نـــــصائخ للــ¢ــمقبلين على شهادة البكــ}ـالوريا 2013 ¶ - الصفحة 2

JACKLINNE · 2012-07-31, 19:12

خويا يعطيك الصحة والله ليامات هاذو راني نشوف في الناس غير مع لي كور ولقراية حتى خوفوني من الباك وعدت نقول ماراحش نجيب مليح كيعاد هما الصيف كامل يقراو وانا مازال مابديتش
وعندك الحق مع الصحابات العام هذا يبانو صح ...
بارك الله فيك ^^

shy'n · 2012-07-31, 20:21

اقتباس:

المشاركة الأصلية كتبت بواسطة yalova

نـــــصائخ للــ¢ــمقبلين على شهادة البكــ}ـالوريا 2013 ¶
السلام عليكم أنا عندي عدة نصائح ....
1- لا دراسة في الصيف ومن قال غير ذلك فقل له ادخل لمستشفى المجانين
2- أنصحكم بالابتعاد عن الأصدقاء غير المقربين وأعني هنا الزملاء في القسم يعني على الأكثر اذا كنتو حابين تخالطو خالطو لي يعقد معاكم وبس .... نقطة انتهى ممكن راكم تقولو وشبيه هادا راهو يقول هكذا مي أنا نقلكم في هذا العام تكتشفو شكون هوما لي زامي تاع الصح ... دك تشوفو يولي كل واحد يحب غير صلاحو وكي تدي نقطة مليحة يقعدو غير يشوفو معاك و يحسدو فيك.

اني جد موآفقة معك قضية الزملاء أنا في الاكمالية كانوا يحسدوني و يقولوا بلي معدلاتي بالرشوة و المعرفة لكن الحمد لله صبرت على ذلك الى غاية الشهادة ة اخذت اعلى معدل باه طفاوا شوية . . . لكنه شيء يحزنني......لا وجود للصداقة من ايامنا هذوا

شكرا لنصائحك

enemi onam · 2012-07-31, 22:55

Mrc Bcp Khoya Pour Le Conseil Rabi Yhafdak

yalova · 2012-08-01, 12:46

شكــــــــــــراا لكل من رد على الموضوع
أمــــــــا بالنسبة لمن لديه استفسارت سأوافيكم بالشرح في القريب العاجل
دمتم بود ..... ♥

yalova · 2012-08-01, 18:31

أيــــــــــــن ردوود البقية ؟

yalova · 2012-08-02, 00:59

*=== (( ما يلفظ من قول إلا لديه رقيب عتيد )) ===*

شهيستة · 2012-08-03, 13:13

- لا دراسة في الصيف ومن قال غير ذلك فقل له ادخل لمستشفى المجانين
عندك الحق قراية الصيف شكيييل و ضياع وقت .. بصح راني حابة نعرف واش يقراو

2- أنصحكم بالابتعاد عن الأصدقاء غير المقربين وأعني هنا الزملاء في القسم يعني على الأكثر اذا كنتو حابين تخالطو خالطو لي يعقد معاكم وبس .... نقطة انتهى ممكن راكم تقولو وشبيه هادا راهو يقول هكذا مي أنا نقلكم في هذا العام تكتشفو شكون هوما لي زامي تاع الصح ... دك تشوفو يولي كل واحد يحب غير صلاحو وكي تدي نقطة مليحة يقعدو غير يشوفو معاك و يحسدو فيك.

هادي راني معاااك فيها 100000 .. انا صراتلي السنة مي طاحو معامن يلعبو .. راح تشوفو ناس المصلحة .. الغيارين .. اللي ما يقولوش وين يديرو ليكوغ .. ما بقولوش مين راهم يحفظو..ناس تبات ساهرة حتى ل 3 تاع صباح وكي يلقاك يقوللك ما قريت والو ..

fifi 18 · 2012-08-03, 15:33

بارك الله فيك على نصائحك القيمة
انا معك بقوة في قضية الأصدقاء و انا كنت مقتنعة بهاد المبدأ من قبل و الحمد لله انت اكدت مبدأي و اسأل المجرب ما تسالش الطبيب
و اكيد انو الباك يلعب على نفسية الطالب و المتميز هو اللي يدي الباك و يغلبو في عقله اولا
مشكوووووووووووور على النصائح فتح الله لك

yalova · 2012-08-03, 15:36

اقتباس:

المشاركة الأصلية كتبت بواسطة شهيستة

- لا دراسة في الصيف ومن قال غير ذلك فقل له ادخل لمستشفى المجانين
عندك الحق قراية الصيف شكيييل و ضياع وقت .. بصح راني حابة نعرف واش يقراو

2- أنصحكم بالابتعاد عن الأصدقاء غير المقربين وأعني هنا الزملاء في القسم يعني على الأكثر اذا كنتو حابين تخالطو خالطو لي يعقد معاكم وبس .... نقطة انتهى ممكن راكم تقولو وشبيه هادا راهو يقول هكذا مي أنا نقلكم في هذا العام تكتشفو شكون هوما لي زامي تاع الصح ... دك تشوفو يولي كل واحد يحب غير صلاحو وكي تدي نقطة مليحة يقعدو غير يشوفو معاك و يحسدو فيك.

هادي راني معاااك فيها 100000 .. انا صراتلي السنة مي طاحو معامن يلعبو .. راح تشوفو ناس المصلحة .. الغيارين .. اللي ما يقولوش وين يديرو ليكوغ .. ما بقولوش مين راهم يحفظو..ناس تبات ساهرة حتى ل 3 تاع صباح وكي يلقاك يقوللك ما قريت والو ..

شكــــــــــــرا أختي على الرد
البقية كما قالت و أضافت هذه الأخت الفاضلة تمـــــــــــــا ـما، الغاشي كامل تولي تشكي ب ربــــــا
المهم يا أيها المقبلين على الشهادة واش نقولكم راهو يستنا فيكم عام صعيب بزاف بزاف بـــــــــــــــــــزاااف نفسيا اجتماعيا دراسيا من جميع الجوانب مــالا أعدوا العدة وبالتوفيــــــق

yalova · 2012-08-03, 15:38

اقتباس:

المشاركة الأصلية كتبت بواسطة fifi 18

بارك الله فيك على نصائحك القيمة
انا معك بقوة في قضية الأصدقاء و انا كنت مقتنعة بهاد المبدأ من قبل و الحمد لله انت اكدت مبدأي و اسأل المجرب ما تسالش الطبيب
و اكيد انو الباك يلعب على نفسية الطالب و المتميز هو اللي يدي الباك و يغلبو في عقله اولا
مشكوووووووووووور على النصائح فتح الله لك

نعم أختي الكريمة بالفعل الباك يلعب على نفسية الطالب
ارهاق ما بعده ارهاق
ربي يعين لي مازال ما فوتوهش، ودوك يجربوا ويفهمو واش رانا نقولواا

crazy rock girl · 2012-08-03, 16:38

الله يحفظك خويا عند الحق في كل شي قلته و سيرتو النصيحة 2 انا جربتها كي ديت 18 في الرياضيات
بغاو ياكلوني و الله غي ربي و انا نتقاتل معه مبففف و من تم ديسيديت باش منخلط في حتى واحد
و الله يبعد علينا المحسادين هادا منقولو و ربي يخليك

michaniq · 2012-08-03, 16:45

merciiiiiiiiiiiiiiiiiiiiiiiiiiiii

BeauTiifuL sOuL · 2012-08-03, 18:00

بـــآاركـ الله فيكـ أخـــي

yalova · 2012-08-03, 19:53

*=== (( ما يلفظ من قول إلا لديه رقيب عتيد )) ===*

شهيستة · 2012-08-03, 22:29

السلام عليكم
صح فطوركم
فكرني الموضوع و القسم ككل بالعام اللي فات كي كونا كامل حابين نحضروا للباك ب 3 اشهر قبل ..ونحوسوا شكون ينصحنا وعلى داك ما حبيتش نبخل عليكم بمجموعة من النصائح زيادة على واش قلت من قبل - -- يلا سماحلنا الاخ صاحب الموضوع---

بداية نبداو بالوقت اللي رانا فيه.. و صحاب الدروس الخصوصية ..نقوللكم اخطيكم خطرش تضياع وقت و مال كونو متاكدين العام الدراسي راح يكفيكم و زيادة وبزاف ناس مادرتش الدروس الخصوصية في العام و جابو الباك.. ونبهكم بلي الدروس الخصوصية في وسط العام راحين يدولكم كامل الوقت تاع week end.. امالا خلو الجمعة و السبت ليهم وشوية راحة

2- نجو للكراريس و الحوليات .. انا ننصحكم تحوسوا على كراريس قدم من دورك خاصة الفلسفة ت و ج وحتى الع شرعية و اللغات الاجنبية.. علاه ؟؟ لانو المواد الاخرى لغتها علمية متتبدلش بصح لخرين قادرين تجيبو منهم عبارات تعابير قادرة تاثر على المصحح -- وقادرين حتى تحفظوها منها في الامتحانات باش تجربو--- ..وما تكتروش المراجع عليكم لخطرش راح يضيعلكم الوقت في البحث -- عن تجربة-

وحدة من الناس كان عندي : الموجه السبيل الوافي و تاع للوزارة في العلوم...... السبيل زاد البيان و تاع الوزارة في الفيزياء ... الجديد و تاع الوزارة في الرياضيات ... السبيل المجتهد الممتا ز مستقبلي ومراجع اخرى في الفلسفة اضافة الى حوليات شاملة لجميع المواد ..وما قريتش منهم كامل كنت نعتمد على نصهم تقريبا و لخرين حتى للاختبارات و نحل منهم

3- القراية في الباك راح تبانلكوم صعيبة في البداية بصح مع المراجعة اليومية و اليومية راح تولفو ..وقادرين تشوفو نقاط في حياتكم ما شفتوهاش بصح تكون دافع باش تزيدو تخدمو كتر.. و مديروش المعدلات الفصلية مقياس لمستواكم ..لخطررش يلا ديتو مليح راح تولو مغرورين و تتهاونو و يلا ما ديتوش تقطعو لياس و تقولو صايي الباك راح .. معدل الباك قادر يزيد ولا ينقص على واش جبتو

4- الحرب النفسية راح تلعب دور كبير في عامكم .. من العائلة.. من القسم .. من الناس كامل .. بصح ليك تكون عندكم ثقة كبيرة بقدراتكم وقادرين تجيبو نتائج ما كونتش حتى تحلمو بيها ههه ..ما تعطوهمش اهمية وخاصة الي يقولك الباك صعيب ..انا نهار حطولي الموضوع تاع الرياضيات -- المادة الي كنت نخاف منها-- ما امنتش راني في باك tellement كان ساهل ..الباك راهو ساهل كتر من اللي تصوروا لكن التحضير الجيد

5- في القسم .. الباك يبنلكم الصاحب الصحيح .. واللي يبغي مصلحتو واللي يغيير .. واللي ما يبغيلكش الخير ..واللي يبغيلك الخير
راح تشوفو ناس تجيبب و تدي و photo copie دايرة حالة و ما يحبوش يعطوك تدير عادي .. ننصحكم ب "ما عنديش و ما يخصنيش" ولا " البراكة في القليل" .... احرزوا رواكم من الخلطة يلا قاويتو لصحاب ما تفراش

6- الاهم واللي جربتو هو الثقة في ربي سبحانو..كثروا الدعاء و اطلبوا الاعانة و الصبر ..اقراو واش تيسرلكم من القران....- سر نجاحي و راحة نفسيتي و الله .. وما تقولوش ما كانش الوقت لوكان غير 5 دقائق .. فيها اجر

ان شاء اله ربي يوفقكم كامل و تنجحوا بالمعدلات اللي راكم حابينها .. واتبشرونا كيما اليوم بنتائجكم

سلام