آآآآآآآآآآآه منكـــنّ يا بنــات حــوّاء !!!!!

[ترنيمة الأمل]

يا إخوتي ,,

لماذا يقع اللوم كله على الزوجة ,, ؟؟

انا من وجهة نظري الزوجة عندها حق

لأنو الزوج راهو يشوف للدين

وهذا واش غايضه ؟؟

لكن على اعتبار انو الدين ماكانش .. بصراحة هل كان رايح يتحسس من مناقشتها للتقسيم نتاعو هكذا ؟؟؟

والزوجة عندها حق انها تطالب بالنصف ,, .

لأنو اولا المسؤوليااات كلها على كاهل الرجل حب والا كره

هي راها تخدم لكن لو تحب ما تشارك بحتى فلس في المصروف فهذا حقها ,,

يعني لو تريد المرأة انو تخبئ مدخولها او توجهه للتصرف به في جهة معينة الله يسهل عليها والزوج هنا ليس له حق الاعتراض ,,

واذا يقول الزوج : لا يلزم تشارك لأنني انا من تركتها تعمل ..

يا أخي وانت شكون قالك تزوج بامرأة عاملة ... ؟؟

كون ديتها ماكثة في البيت .. والا تزوجت بيها طمعا في مالها .. ان كان كذلك ,, فصراحة بئس التفكير هو ,...

هاذي أولا

وثانيا : الزوج ماراهش يشوف الشغل الي على الزوجة في البيت

يعني هي راها تقوم بأعمال هو لا يشعر بأهميتها ,,


وهذه الأعمال هي السبب في مطالبتها للنصف ..


وأخيرا ,., حبذا لو ناقشنا القصة بموضوعية اكبر

هذا رأيي

آسفة على الإطالة


بوركتم

[ترنيمة الأمل]

صحا

اوانا كي نتزوج بيها و نخسر 60او 70 مليون


و امبعد تمرض

او تصرالها حادث

او تموت

شكون يضمن لي و يرجعلي خسارتي تاع العرس؟؟؟؟



انا ثاني لازم نضمن بلي ماتموتش و إذا ماتت تعطيني باش نتزوج مرة ثانية

و نضمن مستقبلي بعد وفاتها لاني مانفدرش نجيب 70 مليون اخرى؟؟؟؟

الله يهدينا و يثبتنا


اللهم إنا نسألك الشفاء العاجل لاختنا زينب

اللهم آمين ,,

اللهم رب الناس أذهب الباس واشف انت الشافي لا شفاء إلا شفاؤك شفاء لا يغادر سقما ,,

امممممممم

يعني لافار دراهم والا كيفاش ؟..

ما فهمتش

يا اخي راك تقول خسارتي نتاع العرس ,,

يعني انك تفكر في خسارتك للأموال ,, على أن تفكر بأن تعيش أيامك مع امرأة اخترتها برغبتك وارادتك

ولو ديتها بمليار ,,

مافيه أحسن واهنأ للبال من امرأة مطيعة ومتدينة


هدانا الله

[عُضو مُحترم]

المشاركة الأصلية كتبت بواسطة ترنيمة الأمل

امممممممم

يعني لافار دراهم والا كيفاش ؟..

ما فهمتش

يا اخي راك تقول خسارتي نتاع العرس ,,

يعني انك تفكر في خسارتك للأموال ,, على أن تفكر بأن تعيش أيامك مع امرأة اخترتها برغبتك وارادتك

ولو ديتها بمليار ,,




هدانا الله

شكرا لك اختي

هههه انا ارد على النساء بالتفكير بنفس منطقهن


شكون يرجعي 70 مليون تاع العرس بعدما تموت هي؟؟؟؟

بما انها تفكر في موتي قبل ماتتزوج اصلا


أفار مادة طبعًا


===============

يرحم ذيك اليد لي كتبت


"""مافيه أحسن واهنأ للبال من امرأة مطيعة ومتدينة """

اوانا هذا واش نحتاج

الهنا و راحة البال و الدين و حًسن المعاملة

لا دراهم و لا شهرية و لا تقاعد و لا غيره


ربي يشفي اختنا زينب و يعافيها

[س..ع..ي..د]

المشكل انو هذا المال واش راح يعملو بيه ؟

ياك راهم عايشين مع بعض يعني راح يستفيدو منو لثنين هو يدي واش يحتاج وهي تدي واش تحتاج والباقية يشروها ثاث للمنزل او اي شئ اخر...

يعني الزوج+الزوجة = لثنين غالطين ونظن ونتمنى نكون خاطئ انو الزواج نتاعهم ايامو معدودة. لانو الجيب الرجل يساوى زوجته ...وهكذا ودارو مشكل وصل للانترنات فمبالك اذا وقعت مشاكل اكبر واكثر !


ملاحظة :
اذا كان الرجل راتب نتاعو مليح وعلاش مرتو تخدم !
من المفروض مستقبلها = مستقبل زوجها ومدام قادر يعيشها وعلاش يخليها تخدم !

!

[إكرام ملاك]

فعلا الموضوع جد مشوق وانا اقرأ الردود


اعتقد ان لا فرق بين اموال الرجل والمرأة فكلاهما واحد


يعملان من اجل تربية الاطفال والعيش الكريم


و اقتراض (كلمة عير مقبولة عندي) مبلغ من المال من احدهما الى الاخر


لا يحتم ظهورمشاكل طالما ان الزوج صرف المال من اجل حاجة تخص الدار والدراري


وربي يجيب الخير بيناتهم

[ترنيمة الأمل]

شكرا لك اختي

هههه انا ارد على النساء بالتفكير بنفس منطقهن


شكون يرجعي 70 مليون تاع العرس بعدما تموت هي؟؟؟؟

بما انها تفكر في موتي قبل ماتتزوج اصلا


أفار مادة طبعًا

===============

يرحم ذيك اليد لي كتبت


"""مافيه أحسن واهنأ للبال من امرأة مطيعة ومتدينة """

اوانا هذا واش نحتاج

الهنا و راحة البال و الدين و حًسن المعاملة

لا دراهم و لا شهرية و لا تقاعد و لا غيره


ربي يشفي اختنا زينب و يعافيها

اممم

العفو خيوو محترم

لكن قلت نرد بنفس طريقة التفكير .. واش معناتها ؟؟

حنا نفكروا بالمادة

وشكون هاذي الي تفكر في موت واحد ناوي عليها قبل ما يتزوجوا اصلا ؟؟؟؟؟؟؟؟

اذا الزواج مادة ما يتزوجش العبد أحسن .. والا راني غالطة ؟؟


ونوافقك على الهنا وراحة البال هوما الأهم .. ولكن السؤال الذي يطرح نفسه .

المراة العاملة ما يقدرش زوجها يعيش معها في هنا وراحة بال ؟؟؟؟؟



************************

ربّي اولادك صح و خرّجيهم رجال و خرّجيهم نسا

باش كي تكبري و تعجزي و تمرضي تلقايهم في كتافك يرفدوك و يتهلاو فيك

ومستحيل تربيهم صح

وانتي تدي من حقهم فيك ...8 ساعات يوميا للعمل

هاذي نقطة لا أوافقك فيها بتااااااتا بتاااااتا

يعني الي ما عندوش اولاد كيفاش يصرالو


الواحد يشد في ربي ..

هذا ماكان

لكن انك تتكل على الاولاد فهاذي الي ماكانش منها

وزيد يا أخي شحال من ناس صالحين من صحابة وتابعين

وجاو عندهم اولاد غير صالحين .. وش معناتها ما عرفوش يربوهم والا واش ؟؟؟

الولد الصالح نعمة ولكن مش كامل الناس تتمدلهم ..

وانا سأدافع عن عملي ان شاء الله ولو كان سببا في أن اصبح حسب محكمة المجتمع ., بـــــــــــآيرة

واصلا عائلتنا تشترط على الخاطب انو يخلي البنت تخدم وتسوق وووووو يعني عندها حقوق ممكن انت تشوفها زايدة

لكن المراة عليها واجبات وفي المقابل عندها حقوق

اتذكر مرة

اختي جا يخطبها واحد

ابي قبلو من جميع النواحي خصوصا انو خدام وعندو بيت يعني ما شاء الله

وتقريبا تفاهمو على كلش لكن لما جات في العمل قال الخاطب الله غالب ما نقدرش نخليها تخدم

قالو ابي اذن ما نتفاهموش

ربي يجيبلها مكتوبها وانت تاني

---------------------

ههه

اخي محترم راني حطيت عينيا عليك

رايحة نولي كل يوم ندعي ربي أنو محترم يتزوج وحدة خدامة ان شاء الله

[عُضو مُحترم]

المشاركة الأصلية كتبت بواسطة ترنيمة الأمل

اممم

العفو خيوو محترم

لكن قلت نرد بنفس طريقة التفكير .. واش معناتها ؟؟

حنا نفكروا بالمادة

وشكون هاذي الي تفكر في موت واحد ناوي عليها قبل ما يتزوجوا اصلا ؟؟؟؟؟؟؟؟

من تطرح سؤال

كيف يكون مصيري بعد وفاة زوجي و هي لم تتزوج بعد؟؟؟؟؟

اذا الزواج مادة ما يتزوجش العبد أحسن .. والا راني غالطة ؟؟


وهذا ما اريد قوله الزواج مودة و رحمة

و اللي تخمم في موتي و مرضي قبل ماتتزوجني تبعدني خير

ونوافقك على الهنا وراحة البال هوما الأهم .. ولكن السؤال الذي يطرح نفسه .

المراة العاملة ما يقدرش زوجها يعيش معها في هنا وراحة بال ؟؟؟؟؟


انا لا لا اعيش في هناء و راحة بال


ما يخلينيش قلبي و عقلي نتقبل فكرة ان مرتي تخدم مع رجال و تتعامل مع رجال

مهما كان العمل الذي تعمله


************************






هاذي نقطة لا أوافقك فيها بتااااااتا بتاااااتا

يعني الي ما عندوش اولاد كيفاش يصرالو


الواحد يشد في ربي ..

هذا ماكان

ههههه بالصح انتي في البداية قلتي بلي الخدمة هي الضمان ما قلتيش يشد في ربي

لهذا ان قلت لك اسئلتك بعيدة على الدين

لان اللي يشد في ربي ما يخمم في حتى حاجة

لكن انك تتكل على الاولاد فهاذي الي ماكانش منها

وزيد يا أخي شحال من ناس صالحين من صحابة وتابعين

وجاو عندهم اولاد غير صالحين .. وش معناتها ما عرفوش يربوهم والا واش ؟؟؟


ماشي شرط

ولكن اغلبية اللي ربا اولاده


كبرو و تهلاو فيهم جحو بيهم و رفدوهم حتى توفاهم ربي و دفنوهم

الولد الصالح نعمة ولكن مش كامل الناس تتمدلهم ..


الولد هو صناعتك

انتي تصنعيه و تربيه صالح او انتي تربيه فاسد
وانا سأدافع عن عملي ان شاء الله ولو كان سببا في أن اصبح حسب محكمة المجتمع ., بـــــــــــآيرة

واصلا عائلتنا تشترط على الخاطب انو يخلي البنت تخدم وتسوق وووووو يعني عندها حقوق ممكن انت تشوفها زايدة

لكن المراة عليها واجبات وفي المقابل عندها حقوق

اتذكر مرة

اختي جا يخطبها واحد

ابي قبلو من جميع النواحي خصوصا انو خدام وعندو بيت يعني ما شاء الله

وتقريبا تفاهمو على كلش لكن لما جات في العمل قال الخاطب الله غالب ما نقدرش نخليها تخدم

قالو ابي اذن ما نتفاهموش

ربي يجيبلها مكتوبها وانت تاني




ربي يسهل و يسخر يا اختي

انتي حرة و اختك حُرة

ولكن هذا لا يعني انك صح و اختك صح و ابوك صح

و لا يعني اني ايضا صح مية مية

ليست كل قناعاتنا صح و ليست كل افعالنا صح

---------------------

ههه

اخي محترم راني حطيت عينيا عليك

رايحة نولي كل يوم ندعي ربي أنو محترم يتزوج وحدة خدامة ان شاء الله

شكرا لك اختي

ولكن حتى انا احببت فتاة و خيرتها وهي ايضا احبتني و فيها كل ما يتمناه الرجل في المراة

علم و ودين و أصل و خلاق و تربية و كل شيء ولكن لم نتفق في موضوع العمل

وكل واحد راح في طريق


و ان شاء الله لن تكون زوجتي عاملة

واذا تعمل تعمل مع النساء فقط

[أحدهم]

السلام عليكم

كنتُ أعتقد أن الزواج شراكة لا شركة تماما كما كنت أعتقد أن البيت الذي يجمع الزوجين

يُسمى بيت الزوجية لا البورصة .

يبدو أنني مخطئ في إعتقادي ....

[عُضو مُحترم]

المشاركة الأصلية كتبت بواسطة أحدهم

السلام عليكم

كنتُ أعتقد أن الزواج شراكة لا شركة تماما كما كنت أعتقد أن البيت الذي يجمع الزوجين

يُسمى بيت الزوجية لا البورصة .

يبدو أنني مخطئ في إعتقادي ....

بالنسبة لي الزواج مملكة

الزوج ملِك و الزوجة تكون خادمة له

الزوجة ملكة و الزوج يكون خادم لها

و الاولاد أمراء و الزوجين خادمين لهم

[أحدهم]

المشاركة الأصلية كتبت بواسطة عُضو مُحترم

بالنسبة لي الزواج مملكة

الزوج ملِك و الزوجة تكون خادمة له

الزوجة ملكة و الزوج يكون خادم لها

و الاولاد أمراء و الزوجين خادمين لهم

قد تُنعت وجهة نظرك الصائبة تلك بأنها إبحار في المثالية و تراني أرد وهل يروم الزواج غير ذلك ؟
هل يمكن أن يكون سجنا مثلا ؟ هل يمكن لأحد طرفيه أن يكون سجانا أو مسجونا ، سيدا أو عبدا
أبدا ليس ذاك هدفه ومتى تحول لذلك ، للأسف الواقع يأتينا بشواهد من ذلك فقد مغزاه ومعناه وحتى غايته .
شكرا لك .

[عُضو مُحترم]

المشاركة الأصلية كتبت بواسطة أحدهم

قد تُنعت وجهة نظرك الصائبة تلك بأنها إبحار في المثالية و تراني أرد وهل يروم الزواج غير ذلك ؟
هل يمكن أن يكون سجنا مثلا ؟ هل يمكن لأحد طرفيه أن يكون سجانا أو مسجونا ، سيدا أو عبدا
أبدا ليس ذاك هدفه ومتى تحول لذلك ، للأسف الواقع يأتينا بشواهد من ذلك فقد مغزاه ومعناه وحتى غايته .
شكرا لك .

صدقتَ
بارك الله فيك اخي

[بنت الحجاج]

كلاهما يُشبهْ الآخرْ


مادييْنْ

و لا يحقُ لأي أحدٍ منها التذمُرْ !!

[حقائب فرح]

الموضوع ليس موضوع اهانة او اذلال فاذا كان اجرته اكثر من اجرتها فلماذا زوجته تعمل .اما اذا اردت الانصاف فسانصف المراة والرجل لايحق له ان يطالبها بما شقت وتعبت عليه المهم انها تصرف مالها في بيت زوجها وليس بيت اخر

[*ألخيال*]

الســـــــلام عليكم

في يوم ما كان قلمه يغترف الحبر من نهر الدانوب،، ليكتب كثيرا في صفحات عدة.. يحزمها ويربطها بوصفات اخرى لشخص لا يقرأ ..
أو لآخر يرى ولا يدري ما الذي يرى-ليس التهاب سحايا..
ولكن تعلمت ان الكل ينتقد ويعلم موضع الألم ..

وان اخترعت حلا..وبعده افتخرت ..فلن يكون الا الاسبرين حتى انه يشمل الم اطراف الشعر ومضادات الافتراس ..

**مرور مجنون لعضو .....*سلام

[الحـ)حسام(ــقّ]

مثلما اتفقا منذ البداية على مساهمة كليهما في رأس المال كان من المفروض أن يتفقا أيضا على كيفية تقسيم العائدات والفوائد ،كما هو معمول به في الشراكة التجارية
إن جازهذا القول : لأن الشراكة الزوجية أكبر و أسمى بكثيرمن أي شراكة أخرى

وكيما يقولوا [ أوّلها شرط آخرها نور] على رأي خاوتنا المصريين