اطباقي الرمضانية المتواضعة اتفضلو - الصفحة 2

ميرثا · 2012-07-28, 12:44

الله يبارك
بصحتكم وربي يدومها نعمة
وربي يحفظك ويكملك بفحوليتك حبيبتي

صحفة فطوورك

it's me · 2012-07-28, 12:46

chatra allah ybarek
a3tili la recette ta3 tajine pommz de terre stp 3jabni habit ndirou

omanis · 2012-07-28, 14:40

اقتباس:

المشاركة الأصلية كتبت بواسطة fifiarch

الله يسلمكم

ايه يا ام انيس راني عجوزة كوزينة
انا لي نطيب
ماما تعمل غير الكسرة برك

الله يبارك راكي شاطرة ما شاء الله امراة و نص تتكل عليك و تخافش
قبل ما نتزوج كي كنت نطيب هكدا نقولهم زوجوني و ما تخافوش عليا هههه

ام احمد الغالي · 2012-07-28, 14:58

بالصحة والشفاء فيفي يشهيوووووووووووو ناقصك غير ملوخية ناس تبسة

remadna · 2012-07-28, 15:11

الله يبارك
بالصحة و الهناء

ام مريم الجزائرية · 2012-07-28, 16:29

يعطيك الصحة اطباقك كلها رائعة

ام ولي · 2012-07-28, 16:37

بارك الله فيك اختي ممكن وصفة طاجين البطاطا من فضلك

fifiarch · 2012-07-29, 00:18

الف شكر اخواتي على التشجيعات
يعطيكم الصحة

بالنسبة للبيتزا
نعملها كيما نتاع ام رامي
غير واش مانحشيهاش نعملها نورمال
وهنا رابط الhttps://www.djelfa.info/vb/showthread.php?t=962415وصفة

اما عن طاجين البطاطا كما يلي

بصل مفروم وثوم وملح وتوابل وفلفل اكحل و كمون ونقلوهم مع بعض ومبعد نمرقو
لما يغلي المرق نضيف كريات اللحم المفروم
لي كنا تبلناهم مليح واضفنا ليهم الحشيش مقطع وبيضة وشوي خبز مرحي
ونخلوهم يطيبو وماتنساوش الحمص
بعدين نجيب بطاطا حسب الافراد
ونقطعها مكعبات
لما يطيب اللحم والحمص
ننحوهم من المرق
ونحطو البطاطا
لما تطيب البطاطا
ننحوها ونحطوها في بلا نتاع الفور
ونضيفولها فرماج مقطع
وحشيش مقطع
وبيضات انا هنا استعملت اربعة بيضات
نتبلو البيض ونملحوه ونخلطو مليح
ونحطو الطاجين يطيب
نرجعو اللحم والحمص للمرقة
ونخلوها تغلي شوي
راح تخثار لانو طابت فيها البطاطا
ومبعد نخرجو الطاجين كي يحكم روحو ونسقوه بالمرقة

وبصحتكم اخواتي

rayen73 · 2012-07-29, 09:24

baraka Allah fiki ...

الأمنيات · 2012-07-29, 11:44

يا اختي تاكلوا كامل هاذاك اراه كثير .................والله انا من الحليب والحريرة لا استطيع ان اضيف شيئ
بارك الله فيك على التنوع

nafla · 2012-07-29, 12:34

rim39 · 2012-07-29, 12:46

ماكلات روعة ممكن وصفة لي صوشون المقليين

أم الخير2 · 2012-07-29, 12:53

واو الله يبارك أختي أطبآق تشهي
ماشاء الله عليك
معليش نتعب ختي شوية وتعطيني كيفاش خدمت لي شوصون مقليين
وشكرآآآى

fifiarch · 2012-07-29, 18:57

اقتباس:

المشاركة الأصلية كتبت بواسطة الأمنيات

يا اختي تاكلوا كامل هاذاك اراه كثير .................والله انا من الحليب والحريرة لا استطيع ان اضيف شيئ
بارك الله فيك على التنوع

مساء الخير
اختي هاذ الاطعمة نتاع يومين
نجمل مجموعة ونحطها مرة وحدة
صح فطورك

fifiarch · 2012-07-29, 18:58

مشكوووورين اخواتي على التشجيعات يعطيكم الصحة
صح فطوركم
بالنسبة للاخوات لي طلبو وصفة لي شوصون بعدين ان شاء الله ننزلها
انا جربتها مقلية وطايبة في الفور
طايبة في الفور احسن جات هايلة
طيبتها امس وصورتها مبصح مازال مانزلتها
مبعد ان شاء الله نحطها