نادمة لاختيري سعدوني - الصفحة 2

widade1993 · 2012-07-25, 14:17

اقتباس:

المشاركة الأصلية كتبت بواسطة حبة ملفاي

أختي الهندسة المعماري هل هي المدرسة العليا بالجزائر العاصمة أو لا

و الصناعات الكيميائية الله أعلم قصدك تاع سكيكدة

انا حسب رأي ديالي الهندسة المعمارية افضل حتى لو كانت ليس المدرسة العليا و الله اعلم

لا مش مدرسة عليا في جامعة وانا نميل لرايك انو الهندسة احسن

badid5 · 2012-07-25, 15:24

السلام عليكم أنا أيضا أعاني من نفس اللمشكل الذي تعانيها الأخت وداد ، أنا أيضا أعطوني هندسة معمارية في باتنة لكنني لست مقتنعا بها و أنا متحصل على البكالوريا بـ 12.88 علوم تجريبية أتمنى أن تساعدوني

taha titou · 2012-07-25, 15:28

5ti wlah 5osoa btom les filles ylikilkom prof exp eng wla fren sadkini matindmish

widade1993 · 2012-07-25, 16:39

رح نقبل بتخصص هندسة معمارية لكن مش حابة نندم لاني رح ندير ترونسفار اما نغير التخصص او نبقى هندسة معمارية بصح نبدل لباتنة وش رايكم؟

حمزة 7 · 2012-07-25, 17:03

يا جماعة لي يسمعكم تهدروا يقول الهندسة معمارية قاع كاريثة
علاه تصعبوا فالامور
بخصوص الهندسة المعمارية تخصص مليح و ممتع و في نفس الوقت ما نكدبش عليك في les nuites blànches
بصح مشي حتى لنم مكاش حاجة ساهلة
و بخصوص تقني سامي عندهم الصح دروك راها ل م د يعني 3 سنين ليسانس بصح تزيد عامين وتدي ماستر و تقني سامي وتخدم بها وين مابغيت

حمزة 7 · 2012-07-25, 17:06

و باه يكون في علمك
انا طالب هندسة معمارية وعمران سنة ثانية وهران

ريمة07 · 2012-07-25, 17:07

أختي نصيحتي ليك خليك منهم في زوج
عندك بزااف اختيارات علاش اكي حاصلة في هادو برك

widade1993 · 2012-07-25, 17:15

اقتباس:

المشاركة الأصلية كتبت بواسطة حمزة 7

يا جماعة لي يسمعكم تهدروا يقول الهندسة معمارية قاع كاريثة
علاه تصعبوا فالامور
بخصوص الهندسة المعمارية تخصص مليح و ممتع و في نفس الوقت ما نكدبش عليك في les nuites blànches
بصح مشي حتى لنم مكاش حاجة ساهلة
و بخصوص تقني سامي عندهم الصح دروك راها ل م د يعني 3 سنين ليسانس بصح تزيد عامين وتدي ماستر و تقني سامي وتخدم بها وين مابغيت

معنديش مشكلة في التعاب لانو اي شي في الحياة مش ساهل مهما كان وانا ميهمنيش الي يقولو مكانش خدمة في اي تخصص كان لانو الرزق بيد ربي وحدو
ان شاء الله نتوكل على ربي ونقراها

widade1993 · 2012-07-25, 17:16

اقتباس:

المشاركة الأصلية كتبت بواسطة ريمة07

أختي نصيحتي ليك خليك منهم في زوج
عندك بزااف اختيارات علاش اكي حاصلة في هادو برك

هذو هوما الي مايلة ليهم اكثر شي بصح الحمد لله راني قررت نقرا هندسة ونعاود الباك لاني ان شاء الله قادرة نجيب اكثر

ريمة07 · 2012-07-25, 17:19

ان شاء الله ربي يوفقك

mina soussou · 2012-07-25, 18:12

اتكلو على ربي وماتخافوش

mina soussou · 2012-07-25, 23:21

اقتباس:

المشاركة الأصلية كتبت بواسطة widade1993

صح هي صعيبة بزاف بصح مليحة ومكانش قراية ساهلة والله راني متحيرة بزاف خاصة انو الوقت ضاع وعطاوهالي وفرات بصح مش حابة نندم في المستقبل راني نخمم نعاود الباك لاني قادرة نجيب اكثر من هك كان عندي شوية روف اثرو عليا ايام امتحان الباك وجبت معدل صغير معدلي هو 13,41 شعبة تقني رياضي اعطاوني خيارات بزاف بصح هاذ الزوج هما الاقرب والانسب لمعدلي والله اعلم
نتمنى تنصحيني

و الله انصحك بشعبة الرياضيات و الإعلام الالي و لما تنتقلي السنة الثانية تختارين اما رياضيات واما اعلام الي
أو اللغة الانجليزية أو اللغة الفرنيسية إذا كان معندكش مشكل مع مهنة التعليم

هذي نصيحتي وزيدي
فكري مليح بعقلك مزالك شوية وقت
و ربي يوفقك و يجيبلك الخيار لي فيه الخير و ما تخافيش ما دام صليتي صلاة الاستخارة أكيد ربي رايح يقدرلك الشعبة لي فيها الخير ليك و لغيرك
سلام

selma 1993 · 2012-07-27, 00:00

سؤالي للاخت الي قالت ننصحك برياضيات واعلام الي من فضلك قوليلي علاه نصحتيها بيها يعني وشنهي هو الشي الي خلاك تقتارحي هاد التخصص
ارجو منك الاجابة

asma biologiste · 2012-07-27, 12:52

بالتةفيق ليك ان شاءالله

hatemkavi · 2012-08-14, 16:04

انا ثاني نفس المشكل عطاوني هندسة معمارية في قسنطينة و راني رايح ندير ترونسفار لصناعات بيتروكيميائية في سكيكدة لانها شعبة ممتازة و ماشي صعيبة و زيد الخدمة ماهيش في الصحراء بالعكس تخدم في العاصمة ولا سكيكدة او عنابة لانو تكرير البترول في الشمال و انا ننصحك الاخت ديري ترونسفار لبيتروشيمي خيرلك