هذه وصفة لاخت هنا بالمنتدى وهاهي الوصفة على لسانها
لم اجربها بعد
انا نحب بزاف vinigraitte المشرية بصح راكم تعرفو غالية
امالا انا جربت شعال من طريقة بصح مكانتش تخرجلى كيما نتاع برى حتى نهار الى جبتها سوى سوى
المقادير
ملعقتين صغيرة موطارد
كاس زيت
فنجان خل
القليل من عصير اليمون
القليل من السكر
حب الخردل
الماء
ملح
الطريقة
اولا ناخد كمية حب الخردل نحمصوه فوق النار غير شوية قد ما يتحمر
من بعد ندقوه فى المهراز مدشش ماشى نردوه غبرة انا سيتها فى الرحى الكهربئية بصح طحناتهلى بزاف
من بعد ناخدو ملعقتين موطارد صغيرة ونضيفو نصف الزيت ونخلطو بالباتور ماشى باليد حتى نتحصلو على كريمة متل المايونيز
الباقى من الزيت +خل+ملح +ليمون نخلطو بالباتور غير شوية
من بعد نضيفو هاد الخليط الاخير للخليط الاول غير بالشوية وحنا نحركو بالبتور
ملاحظة منحطوش قاع الخليط نديرو كيما المايونيز
فى الاخير غادى نتحصلو على خليط على شكل كريمة نضيفولها الماء حسب الرغبة كاين لى يبغيها تقلية او كاين لى يبغيها خفيفة
واخيرا نديرو حبات الخردل مطحونة فيها
انا وضعتها فى قارورة amora مافاقوش بلى مصنوعة حسبوها مشرية
( تقرير عن مشاركة سيئة )، و الموجودة أسفل كل مشاركة .
2012-08-11, 11:17
العرض العادي
