ماهذا الغلاء الفاحش .............ورمضان على الابواب - الصفحة 2

بنت الحاج · 2012-07-04, 20:04

الغلاء الفاحش في الأسعار أصبح سمة في رمضان والفقير والمسكين له الله تعالى ، من أين له بشراء الضروريات فما بالك بالكماليات.
ولكن لماذا يكثر التهافت على الشراء في رمضان أكثر من الشهور الأخرى ؟؟
هذا هو السبب الذي يجعل التجار يستغلون الفرصة لمضاعفة الربح.
(بحسب ابن آدم لقيمات يقمن صلبه)
بارك الله فيك أختي مباركة اللهم بلغنا رمضان

الواثق · 2012-07-04, 12:07

نعم اختي ...............وانا مع مقاطعة السلع التي ارتفع ثمنها واصبحت مستعصية عن الجميع ....................حتى حنا ربي يهدينا تعلمنا التفنين وقلة العمل ...........فمثلا الفريك الان يباع بسعر غالي ............قديما كنا نخرجو للارض ونفركو ونجيبو كمية تكفي لعامين والان رقدنا الزرع كاين واحنا لي تركناه..................وزيد الناس عندهم رمضان للاكل ومايقدرش يقعد في طاولة الفطور الا وفيها ثلاث اطباق على الاقل ...................يحيروني انا والله عندي الحليب والتمر ونزيد الشربة مع السلاطة وخلاص الدنيا ومافيها ...............واذا لقيت اطباق اخرى نخلي عليها ونرجع ناكلها السحور عادة .................ونقدر نستغني عنها ...............................وزيد المشكلة تلقاي واحد ماعندوش باه يدير شربة وواحد عندو 5 اطباق في الطاولة ............................ودائما استحضر قول عمر بن الخطاب لما قال لابنه عندما وجده يشتري في اللحم ....*** وقال له أكلما اشتهيت اشتريت ****........................

وانا مرات نفطر عند ناس اغنياء نلقى مائدتهم عادية وخرين فقراء نلقا واحد البذخ والتبذير والله المستعان ..........يعني الامور تمشي بالعكس ..................

وكاين ناس مايقعدش في الطابلة اذا مالقاش البوراك ؟؟؟ وكاين لي مالقاش كوكا كولا قلب الطابلة ؟؟؟.................وكاين واحد قال لي مرة انا مستحيل مانشريش الزلابية قلب اللوز في رمضان لازم كل يوم في السهرة ؟؟؟................

الله المستعان

مباركة 1961 · 2012-07-04, 16:10

وعليكم السلام والرحمة والبركة

تعرفى ممكن عندك حق التجار يستغلوا كل المناسبات للربح السريع لان الناس غير تشرى بدون احساس

ولكن نبقى ندعى ربي دائما يهديهم وهذا اضعف الايمان

اما بالنسبة للفقر كاين فعلا ناس فقراء بالصح يحشموا يعرفوا الناس بفقرهم ....اعرف الكثير منهم ويحاولو كى لايحس اطفالهم بفقرهم يديروا المستحيل كى يشتروا مثلهم مثل غيرهم ...هذه العقدة موجودة عند اغلب الجزائريين ..

اما موائد رمضان ماللى كنت عند اهلى كان الوالد يرفض كل ذلك التبذير وكل يوم يديرنا درس عن الصوم الحقيقى ويقولنا هذاك صوم البهائم ...ربي يحفظه

على هذا العام رانى ناوية نقلل فى مصروف رمضان باش يحس اولادى بقيمة المصروف ...بالصح حسب مارانى نشوف الكل وافقونى الا واحد قال لى انا جيبيلى الكوكا _قرعتى وحدى والبافى ربي يسهل _
اللهم بلغنا رمضان ويسر لنا صيامه وقيامه

مباركة 1961 · 2012-07-04, 16:18

تحياتى وسلامى ..ياسامية الشاوية

شفت الوالدة واش كانت حاملة ...ربي يحفظهالك _

المصروف ليس بالعمل السهل ...انا رمضان كنت نحظرله من قبل الاشياء اللى توضع فى الثلاجة بالصح هذا العام فوته شويه صعيب وما خبيت والو بالصح رانى ناويه ندير عملية تقشف عندى مصاريف نتاع عملية جراحية لابنتى من بعد رمضان فى تونس ...المهم تبري لى بنتى ....
اللهم بلغنا رمضان ويسر لنا صيامه وقيامه

سامية الشاوية · 2012-07-04, 16:47

اقتباس:

المشاركة الأصلية كتبت بواسطة مباركة 1961

تحياتى وسلامى ..ياسامية الشاوية

شفت الوالدة واش كانت حاملة ...ربي يحفظهالك _

المصروف ليس بالعمل السهل ...انا رمضان كنت نحظرله من قبل الاشياء اللى توضع فى الثلاجة بالصح هذا العام فوته شويه صعيب وما خبيت والو بالصح رانى ناويه ندير عملية تقشف عندى مصاريف نتاع عملية جراحية لابنتى من بعد رمضان فى تونس ...المهم تبري لى بنتى ....
اللهم بلغنا رمضان ويسر لنا صيامه وقيامه

طهور ان شاء الله
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
اسال الله العظيم رب العرش العظيم ان يشفيها
ربي يشفيها ان شاء وكل مرضى المسلمين
كل شي يتعوض غير الصحة

مباركة 1961 · 2012-07-04, 16:28

تحياتى وسلامى اخ الواثق ..
راه عندك حق احنا شعب اكول بالدرجة الاولى وفنيان ..

بالصح يجب ان نغير من طريقة حياتنا شويه ...الشيء الغالى ومايلزمنيش لن اشتريه خليهم يشمخوه

وملاحظتك باللى الاغنياء مايبذروش فى رمضان فعلا انا كذلك كم من مرة تعرضت عند اناس اغنياء جدا جدا ولكن افطارهم عادى

وهذا يرجع حسب ظنى ان الفقير يحس بعقدة النقص فيشترى كل شيء ولو يرهن حوايجه المهم مايحسوش اولاده بالسخفة

انا بالنسبة لى والحمد لله 4 شهريات تدخل الدار انا وزوجى وزوج اولادى بالصح رانى ناوية نتقشف فى هذا رمضان فعلا باش نعلم اولادى المعنى الحقيقى من الصوم ونتخلص من هذه التقاليد البالية وعندى هدف اخر بعد رمضان يحتاج لمصاريف زايدة شويه
اللهم بلغنا رمضان ويسر لنا صيامه وقيامه

إكرام ملاك · 2012-07-04, 17:44

ام سليمان · 2012-07-04, 17:51

كل عام هكا الحالة ........ويكون الغلا في الايام الاولى لرمضان ثم تنخفض شيئا فشيئا........لانه رغم انف المضاربين فرمضان شهر التوبة والغفران

المخضرم 4411 · 2012-07-04, 23:26

اقتباس:

المشاركة الأصلية كتبت بواسطة مباركة 1961

سلام....

هذه الايام الحر شديد.....والماء يجى كل 4 ايام ..والكهرباء تنقطع الوقت اللى يهوالها....
حاولت روحى كى اخرج لقضاء بعض حاجيات رمضان وليتنى لم افعل...........
الغلاء فات درجات الحرارة ......كلش كلش غالى ماكان لاه نعطيكم الاسعار بالصح رانى دخت واش نشرى واش نخلى.....
ربى يستر الفقراء واش يلقاو ياكلو ...واللى شهريتهم قليلة
حمدت الله ورجعت بنصف المصروف ...وانا ادعو ربي يهدى التجار ويخافوا ربي فى الناس الزوالية
وقلت لاولادى ...اذا غلى الشيء ارخسته بالترك ...
الحمد لله حتى اولادى مايتشرطوش فى الاكل ...
قالوا لى ديريلنا كسرة وفواكه ومشروبات وماء وفيها بركة ...كاين ناس هاذو ومالحقوش بيهم

اللهم بلغنا رمضان واعنا على صيامه وقيامه

ما تتقلقيش يا أختي الفاضلة ............. ان للكعبة رب يحميها ........... ياك رمضان يجيب خيرو معاه و عليك باتباع الخطوات التالية : أولا - اياك أن تجمدي ( تكونجتي ) شيء لرمضان لا جلبانة و طماطم و لا ولا و لا .
ثانيا- أعقدي العزم على نية التقرب من الله و استغلال الفرصة للصيام و القيام .
ثالثا - لا تفكري في شراء كتب الطبخ للاطباق اللذيذة .( خراب بيوت )
و أختمها بمثل للشيخ عبد الرحمن المجدوب رحمه الله : *** لا تخمم لا تدبر لاترفد الهم ديما الفلك ماهي مستمر و الدنيا ماهي مقيمة ***