلي وجذوري
ومخلوعه في الاسبان نتاعك بلاد الكفر
الي اصلا مش مستعرفين لا بلعرب ولا بلمسلين مي الله غالب كاين شئ عباد يحبو التعفاس ويعجبهم

اقراي ما بين السطور علك تفهمي

سلام يا مولات مدريد