الخوف من الله ام من الناس؟ - الصفحة 2

محمد...عبد النور · 2012-06-22, 15:51

السلام عليكم أختي ليليا
أتمنى تكوني بخير و عافية و كل الدار بخير
كلام الناس من الامور المعتبرة لدى الاشخاص و هو يتعلق بالسمعة
يعني متى حافظنا على السمعة الجيدة نذكر بالجيد من الذكر و العكس
و كلام الناس مهما نفعل فهو واقع بنا
مما قرأت **أن سيدنا موسى عليه و على نبينا السلام قال لله عز و جل اعصمني من كلام الناس فقيل اه ، يا موسى أنا رب العباد و الناس تتكلم في**.....حسب المصدر
و لكن ممكن الناس لما تتكلم تعطي لاعتبار اطلاع الامر على الناس صبغة كبرى فيتهيئ للسامع انهم يقدمون الناس و لا يخافون من رب الناس
و لكن في الحديث معنى يمكن أن يدخل في هذا المعنى و هو ** من لم يستح من الناس لم يستح من الله**
و الناس في مجملهم اشد خوفا من ان يراهم الناس في حين نسوا ان الله الكريم رقيب عليهم كل لحظة و كل حين
شكرا على الموضوع و جزاك الله كل خير
ســــــــــــــــــــــــلام

سارة البوسعادية · 2012-06-22, 15:55

السلام عليكم اختي الغالية
اولا بارك الله فيك على الموضوع الذي ارهق احاسيسنا واحاسيس البعض ممن يخافون الله
تغيرت وجهة نظر الناس لدرجة كبيرة فاصبحو يجاهرون بالسوء بحكم انه امر طبيعي ويضربون مثل فلان وفلانة
ويتجنبون امورا ويبتعدون عنها بحكم انها تخلف او ان فلانا قد تحرر منها وهي امور وجب التعامل بها في ديننا ولطالما اوصانا بها نبينا الكريم
اصبح ارضاء بعض الناس هو الفكرة المسيطرة على البعض
ولم يعودو يهتمون بامور ديننا
ربي يهدينا ويهدي كافة المؤمنين والمسلمين

soso sirin · 2012-06-22, 16:21

ايه يا مريومة والله الموضوع الي كتبتيه الا راه غامني في قلبي قبل واحد مايخمم يدير حاجة ماشي تولي تخممي و تقولي صار ربي راه راضي عليا لالا تولي تقولي صار الناس مايهدرو والو و المشكل حنا عارفين بلي هوما هادرين هادرين امالا علاه واحد يخمم فيهم اصلا و نقلك حاجة والله واحد يدير عليهم الا يخفاف من عقلو صاريلها كيما واحد يكون ساكت و يجبد طويل يولو يقولوعليك زواخة و ماتقيميش تولي تهدري معاهم يقولو عليك نقراشة .تحشمي و ما تخالطيش الرجال يقولو عليك معقدة يلقاوك واقفة و في الخدمة مع واحد و يسقسي فيك على الخدمة برك يديرو فيك دعايات و يقولو راهي و راهي انا نقلك كنت نخمم في كلام الناس و منبعد ولا راسي يضرني و كرهت كامل الغاشي يا مريومة وليت ندير الحاجة الي تخرج عليا برك و نعرفها بلي نيشان و ماهيش حرام و عايلتي كون يسمعو تجيهم عادية اما الناس منعندي اذا يقدرو يديرو لادال دوصول للبحر يروحو يديروها المهم نكون نيشان وخلاص لاك في حالة وحدا يهمني راي الناس اذا درت حاجة و هوما فهموها بالعكس تم لالا والله نديها فيهم و نفهمهم نيشان اما حاجة وخدخرى ربي يسهل على كل واحد مادام ربي راضي و والديا راضيين وانا راضية الله يسهل على كل واحد

مريم الصابرة · 2012-06-22, 17:25

اقتباس:

المشاركة الأصلية كتبت بواسطة الواثق

اضحك الله سنك ..........اصلا هذا العبد كل اخوته ماشاء الله الا هو جابنا العار هههه................اصلا هو يخاف مني كي يشوفني يبدل الشارع ....................وراهو عندو اعوام من توقف من المشاكسات لانو طاب جنبو من المطرق دون علم ابيه ههههه

السلام عليكم خويا إمالا مادام يشوفك يبدل الشارع معناها إنت إيرلوند سووووووور الله يبارك عايلة مصارعين ما يليقش نزعفك يا الوثق انا بلخف نتكسر ما بالك نتلاقى بوليد عمك او بيك فالشارع يا ويلي حتى الهربة وما نقدرلهاش ههههههههه شكرا اخي نضحكو شويا نحو زعاف والغبار هههههه بارك الله فيك

مريم الصابرة · 2012-06-22, 17:27

اقتباس:

المشاركة الأصلية كتبت بواسطة mahmoudb69

موضوع جميل بارك الله فيك وجزاك الله خيرا

السلام عليكم اخي وفيك بركة لا شكر على واجب شكرا

مريم الصابرة · 2012-06-22, 17:34

اقتباس:

المشاركة الأصلية كتبت بواسطة امينة 1991

السلام عليكم
ايه صح عندك الحق اختي مريم الناس نديرو واش نديروا ما يرضاوش ديري حاجة ماشي مليحة يفضحوك وديري حاجة مليحة يحسدوك والا ما يلقاولك عيب يجبدوه من تحت الارض وحنا الاغبياء نحوسوا نرضوهم وناسيين بلي ربي هو الاولى من عباده باه نرضوه , الله عز وجل هو الي خلقنا ورزقنا بارزاق لا تعد ولا تحصى ونعمه كثيييييييييييييييييييييييييييييييييييييييييييييييي ييييييرة اما الناس ما يقدروا يديرولك والو مثلا نهار الي نطيحو في مشكل كبير او مصيبة عصيبة لمن نروحو للناس ؟؟؟؟ الناس كيما حنا عاجزين عن المساعدة او الحل , اكيد لازم نلجأ لله عز وجل لانه البلسم الوحيد الذي يضمد ويشفي جراحنا .
بارك الله فيكي اختي مريم موضوعكي رائع جدا وشيق ومهم جدا على الناس جميعا قراءته والاستفادة منه شكراااااااااااا

السلام عليكم اختي امينة بارك الله فيك
شوفي فحنا لما نسمعو للناس ونخافو من كلامهم النتيجة دايما هي إنو إحنا الخاسرين ووالدينا رباونا غير بكلمة بالاكي الناس بلاكي السمعة نتاعك بالاكي تلبسي كذا الناس لالا ما طوليش فالخدمة الناس واش يقولول عليك مي جامي قالونا خافي من ربي ممكن كاين اهل ولادهم ما يصلوش تقولك خليه ربي يهديه بينو وبين مولاه لكن على الناس محال تقولك خليك من هدرة الناس اختي انا نقولك الصح والله ما علابالي بواحد المهم ربي ويمى والباقي يشربو من البحر شكرا اختي ربي يخليك

مريم الصابرة · 2012-06-22, 17:37

اقتباس:

المشاركة الأصلية كتبت بواسطة لذريق

السلام عليكم أختي ليليا
أتمنى تكوني بخير و عافية و كل الدار بخير
كلام الناس من الامور المعتبرة لدى الاشخاص و هو يتعلق بالسمعة
يعني متى حافظنا على السمعة الجيدة نذكر بالجيد من الذكر و العكس
و كلام الناس مهما نفعل فهو واقع بنا
مما قرأت **أن سيدنا موسى عليه و على نبينا السلام قال لله عز و جل اعصمني من كلام الناس فقيل اه ، يا موسى أنا رب العباد و الناس تتكلم في**.....حسب المصدر
و لكن ممكن الناس لما تتكلم تعطي لاعتبار اطلاع الامر على الناس صبغة كبرى فيتهيئ للسامع انهم يقدمون الناس و لا يخافون من رب الناس
و لكن في الحديث معنى يمكن أن يدخل في هذا المعنى و هو ** من لم يستح من الناس لم يستح من الله**
و الناس في مجملهم اشد خوفا من ان يراهم الناس في حين نسوا ان الله الكريم رقيب عليهم كل لحظة و كل حين
شكرا على الموضوع و جزاك الله كل خير
ســــــــــــــــــــــــلام

السلام عليكم خويا واش اخبارك وداركم انا بخير الحمد لله شكرا على السؤال بارك الله فيك
وي خويا محمد هي الناس مهما ديرلهم ما ترضيهمش وحتى السمعة في زمنا هذا راهم يتلاغبو بيها تلقى ناس يحكو على فتاة لمجرد مظهرها الخارجي وممكن ما يعرفوهاش كامل علاه تخلف وعارفين كلامهم راح يلقى صدى لانو رانا نخافو من الناس ومن مكانتنا امامهم مي ما نخافوش من ربي نخافو من ناس كيفهم كيفنا يغلطو كيما نغلطو او اكثر
المهم الإنسان يصفي روحو قدام ربي وما يأذيش اللي حولو والباقي ما يهمش شكرا وبارك الله فيك على الإضافات شكرا

مريم الصابرة · 2012-06-22, 17:40

اقتباس:

المشاركة الأصلية كتبت بواسطة سارة البوسعادية

السلام عليكم اختي الغالية
اولا بارك الله فيك على الموضوع الذي ارهق احاسيسنا واحاسيس البعض ممن يخافون الله
تغيرت وجهة نظر الناس لدرجة كبيرة فاصبحو يجاهرون بالسوء بحكم انه امر طبيعي ويضربون مثل فلان وفلانة
ويتجنبون امورا ويبتعدون عنها بحكم انها تخلف او ان فلانا قد تحرر منها وهي امور وجب التعامل بها في ديننا ولطالما اوصانا بها نبينا الكريم
اصبح ارضاء بعض الناس هو الفكرة المسيطرة على البعض
ولم يعودو يهتمون بامور ديننا
ربي يهدينا ويهدي كافة المؤمنين والمسلمين

السلام عليكم أختي ربي يبارك فيك وبناس بوسعادة
فيك بركة وي ختي العادات ولات سائد ويامنو بالتقاليد والمعتقدات اكثر من الدين سبحان الله الامر واضح تلقاي ناس يخافو على ولادهم من كلام الناس ولكن لما ولادهم ما يصولش ما يخافوش من ربي لما وليدهم يلب ببنت من بنات الناس ما يخافوش ربي ويكون حاب يتزوج بيها ما يشجعوهش على العكس يقولولو لالا كلام الناس و ما يخافوش ربي لما يضيعو بنت الناس شفت ون بعدنا على الدين نتاعنا لما فضلنا عليه الناس اللي لا حول ولا قوة لهم إلا اللسان
شكرا وندعو ربي يهدينا ويصلح بالنا وينور طريقنا شكرا

مريم الصابرة · 2012-06-22, 17:45

اقتباس:

المشاركة الأصلية كتبت بواسطة soso sirin

ايه يا مريومة والله الموضوع الي كتبتيه الا راه غامني في قلبي قبل واحد مايخمم يدير حاجة ماشي تولي تخممي و تقولي صار ربي راه راضي عليا لالا تولي تقولي صار الناس مايهدرو والو و المشكل حنا عارفين بلي هوما هادرين هادرين امالا علاه واحد يخمم فيهم اصلا و نقلك حاجة والله واحد يدير عليهم الا يخفاف من عقلو صاريلها كيما واحد يكون ساكت و يجبد طويل يولو يقولوعليك زواخة و ماتقيميش تولي تهدري معاهم يقولو عليك نقراشة .تحشمي و ما تخالطيش الرجال يقولو عليك معقدة يلقاوك واقفة و في الخدمة مع واحد و يسقسي فيك على الخدمة برك يديرو فيك دعايات و يقولو راهي و راهي انا نقلك كنت نخمم في كلام الناس و منبعد ولا راسي يضرني و كرهت كامل الغاشي يا مريومة وليت ندير الحاجة الي تخرج عليا برك و نعرفها بلي نيشان و ماهيش حرام و عايلتي كون يسمعو تجيهم عادية اما الناس منعندي اذا يقدرو يديرو لادال دوصول للبحر يروحو يديروها المهم نكون نيشان وخلاص لاك في حالة وحدا يهمني راي الناس اذا درت حاجة و هوما فهموها بالعكس تم لالا والله نديها فيهم و نفهمهم نيشان اما حاجة وخدخرى ربي يسهل على كل واحد مادام ربي راضي و والديا راضيين وانا راضية الله يسهل على كل واحد

السلام عليكم اختي الغالية
ما تغمي قلبك ما والو ديري كيما دايرة ختك غعتبري الناس ماكانش ديما شوفي فالسما وتذكري إنو كاين رب راه يشوف فيك وخافي منو ولما ديري حاجة وتتأكدي إنك رضيتي ربي إفرحي وما تعمريش راسك بالناس لانو محال تسمعي كلمة شكر او حتى يخلوك في حالك مهما ديري ولو ديري جلباب ولو من الدار ما تخرجيش العيب يخلقوه فيك إمالا ديري حساب لربي وحدو والباقي ما يهمش وأكيد بعد ربي اهلك وزوجك وبرك
كملي كيما راكي انا نقولك تعرفي ختك من الردود باينة نصحك ونقسر ونحب كامل الناس فالطريق نتبسم مع البنات حتى لو ما نعرفهمش ما نكبرش على الناس يااااااااااااااااااو وليت انا كقناة النهار ما عندهم حتى حكاية من غيري والحمد لله انا عندي كلمة نقولها لما يعيا فمهم نديبانيهم بفمي وراسي خشين وما نسمع لحت واحد راي من راسي ونخاف ربي والباقي راه ليهم البحر يشربو حتى يشرقو إن شاء الله شكرا حنونة

الواثق · 2012-06-22, 18:00

اقتباس:

المشاركة الأصلية كتبت بواسطة مريم الصابرة

السلام عليكم خويا إمالا مادام يشوفك يبدل الشارع معناها إنت إيرلوند سووووووور الله يبارك عايلة مصارعين ما يليقش نزعفك يا الوثق انا بلخف نتكسر ما بالك نتلاقى بوليد عمك او بيك فالشارع يا ويلي حتى الهربة وما نقدرلهاش ههههههههه شكرا اخي نضحكو شويا نحو زعاف والغبار هههههه بارك الله فيك

لا ذاك ولاذاك .............انا انسان مسالم وليس لي اي قوة هه ...........بلاك عندي شجاعة نوعا ما ..................فكرتيني في المدير تاع الليسي لنخدم فيها قال لي في مجلس الاقسام انني ادعم في المافيا داخل الثانوية لان اخي يدرب فيهم في القاعة لرياضية وانا مرات ندرب معاهم...........هوما لامافيا لاوالو يتريقلو بالخف بصح واعرين شوي ....................قلت العام الجاي نفتحلك قاعة رياضية في الثانوية وندير جماعة الامر بالمعروف والنهي عن المنكر ولي يدير حاجة يخلصها .ههه............قال لي هاذي فكرة مليحة ههههههههه

مريم الصابرة · 2012-06-22, 18:04

اقتباس:

المشاركة الأصلية كتبت بواسطة الواثق

لا ذاك ولاذاك .............انا انسان مسالم وليس لي اي قوة هه ...........بلاك عندي شجاعة نوعا ما ..................فكرتيني في المدير تاع الليسي لنخدم فيها قال لي في مجلس الاقسام انني ادعم في المافيا داخل الثانوية لان اخي يدرب فيهم في القاعة لرياضية وانا مرات ندرب معاهم...........هوما لامافيا لاوالو يتريقلو بالخف بصح واعرين شوي ....................قلت العام الجاي نفتحلك قاعة رياضية في الثانوية وندير جماعة الامر بالمعروف والنهي عن المنكر ولي يدير حاجة يخلصها .ههه............قال لي هاذي فكرة مليحة ههههههههه

السلام عليكم اخي وي سور مسالم ما قلنا والو ياخي إنت اللي قلت وليد عمي دار هكذا ويشوفني يتخبى تخيلتكم كيما نتاع الصعيد في مصر ههههههههههه واعرين ويطخو النار هههههههههه الله يبارك عايلة مثقفين اخوك طبيب والآخر مدرب وإنت ما قلتناش راني نظنك استاذ وكا نعرف ربما هكذا تبانلي لما تحل القاعة نجي نسجل المصارعة ههههههههههه نتاع المحجبات ندافهو على روحنا من الذئاب البشرية هههههههههه شكرا

imadm201 · 2012-06-22, 18:19

شـــــــــــــــــــــــــــــــــــــــــــكرا جزيلا

اسلام انس · 2012-06-22, 18:48

شكـــــرا على المـــوضوع ......شوفي هي السترى مليحة مع ربي ومع العبد..........لكن لازم النسان يديـر حساب ربي اكــثر

وليا ربي سترك مرة ولا 10تاكد بان الله يمهل ولا يهمل.........وان الناس شهداء على بعضهم يوم القيامة......لهذا السترى مليحة

فهمتي اختي مــــريم......ولا نــزيد نفهمك.........تقبلي مـــــــــروري

مريم الصابرة · 2012-06-22, 18:53

اقتباس:

المشاركة الأصلية كتبت بواسطة imadm201

شـــــــــــــــــــــــــــــــــــــــــــكرا جزيلا

السلام عليكم شكا على المرور اللطيف اخي بارك الله فيك

مريم الصابرة · 2012-06-22, 18:55

اقتباس:

المشاركة الأصلية كتبت بواسطة بن عمير 22

شكـــــرا على المـــوضوع ......شوفي هي السترى مليحة مع ربي ومع العبد..........لكن لازم النسان يديـر حساب ربي اكــثر

وليا ربي سترك مرة ولا 10تاكد بان الله يمهل ولا يهمل.........وان الناس شهداء على بعضهم يوم القيامة......لهذا السترى مليحة

فهمتي اختي مــــريم......ولا نــزيد نفهمك.........تقبلي مـــــــــروري

السلام عليكم خويا بن عمير شكرا لك
شوف خويا وي السترة مليحة وكيفاه ما نحبوهاش وخاصة للبنات لكن يا خويا رانا نحكو على عاداتنا اللي سيطرو علينا وخلينا ربي ولينا لما نحكو نقولو بالاك الناس ما نقولوش ربي راه يشوف فينا قهمتني نظنك إنت اللي ما فهمتش موضوعي بارك الله فيك