قولولي واش ندير راني مشوكية

[you92cef]

10=18 اخي

في نظام lmd اي شيء تدرسه نفس الشيء

والايام تشهد على ما اقول!

[zizou93]

المشاركة الأصلية كتبت بواسطة you92cef

10=18 اخي

في نظام lmd اي شيء تدرسه نفس الشيء

والايام تشهد على ما اقول!

والله يا اخي اوافقك الراي و لكن بالنسبة ل 14=10ممكن مي 18=10 ماشكيتش باسكو صاحبتي لبمقربة جاباتو ب 18.42 والفرق بيناتنا هي رايحة لبوتفليقة هذا هو الفرق
المهم ربي يجيب اللي فيه الخير

[Ahmed_Anderon]

أنا اش راح انقولك الناس قاع كانوا متمنيين حاجه و القاوها حاجة اخرى.
أنا صراحتنا كنت متأكد بأنني خادم على 16 كحد متوسط لكن في الاخير وجدتها 14.56
و الله لم سمعت النتيجة قريب يتوقف قلبي
و من جهة اخرى انظري الى الجانب الاخر، ماذا عن 3000 شخص الذين تحصلوا على 9.99
قولي لي اش رايحين نقولوهم ؟؟؟
+

((أسف انا لا استطيع وضع الروابط ))

.......... showthread.php?t=1013458

[mimia zizou]

المشكل دوك 15 وتقدري ديري بيها واالو
ختي ارضاي بلي قدرولك ربي ولا حبيتي عاودي الباك وخلااص بصح والله تعبة

[مسيردى]

و علاه ياختي راكي تديري في روحك هاكذا و تمرضي روحك
استغفري مولاك و بربي تلقاي حاجة مليحة تديريها ب 11

[manel dima]

يا أختي مالة انا واش نقول : جبتو 16.20 بكيت حتى كرهت

[mouloudia_26]

اختي احمدي ربي على كل شيء وبهذا يمكن ان تكوني احسن من اصحاب 14 والاخرون
متحكميش على المعدل ماتعرفيش الخير كامل وين راه

[mr.berns]

هههههههههههه
فهمتك كوني متهنية راكي غايرة من صاحبتك
حتى لو مشك حاسة وعارفة

[zizou93]

المشاركة الأصلية كتبت بواسطة mr.berns

هههههههههههه
فهمتك كوني متهنية راكي غايرة من صاحبتك
حتى لو مشك حاسة وعارفة

مستحييييييييييييييييل انا جامي نغير منها ياو يقتلوني مانقولكش مانغيرش فالقراية مي من هاذي والله والو نغير من اللي قدي فالمستوى انا جامي قارنت روحي فيها و مانيش راح نقارن باسكو هي نيفو و انا نيفو تاني
المهم نهار 3جويلية نشوفوها فالنشرة

[algerino1212]

أختي أولا أقول لك : احمدي الله على ما وهبك ، فالنجاح له طعمه حتى و ان لم يكلل بالامتياز لكن الفشل له طعم ... ، قداه من واحد جوز الباك و هو خادم لكن ما كانش في قوائم الناجحين ، فأنت في قوائم الناجحين و هذا شرف لك.

ثانيا : ديري في بالك بلي نسبة النجاح هاذ العام راهي 58 % ، معناها معدلات القبول رايحة تهبط ، و باذن الله راكي رايحة تلقي تخصص ما نقدرش نقلك بلي راهو يعجبك و كنت تتمنيه ، لكن تلقي تخصص يرضيك .

ثالثا : أردت أن أخبرك بأن كل شيء بيد الله ، فما نحن إلا نأخذ بالأسباب و الله تعالى هو الذي يقرر "كل حاجة بالمكتوب "

أيا سلام ...

[orchid_girl]

واش نقولك اختي مايحس بالجمرة غير اللي عفس عليها كيما تعرفي انا مترشحة حرة و الحمد لله هاذ العام ديتو ب 16 لكن العام اللي فات كانت خيبتي كبيرة لاني ديت 15 و كنت معولة على اكثر و اكثر ما ألمني انهم داو قبلي ناس جامي تخيلتهم لكن مع ذلك حمدت ربي و قلت و عسى ان تكرهوا شيئا و هو خير لكم و عاودت الباك و الحمد لله العام هذا ديت و ان شاء الله ندير واش حابة المهم مايأستش انت ماتيأسيش اختي و عاودي الباك كيفنا كامل و ان شاء الله ديتيه 18 ميش حتى 17

[zizou93]

المشاركة الأصلية كتبت بواسطة orchid_girl

واش نقولك اختي مايحس بالجمرة غير اللي عفس عليها كيما تعرفي انا مترشحة حرة و الحمد لله هاذ العام ديتو ب 16 لكن العام اللي فات كانت خيبتي كبيرة لاني ديت 15 و كنت معولة على اكثر و اكثر ما ألمني انهم داو قبلي ناس جامي تخيلتهم لكن مع ذلك حمدت ربي و قلت و عسى ان تكرهوا شيئا و هو خير لكم و عاودت الباك و الحمد لله العام هذا ديت و ان شاء الله ندير واش حابة المهم مايأستش انت ماتيأسيش اختي و عاودي الباك كيفنا كامل و ان شاء الله ديتيه 18 ميش حتى 17

اهلا ختي مبروووووووووووووووووووك عليك
لعقوبة لينا انشاء الله
على كل حال الحمد لله

[اميرة زماني]

واش من شعبة

[alisadr]

أختي لا داعي لليأس ،، عاوديه العام لجاي أحرار و صدقيني راح تجيبي المعدل للي تحبي ..
أنا لعام لي فات جبت 14 و مادارتلي والو ،، هاد لعام فوتو أحرار و نجحت ب 16.60 الحمـــد لله .. مالا نصيحة نقولهالك ماتمرضيش روحك في باطل .. خلي ايمانك بربي كبير و بنفسك و بقدراتك و اقراي لعام لجاي و ماتتلفتيش للمثبطـــــات .. و مايكون غير الخير ان شاء الله و صدقيني كي تكون العزيمة متكونش حاجة مستحيلة
ربي يوفقك ...

[الهام الجزائرية]

والله بالحرف نفسك انتي انا تاني نتوقع 14 لقيتها 11 ونفس الحالة غاظتني وكاني ما نجحتش اما قدر الله وما شاء فعل