السلام عليكم
اخي انا متابعة قصتك من الاول والله كل مرة نستنى الجديد والحمد لله اللي زدت اعطيتنا فرصة باه نتكلمو معاك
المرة اللي فاتت كاين بزاف اللي جينا نكتبو الردود لقينا الموضوع مغلق
المهم حبيت نقولك اخي الحمد لله اللي حسيت بذنبك وتبت منو لانو لكلام اللي راك تكتب فيه مستحيل يجي من عند انسان قاعد يمثل في تمثيلية
اخلص توبة وتاكد بلي ربنا سبحانه يغفر الذنوب ويفرح كي يلجا ليه عبدو ويدعيه ويستغفرو.
اما بالنسبة لزوجتكةوحاولة انتحارها والله يااخي هذا امر عادي بالنسبة لواش مرت بيه راهي تمر بحالة نفسية لايعلمها الا الله واللذين مرو بنفس حالتها.
اخي اسمحلي نقولك بلي راك غلطت كي خليت زوجتك وحدها ولاد لحرام كثار والناس والله ما ترحم
انت تشهد بلي زوجتك ذات جمال وصغيرة في السن كيفاه تخليها وحدها في عالم مليء بالذئاب
ما دام حسيت بلي بدات تتراجع علاه ما كملتش معاها وراح تتغير مع الوقت باذن الله
اخي حاول مرة ومرات وما تياس وادعي ربي يفرج كربكم
رجع زوجتك وخليها في نفس المنزل مع اهلك وانت غيب عليها ما تقابلهاش وخليها في يد امينة مع امك احسن من انك تسكنها وحدها هذا مش حل.
انصحك اخي مادام ربي موسعها عايك تصدق على الفقراء والمرضى
بنية تفريج الكرب وادعي وقول يارب كيما فرح هذا ليتيم اوهذا لمريض فرحني بقضاء حاجتي والله عن تجربة وسيقضي ربي حاجتك المهم اخلص النية لله
ورضي امك وساملها على رجليها باه ترضى عليك وتدعيلك دعوة الام راهي غالية.
ربي يهنيك طعم السعادة يعطيك ويغفرلك ويتوب عليك ومع زوتجك يخليك امييين