كون نجيب ""كونترا"" يقبلو؟؟؟؟ - الصفحة 2

MIWAKE · 2012-07-13, 20:08

وين تلقا البنت لي تحمل الشقا و التعب و تصبر و تتحمل حتى يفرّج ربي؟؟؟؟؟

هذاك هو السؤال اللي محيرني و ما لقيتش جواب

تحمل الشقا و التعب و تصبر و تتحمل حتى يفرّج ربي
يا اخي سمحلي هذا ما ولاش زواج هاذي حرب هدف من الزواج هو السعادة
وليس الشقاء و التعب و الميزرية
ههكذا لاتتزوج خير
واضيف الشيئ لا اعرف اي فتاة تتزوج بتشقى و تصبر بل تتمنى حياة سعيدة و مرتاحة لكن عندما تا تي في الحياة مشاكل لابد من الصبر
هاذي حاجة جديدة

محمد جديدي التبسي · 2012-07-13, 20:36

اقتباس:

المشاركة الأصلية كتبت بواسطة عُضو مُحترم

والله يا اخي انا ثقتي في الله كبيرة ولكن ثقتي في المجتمع شبه معدومة

وين تلقا البنت لي تحمل الشقا و التعب و تصبر و تتحمل حتى يفرّج ربي؟؟؟؟؟

هذاك هو السؤال اللي محيرني و ما لقيتش جواب

ههههه يا موح كيفاش ما نشوفش للجمال؟؟؟؟؟ لي عندو دراهم يدي الشابة

ولي ماعندوش ما يطمعش و لا كيفاش؟؟؟؟

والله مش مهم تكون شابة

المهم تكون تعرف ربي و تخاف منه فقط

ربي يوفقك و يحفظك

ربي يوفقك خويا ونقولك معلومة سيكون يوم سعيدا ذلك اليوم الذي أرى فيه موضوعا بعنوان: وجدت أمًّا لخولة "قول إن شاء الله وقريبا بإذن الله"

وين تلقا البنت لي تحمل الشقا و التعب و تصبر و تتحمل حتى يفرّج ربي؟؟؟؟؟

سؤالك صعب لكن انت ما عليك غير دير النية وتتوكل على ربي وتكون طيب وتحسّن علاقتك بربي والله لن يضيعك
الحياة الدنيا دار شقاء وتعب والراحة فيها قليلة لذلك الدنيا لن تستقيم لأحد
سواء عندو المال ولا ما عندوش
الفائدة في الدين والقناعة فقط
ربي يرزقنا وإياك الزوجة الصالحة

وردة أمل · 2012-07-13, 23:15

اقتباس:

المشاركة الأصلية كتبت بواسطة محمد جديدي التبسي

وفيك بارك الله أخي ياسين
انا نظن أن الثقة في الله ضعيفة + ثقتنا في أنفسنا قريبة من الصفر
+ انك تلقى الفتاة اللي ترضى بيك ومستعدة تسوفري معاك
المشكلة العنوسة دايرة حالة ومازال يشرطو ويغلو في المهر وهذا يشجع على الحرام وما نراه في الجامعات وغيرها مثال واضح على ذلك
الحلال يصعبو فيه يا اخي ياسين لكن أهل الخير موجودين والحمد لله
توكل على الله وشوف ذات الدين ولا تهتم بالجمال لأنك في وضع لا يسمح لك باختيار الجميلة المتخلقة بل المهم الأخلاق والقبول والتقبل وفقط
تحية الى الأخت آمال التي حوروا اسمها وصارت فتحية بعد ان كانت فتاة حيية
اللهم ارزقنا الحياء وحسن الخلق

بصراااااحة في هاذي النقطة ما نوافقكش ,,,,,,,,,,هذا قانون جديد و لا واش؟؟؟؟؟

رانا عارفين الاخلاق هم اهم شيئ بصح لي ماعندوش حسب رايك لازم يقبل باي وحدة و خلاص مهما كانت درجة جمالها ,,,كل واحد واش يحب في شريكة حياته ,,,كاين لي يبغيها متخلقة و على قدر من الجمال و هذا من حقوا طبعا مهما كان مستواه المعيشي,,,,,,,,,,

انا مانعترفش بهذا الامر خلاص ,,,,,,,,,,كل واحد يختار المواصفات لي يفضلها حتى و لو كان شاد الحيط,,,,,,,ماشي يديها و من بعد يولي ناكرها ,,,,,,,,,,,

الله يهون على كل مسلم

محمد جديدي التبسي · 2012-07-14, 09:49

اقتباس:

المشاركة الأصلية كتبت بواسطة وردة أمل

بصراااااحة في هاذي النقطة ما نوافقكش ,,,,,,,,,,هذا قانون جديد و لا واش؟؟؟؟؟

رانا عارفين الاخلاق هم اهم شيئ بصح لي ماعندوش حسب رايك لازم يقبل باي وحدة و خلاص مهما كانت درجة جمالها ,,,كل واحد واش يحب في شريكة حياته ,,,كاين لي يبغيها متخلقة و على قدر من الجمال و هذا من حقوا طبعا مهما كان مستواه المعيشي,,,,,,,,,,

انا مانعترفش بهذا الامر خلاص ,,,,,,,,,,كل واحد يختار المواصفات لي يفضلها حتى و لو كان شاد الحيط,,,,,,,ماشي يديها و من بعد يولي ناكرها ,,,,,,,,,,,

الله يهوّن على كل مسلم

آمين يا رب
ليس قانون جديد بالعكس هذا ما يفرضه الواقع
ما يمنع كثير من البسطاء من الزواج ليس الفقر وإنما التشراط
يريدها جميلة جدا أولا ومن بعد يشوف الأخلاق والأشياء الأخرى
والكثير يُقدّم المرأة العاملة على غيرها
لذلك أنا قلت أنو الأهم تكون متخلقة وشكلها مقبول
أما الغني فيشرّط ويزيد واقعيا وراهم يجربو حتى في الزواج في وقتنا والطلاق كلمة تقال في بلادنا وببساطة يتخلى عن المرأة ويبحث عن غيرها

*سيرتا * · 2012-07-14, 23:55

اقتباس:

المشاركة الأصلية كتبت بواسطة وردة أمل

بصراااااحة في هاذي النقطة ما نوافقكش ,,,,,,,,,,هذا قانون جديد و لا واش؟؟؟؟؟

رانا عارفين الاخلاق هم اهم شيئ بصح لي ماعندوش حسب رايك لازم يقبل باي وحدة و خلاص مهما كانت درجة جمالها ,,,كل واحد واش يحب في شريكة حياته ,,,كاين لي يبغيها متخلقة و على قدر من الجمال و هذا من حقوا طبعا مهما كان مستواه المعيشي,,,,,,,,,,

انا مانعترفش بهذا الامر خلاص ,,,,,,,,,,كل واحد يختار المواصفات لي يفضلها حتى و لو كان شاد الحيط,,,,,,,ماشي يديها و من بعد يولي ناكرها ,,,,,,,,,,,

الله يهون على كل مسلم

سؤال حيرني يا اختي ...هل اللي شاد الحيط يقال عنه بان له الحق في الاختيار بجميع المواصفات اللتي يريدها من جمال ....الخ و المراة ان رفضت رجلا لا يملك عملا يضمن لها توفير ابسط الضروريات يقال عنها انها ماش بنت فاميليا او ماش فحلة او ليست امراة باتم معنى الكلمة.....لا تقولي لي بان لا احد ينعت من ترفض بمثل هاته الصفات لاني قراتها مئات المرات في المواضيع النقاشية في المنتدى..اليس لها الحق في الرفض وان قلتم الاخلاق فليس الحطيست فقط من يتحلى بالاخلاق

BAROUD · 2012-07-12, 13:17

راهم يقبلوا ...

عُضو مُحترم · 2012-07-13, 14:31

اقتباس:

المشاركة الأصلية كتبت بواسطة BAROUD

راهم يقبلوا ...

في وحد البلاد

MIWAKE · 2012-07-12, 13:28

اذا كانت عندي ابنتي فاناصراحة لاقبل صحيح انك تبان انسان متخلق و متدين و محترم لكن هذا لايكفي فمثلا اختي 19 سنة ابي مدللها ويشتري لها و اش تحب تكل مليح تلبس مليح تدهب معنا في عطللة الحمد الله اذن اختي تعيش في بيئة و مستوى معيش لا تستطيع ان توفره لها وهدا يخلق خلافات و مشاكل خاصة اذا تسكن مع الاهل فنا لا احبد السكن مع العائلة لا لابنتي ولا لاختي فانا شخصيا لا اسكن مع عائلتي حتى ادا كان قصر فيه 40 غرفة فانا افضل كراء بيت دو غرفتين لي و لزوجتي حتى نكون احرار نخرج متى نشاء للمطعم او للتنزه زوجتي حرة ان تلبس ما تشاء ادا كان هناك خلافات فهده حياة شخصية لا اريد اي احد التدخل فيهها و لهدا انا اتعجب من الازواج اللدين يعيشون في عائلة كبيرة نجد الجد الاخ الاخت الاعمام الابناء لاحفاد زوجات الاخ فوض كبيرة هدة ليست حياة اد تبكي يعرفو ادا عند مشاكل يعرفوا ادا مرضت يعرفو اد شريت يعرفو ادا تشاجرت مع زوجتك يعرفو ادا دخلت الحمام يعرفو اد وووووووو كارثة افضل ان ابقى اعزب ولا هدي الحياة
وانا اخي اعتبرني اخوك و ما تغظبش مني لكن اري ان الانسان عندما يقرر الزواج فهو اراد النقدم نحو الامام اي انه يحسن حياته اي بمعنى حياة تولي خير و ليس العودة الى الوراء انت تروح تخطب بنت الناس كانت عايش مع ولديها حاجة ما تخصها و تديهها انت تعيشها حياة المزيرية ليها و لاولادك وهذا ليس من العدل و حتى حرام ربي احاسبك يوم القيامة

انت مشلف و انا نعرف مليح ناس الشلف مش الكل يطمعو فالدراهم كاين ناس يحوسو غير على الهنا و يمدو بناتهم وين يريحو
(الكل يطمعو فالدراهم كاين ناس يحوسو غير على الهنا و يمدو بناتهم وين يريحو) صحيح الدراهم ماشي كلش لكن اذا مرض وليدو او حتاج لادوات و كتب مدرسية هو ماقدرش يشريهم في رايكم هل الاخ عضو المحترم راح يكون مهني و لاتقترحوا عليه اسلف من عند الناس كونوا واقعيين و باركو من الخرفات
المهم تكون رجل وتجيب لقمتك بالحلال وتكون تقدر على شقاك ....صحيح الدراهم ماشي كلش لكن اذا مرض وليدو او حتاج لادوات و كتب مدرسية هو ماقدرش يشريهم في رايكم هل الاخ عضو المحترم راح يكون مهني و لا اريح اسلف من عند الناس كونوا واقعيين و باركو من الخرفات

sarl02 · 2012-07-12, 13:50

اقتباس:

المشاركة الأصلية كتبت بواسطة عُضو مُحترم

[color="blue"]السلام عليكم ورحمة الله و بركاته

كما تعلمون فانا بدون عمل و اُكل دراستي

ولكن لي رغبة في الزوج و استحالة نتزوج الآن

و اول شيء سيقولون انت لا تشتغل

كون ندبّر كونترا ( و هذا أمر سهل جدا)

مع العمل المسائي

يكون عندي مصدر دخل متواضع

يكفيني مع العلم اني اعيش مع الوالدة

في البيت العائلي

و اتشارك مع اخي في المصاريف

و نروح مثلا نخطب فتاة

يقبلو يعطوني بنتهم؟؟؟

؟؟؟؟؟

والله عندك اختصاص مليح ولوكان تعرف وتقفز غير اشوية والله ما اتسال على خدمة الدولة ..والله ما نعرف واحد هندسة مدنية راه شوماج ...ونورمالمو راني قتلك في وقت سابق واش ادير ...واجي ذرك اتقولي كونترا وعمل مسائي؟؟ ها بركانا يا فتى.

djazia94 · 2012-07-12, 14:47

اقتباس:

المشاركة الأصلية كتبت بواسطة sarl02

والله عندك اختصاص مليح ولوكان تعرف وتقفز غير اشوية والله ما اتسال على خدمة الدولة ..والله ما نعرف واحد هندسة مدنية راه شوماج ...ونورمالمو راني قتلك في وقت سابق واش ادير ...واجي ذرك اتقولي كونترا وعمل مسائي؟؟ ها بركانا يا فتى.

ههههههه

عُضو مُحترم · 2012-07-13, 14:41

اقتباس:

المشاركة الأصلية كتبت بواسطة sarl02

والله عندك اختصاص مليح ولوكان تعرف وتقفز غير اشوية والله ما اتسال على خدمة الدولة ..والله ما نعرف واحد هندسة مدنية راه شوماج ...ونورمالمو راني قتلك في وقت سابق واش ادير ...واجي ذرك اتقولي كونترا وعمل مسائي؟؟ ها بركانا يا فتى.

يا خويا راني قلتلك والله 80 % من اموالهم حرام في حرام

شكون ما يحبش يخدم ويدير الدراهم؟؟؟؟؟

ولكن مش بالحرام يا خويا

ربي يحفظك

محمد جديدي التبسي · 2012-07-12, 13:56

اقتباس:

صحيح الدراهم ماشي كلش لكن اذا مرض وليدو او حتاج لادوات و كتب مدرسية هو ماقدرش يشريهم في رايكم هل الاخ عضو المحترم راح يكون مهني و لا اريح اسلف من عند الناس كونوا واقعيين و باركو من الخرفات

أخي أنا واقعي جدا، الرجل يكون خدام هذاك هو المهم
رانا مسلمين يا أخي، اذا مرض وليدو واحتاج أدوات يوفرهملو عادي جدا إذا كان رجل ويخدم أي حاجة حلال مش يشرّط ؟؟!!!

هدى البوزيدية · 2012-07-12, 13:59

الأغلبية يقبلو على خاطر الوقت اللي وصلنا ليه رجع يفرض هاد الشي كاين اللي ما يخدمش خلاص ( يبريكولي ) برك كيما نقولو حنا بالعامية في قسنطينة و قبلو بيه
و أنا عندي صديقة تقرا ماستر و باباها خدمتو مليحة في الولاية خطبها واحد يخدم بالكونترا تاع (لانيم ) و قبلو أهلها كامل على جال أخلاقو

عُضو مُحترم · 2012-07-13, 14:42

اقتباس:

المشاركة الأصلية كتبت بواسطة هدى البوزيدية

الأغلبية يقبلو على خاطر الوقت اللي وصلنا ليه رجع يفرض هاد الشي كاين اللي ما يخدمش خلاص ( يبريكولي ) برك كيما نقولو حنا بالعامية في قسنطينة و قبلو بيه
و أنا عندي صديقة تقرا ماستر و باباها خدمتو مليحة في الولاية خطبها واحد يخدم بالكونترا تاع (لانيم ) و قبلو أهلها كامل على جال أخلاقو

الله يبارك يعني شراو رجُل

ربي يرزقو من خزائنه التي لا تنفذ

و يباركلهم في زواجهم

شكرا لك اُختي

فتـ حييةـاة · 2012-07-12, 15:17

اذا كانو ناس مش غاويتهم الدنيا و يهمهم تعيش بنتهم مع رجل يخاف ربي فيها وتكون هانية رايحين يقبلو
بصح اذا كانو يهمهم بنتهم تخرج وتدخل وتلبس مليح وتحمر وتخضر وتحوس وتبحر راهم يرفضو