المقابلة مع اللجنة - الصفحة 2

لمياء82 · 2012-07-16, 19:28

اقتباس:

المشاركة الأصلية كتبت بواسطة omamani

ممكن الان تحول الامر للدراهم اكثر من الاغراء الجسدي ,لانو في وقتنا هذا الاغراء ما عندوش معنى الناس كلهم عري,واللحم عاد غلى من النسا ولكن تبقى الشكارة وحنا شكارتنا عند ربي سبحانو حافظنا بيها

لا حول ولا قوة الا بالله

omamani · 2012-07-16, 20:40

هرم وزارة التربية نعرفوه دائما وابدا لان الوزارة مكتوبة في شهادة الميلاد نتاهو بصح شكون وزير التعليم او بالاحرى كي دارو القرعة تاع الوزارات شكون اداها ,راني خارج مجال التغطية من 2007 كي ما نجحتش قطعت الدباوم وكل وثائقي الثبوتية وزوجت وجبت فيها وليدات وراجل زين وتنهى الفرطاس من حكان الراس وضك وليت حلبة ننجح بالاقدمية و من بعد نفكر لا نفحتلي نلتحق ولا مانفحتايش نخليها للاحتياطي اللي عندو الاولوية وكي سبقاتو الشكارة سكتوه بالاحتياطي وعندي شوي معارف بصح بلا شكارة حشيشة فوق عشاء

bachircharif · 2012-07-16, 20:56

أنا قريت العام ليفات في احدى الجرائد في مسابقة التوضيف بولاي سوق اهراس الله اعلم تتخيلو واش سالها .قالها تعرفي تشطحي ولا متعرفيش ؟والادهى من دالك بدا يطبل في المكتب ويقولها هزينا شويه .والله كيما راني نقول..............

omamani · 2012-07-16, 21:23

يا لطيف؟؟؟؟؟؟

omamani · 2012-07-16, 21:26

هذه المشكلة والحل تاعها الوحيد االمسابقة تكون في قسم بحضور جميع مع اللجنة على الاقل واحد ما يحسش بانو ملطشة بين ايديهم

لمياء82 · 2012-07-16, 21:45

جوزت العام لي فات في قاعة كان الكل جالس فيها ولي تلحق دالتو يتقدم للامام وسارت بنفس الطريقة كانت استادة وحدة تجوزنا ولا مانيش عارفة واش تكون المهم ماشي بعيدة علينا بزاف فلعمر وكان التمسخير على راسو لي تقولو روح تفلح عالاه جيت ولي تقولها روحي تتعلمي الطيبي ماشي خير.....وهكدا مرت المقابلة الى ان جاء واحد بولحية تسقمت شوية وماشي بزاف

**د لا ل** · 2012-07-16, 22:11

انا سمعت مرة سقساو وحدة
شحال من بقرة عندكم في الدار باعتبارها من سكان الارياف

وتعرفي تحلبي ولا لا ؟

....الخ

لمياء82 · 2012-07-17, 08:52

كل شئ ممكن في بلادي
الا انو فيه اشياء تباننا تافهة لكنها دات قيمة عند المقابلة حكالي واحد من عائلة زوجي في فرنسا انه كان الفائز بالمنصب الوحيد لانه عندما دخل القاعة لم يجد احد ووجد داخل الغرفة طاولة وكراسي واد منها فقط بعيد على الطاولة ولخرين داخلين تحتها ما قعدش فلي مجبود وانما جبد واحد مقابلو وقعد على عكس كل من دخل قبله اد يتجهون مباشرة الى دلك الكرسي وهو مخصص للجنة(مع انو قالي والله مادرتها بالعاني يعني بالصدفة-ماعجبوش الكرسي-)لكن تفاهة الاسئلة هنا تعدت الحدود

لمياء82 · 2012-07-17, 08:53

وحدة سقساوها شحال من قفلة في حجابك

زواوي22 · 2012-07-17, 09:03

الله يوفق الجمبع

ريمة07 · 2012-07-17, 09:21

المقابلة راهي شكلية برك

الناجح عارف روحو و الخاسر عارف روحو

اختي اقعدي بالطريقة الي تريحك و تساعدك

ما تخافي ماوالو

هوما أصلا مايشوفوش طريقة الجلوس ماتهمش بزاف يشوفو طريقة هدرتك و أفكارك

و الصراحة انا ماتهمنيش اللجنة خلاص لأنهم يمتسخروا

وحدة تحكيلي قالولها انت من اي بلدية و مبعد قالولها روحي

تمسخير كبير