ساعدوني و لكان بكلمة طيبة انصحوني - الصفحة 2

ENGLISHlover · 2012-06-17, 19:24

الله يعطيكم ما تتمناو والله رجعلي عقلي اللي فيها الخير ان شاء الله ربي يجيبها يا ربي اغفرلي جهلي يا رب اللهم اهدينا يا رب يا ربي اهدينا

سعاذ · 2012-06-17, 20:37

سلام عليكم
حرت واش نقولك
ياختي صح واحدة تشتي يكونوا عندها لبنات و لولاد بصح كي تولي لصح كي طفلة كي طفل المهم التربية الصاحة اختي مادنقيش لروحك شوفي لي معندهمش لولاد وروحي سقسيهم كيفاش راهي احوالهم و سقسيهم واش يتمناو وكيفاش راهم عيشين ثم تعرفي قيمة النعمة لي راكي فيها
والله نعمة الاولاد سواء بنت او ذكر نعمة كبيرة مايعرفش قيمتها غير لي محروم منها

النجمة القطبية · 2012-06-17, 22:25

اقتباس:

المشاركة الأصلية كتبت بواسطة englishlover

السلام عليكم انا متزوجة عندي طفلة و انا حامل في الرابع علابالي وش راحا نقول منافي للعقيدة و لكن كاي امراة اخرى تمنيت يكون لي ولد انا السمانة اللي فاتت رحت لطبيب عام شاف قالي باين عندك و لد والل غضتني كان متاكد من كلامو و عندي يومين رحت عند اخصائية و قالت بنت انا ماتقبلتش الامر شغل تشوكيت راني حاسة روحي راحا نخرج من ملة ربي ساعدوني توسوست انا حبيت ناخد راي اخر طبيب اخر و لمن واش ندير مازالني حاساتو ولد واش ندير ساعدوني كل يوم نبكي راحا نهبل و خايفة من ربي والله خايفة من وش راه يدور في راسي ساعدوني انصحونننييييي و لكن بكلمة

واش هذا الكلام اختى اتقى الله واحمدى ربى على النعمة
وحتى لو فرضا كانت بنت انا بنت وحيدة وامنية حياتى لو كانت عندى اختى فى رايك مليح البنت تتربى وحدها دون اخت تساندها فى الحياة
زيد علاش القلق عادى ممكن تجيبى ولد ممبعد
واحد ما يعرف وين الخير والله ادرى بالخير تقبلى زرق الله ونعمه بنفس راضية
وربى يكرمك بما تتمنين

مريم الصابرة · 2012-06-17, 22:33

السلام عليكم يا ختي ربي يطلعك على خير وتولدي بخير وتكوني بصحة إنت ووليدك إن شاء الله وإلا بنتك
يا ختي إستغفري ربي وأقراي القرآن اللي يبعثو ربي كلو مليح المهم إدعي ربي يكون بصحة جيدة وتكوني بخير كيما قالك الاخ ع/ش كاين اللي محرومين من الأولاد وراكي في نعمة والله هذا التوسويس والبكى راكي تضري فالجنين وتضري في روحك يا ختي إنعلي بليس واطلبي ربي وإدعيخ وصدقيني أنا ختي لما كانت حامل قالولها كيما إنت بالتحديد وكان عندها 2 بنات من قبل قالولها بنت قالت الحمد لله ومرة مرضت دارولها الراديو قالولها ولد وفالاخير جابت ولد يعني الراديو ممكن سكون خطأ وما تزيديش ديريه خليها على ربي يا ختي الي جا مرحبا بيه ربي يوفقك

ENGLISHlover · 2012-06-18, 17:43

اخوتي ادعولي امانة ادعولي

*أمنيآت لآمتنآهية* · 2012-06-18, 17:53

ياأختي ماتعرفي الخير وين راه،احمدي ربي لي عطالك الذرية وادعي باه يكون صالح وبار برك سواء جات طفلة وجا طفل
ماتظليش تخممي وتوسوسي في روحك هذا مكتوب ربي وواحد مارايح يغيرو اقنعي بواش عطالك وكوني عاقلة ورزينة وان شاء الله مازال تولدي وتجيبي الاولاد
ربي يقر عينك بيهم ويجعلهم صالحين

نيل المنى · 2012-06-18, 18:25

اقتباس:

المشاركة الأصلية كتبت بواسطة englishlover

اخوتي ادعولي امانة ادعولي

ان شاء الله ربي ييسرها عليك و يهنيك ،اللهم أمين

** موحدة 02 ** · 2012-06-18, 19:50

السلام عليكم
و الله حاسة بشعورك يبقى الولد يخبو الجميع و هذي سنة الحياة .. انا تاني عندي بنت و هاذ المرة تمنيت ولد هكذا يعني تبقى حاجة في نفس الانسان لكن كي علرفت بللي ولد حسيت بالحسرة لاني شفت الجميييع فرحووو بيه اكثر من فرحتهم بالبنت و هذا قال انا نسميه كذا و لاخر قال انا نسميه كذا و بدا قلبي يغمني
صدقيني ساعتها تمنيت انها كانت بنت لانك تحسي ان البنت تاعك انتي اما الولد هو للجميع تاع باباه و جدو و جداتو و عمامو و و و
اما الاصل ياختي انا ما نقولكش كاين ناس يتمناو الولد نقولك كاين اللي يتمناو الزوج الصالح و ممبعدو يتمناو **كيما يقول راجلي** و عذرا ** يشموا ريحة الكوش تع البيبي**
امالا استهداي و ارجعي لعقلك و بركاك من هاذ التخمام لانو البيبي في كرشك يحس بحبك ليه و اقعدي اتخيليها تلعب قدامك .. يعني راكي مجربة و شايفة نعمة البنت
لبسة زينة و كيكينة و حلاوة .. اقل حاجة ماتشريش كسوة جديدة تلبس مع اختها ... ابتسامة برك
الله يتمملك بخير حنونة

هدايات26 · 2012-06-19, 20:41

اقتباس:

المشاركة الأصلية كتبت بواسطة englishlover

السلام عليكم انا متزوجة عندي طفلة و انا حامل في الرابع علابالي وش راحا نقول منافي للعقيدة و لكن كاي امراة اخرى تمنيت يكون لي ولد انا السمانة اللي فاتت رحت لطبيب عام شاف قالي باين عندك و لد والل غضتني كان متاكد من كلامو و عندي يومين رحت عند اخصائية و قالت بنت انا ماتقبلتش الامر شغل تشوكيت راني حاسة روحي راحا نخرج من ملة ربي ساعدوني توسوست انا حبيت ناخد راي اخر طبيب اخر و لمن واش ندير مازالني حاساتو ولد واش ندير ساعدوني كل يوم نبكي راحا نهبل و خايفة من ربي والله خايفة من وش راه يدور في راسي ساعدوني انصحونننييييي و لكن بكلمة

لا حول ولاقوة الا بالله اختي احببت ان اشارك في موضوعك مع انني لي مدة لم اشارك في هذا الركن

لكنني انصدمت لما قراته ....ما رايك لو قلت لك ان لي 5 بنات ما شاء الله اكبرهن في سن الرابعة عشر واصغرهن

في شهرها العاشر. واذا بحثت في مواضيعي تجدين موضوع بعنوان اريد ولدا.وكان هدفي ان اعرف راي الرجال

ولماذا يفضلون الولد.طبعا الموضوع اثرته بعدما قرات العديد من المشكلات واقعة لهذا السبب

لا اخفيك انني بعد البنت الثالثة تمنيت ولدا .لكن عندما كان العكس حمدت الله وشكرته

وزدت الرابعة وانا دائما شاكرة لله..وفي الفحوصات تاع الاخيرة قال لي الطبيب ولد لكنني لم اصدقه

وقلت لزوجي افهمك وانا ماذابيا نجيب اخ لبناتي لكن احساسي يقول انها بنت

احساسي الذي عجبت منه وانا احمل الخامسة وكانني حامل في البنت الاولى.والله العظيم الناس ماصدقتش اني

صح فرحانة.لكنه ذا الشعور كان ينمو في كل مرة وانا ارى بناتي تكبر وبعد ما حققلي ربي دعائي وربيتهم احسن

تربية وبيسر ولم القى اية مشاكل والحمد لله وبناتي الان يكبرن وهن من الاوائل في مدارسهن . والان اخواتي في

بيوتهن وانا عندي اخوات معي ومن صلبي وقد عوضني الله بهن الكثير مما ابتليت والحمد لله.وكنت في كل مرة

اسمع الكلام الجارح لكن عندما اتذكر ان الله هو الدي قال ارزق من اشاء.تراجعت عن الاستسلام والتاثر وزادني

ذلك ايمانا ويقينا ان البنات رزق مثل الذكور.لانه لم يقل ارزق الذكور واعطي البنات

وزيد نحمد ربي فبي كل مرة نروح عند الطبيب ونشاهد حالات والله ندعيلهم من قلبي ربي يرزقهم وكي نشوف

حالات لمواليد مصابين بامراض مستعصية نزيد نحمد ربي ونشكره لان بناتي كلهن سالمين ومعافيين

استغفري الله وتوبي اليه قبل ان يغضب منك الرحمن وادعيه ان يتمم حملك على خير وان تلدي بسلام ان شاء الله

BAROUD · 2012-06-19, 20:44

روحي عند جينيكولوغ مشهورة تعطيك الصح

ENGLISHlover · 2012-06-19, 21:06

بارك الله وكلكفيكم اخوتي والله الي في القلب راه عالم بيها ربي و راني استغفرت ربي و لي في قلبي راها في قلبي م ربي يحفظكم ان شاء او هدايات والله هدرتك اثرت فيا اكثر الله يحفظلك بناتك وو يجعلهم فخر ليك دنيا و اخرة و الي كتبها ربي اهلا وسهلا بيها حاجة وحدة اخوتي متزعفوش مني و لكن كي كتبت الموضوع كنت مشوكية لانو الاول قالي ولدو الان الحمد لله الي جابها ربي اهلين وسهلسن بيها الله ادعولي ربي يسهلي ان شاء الله الولادة

abdallah1983 · 2012-06-19, 21:14

ربي يرزقك ولد يطيعك ويكون سبب في دخولك للجنة وهذا من حقك ان تتمني ان يكون لك ولد ولن تكوني ارحم من الله بنفسك منكي فلا تخافي وضع ثقتك في رب منح الذرية لمن بلغ من العمر عتيا وكانت امرئته عاقرا

واعلمي انه في كل امور الله خير سواء كانت بنت ام ولد

هدايات26 · 2012-06-19, 21:25

شكرا ليك والحمد لله الي رجعلك عقلك وهداك ربي وهذاك كله من وساوس الشيطان باه يدخلنا فيما لا يعنينا

ونذكرك بلي النعمة تبقى نعمة من عند الله لازم نقنعوا بيها مهما كان...لانه يعلم ونخن لا نعلم ويقدر ونحن لا نقدر

وانت مازالك صغيرة ومازال ما عرفتش ربي واش راه مخبيلك من خير. وكي تكبري شوية تعرفي واش راني نقصد

وننصحك ما تزيدش تروحي لطبيب اخر لان ه ماراح يغير والوغير ان ابليس يتفوق عليك ويخليك تبعدي على ربي

نحكيلك لى اختي عندها اربع بنات والي عاناتو من اهل الزوج يعلم بيه ربي الى ان شاء الله ورزقها. بولدين بعد البنات

صدقيني تقولي لا فرق بلبالعكس كل البنات كانت ناجحات وزوجتهم اربعتهن

.والذكور هاذاوين بداو يكبروا واول شي عرفوا به مانقراش مانديرش ما تقوليليش وهي الان كبرت وعادت ما تطيق مشاكلهم

اما البنات الحمد لله يحسدن على ماهن فيه.وهذا ما يريحها نفسيا وما يجعلها تعيش مطمئنة

لذلك انصحك ان لا تستعجلي وتفرحي الشيطان .واتركيها على الله مدبر الامور وخيرا ان شاء الله

mohamed160 · 2012-06-19, 21:30

سلام عليكم الاخت ربى يهديك هدا رزقك الله نعالى برزقك من يشاء ................. الاخت خمى شوى برك ادى الله تعالى ما رزقك بالدرية واش يكون راد فعلك الاخت استغفرى الله

fafou12 · 2012-06-20, 16:03

يا اختي كوني عاقلة انا نعرف وحدة مولدتش كانت تدعي ربي يرزقها حتى بواحد معوق راكي غالطة الف في المئة ادا بقيتي اتفكري هكدا الله يهديك و ينورك