علوم التمريض ببجاية

[narimanovic]

[انا من سطيف و معدلي 11.67 حابا نديرها في بجاية اسكو يعطيوهالي او لا ؟؟

[mr.berns]

المشاركة الأصلية كتبت بواسطة ilyes4am3

الحياة نجاح

للاسف معدلي لا يسمح بذلك علوم والتمريض وما نظنش ادا تصحلي

علاش هاذ التشاؤم الكل
ماركي فيها جت اللهم سهل ماجتش كاين الف حاجة خير منها

[mr.berns]

المشاركة الأصلية كتبت بواسطة narimanovic

[انا من سطيف و معدلي 11.67 حابا نديرها في بجاية اسكو يعطيوهالي او لا ؟؟

الله اعلم انتي وحظك
العام الي فات
ـ علوم التمريض ( بجاية ) 12.84 ـ

[narimanovic]

اه اوكي شكراا اخي

[narimanovic]

قالو المعدل يهبط كي حلو في مستغانم بالصح ؟

[mr.berns]

المشاركة الأصلية كتبت بواسطة narimanovic

قالو المعدل يهبط كي حلو في مستغانم بالصح ؟

هي المعدلات عموما انخفضت بشكل رهيب بمعدل حوالي نقطة او 0.7
+ زيادة عدد المقاعد يؤدي الى انخفاظ معدلات القبول
+
+
+
الحظ اتوكلي على ربي وسجلي فيها انا معول نديرها برومي شوا
13.6

[أريج الليل]

هذا واش قريت عليها في جريدة الخبر ليوم25-9-2011: أكد المجلس النقابي لجامعة بجاية أن الحل النهائي لوضعية التعفن التي تعيشها جامعة بجاية منذ عدة سنوات هو رحيل رئيس الجامعة الذي وصف بـ''الديكتاتوري'' الذي يسير المؤسسة بعيدا عن النصوص التي تتضمن إشراك المجالس العلمية والبيداغوجية في تسيير شؤون الجامعة.
وحسب محتوى بيان المجلس، فإن التسيير الانفرادي كلف جامعة بجاية كثيرا وأوقعها في أخطاء فادحة آخرها توجيه مئات الطلبة الجدد نحو معهد علوم التمريض الذي لا يوجد له أثـر في رزنامة المعاهد الجامعية ولا حتى في القانون الأساسي لعمال شبه الطبي، الذي صدر في 20 مارس الماضي، وهو ما يعني أن الطلبة لما يتخرجون سيتفاجأون بحيازة شهادات غير معترف بها.
كما شجب المجلس النقابي سياسة البريكولاج التي أنهكت جامعة بجاية، حيث تم الموسم الماضي ترقية معهد العلوم الاجتماعية إلى كلية، ليتم منع تسجيل دفعة جديدة للموسم الجاري وهو ما يتنافى مع قوانين الجامعة، حيث كل الطلبة الراغبين في هذا التخصص تم توجيههم إلى ولايات مجاورة، وكان من المفروض أن يحدث العكس حسب النقابيين

[zizou93]

راني جيت (عجبك انا وين نلقى علوم التمريض ندخل ههه)
شوفي على حساب واش جمعت من معلومات عليها
علوم التمريض ليست نفسها الشبه طبي تشبهها فقط
هي اختصاص انجز لاول مرة العام الماضي في بجاية وهاذ العام زادو داروها في مستغانم
معدل القبول تاع العام اللي فات 12 مي هاذ العام يقولو راح يهبط
اول دفعة تتكون من 300 طالب
عندهم مشكل وهة نقص فالاساتذة
اكثر الوقت يعقبوه الطلاب في المستشفيات الجامعية نتاع بجاية
يهتمو بالدرجة الاولى بطريقة العناية باللمرضى
بالنسبة للاقامة مختلطة يعني نفس الاقامة فيها بلوك خاص بالذكور ولاخر بالاناث(هاذا يشكل عائق عند الاغلبية)
المشكل الوحيد و الكبير انهم مازالو ماقالوش واشي هومة التخصصات اللي كاينين فيها
والطالب ماعلابالوش واشي هي الشهادة اللي راح يحملها من بعد و ماعلابالوش اذا خدمتو مضمونة ولالالا
كاين اللي قالولي الثلاث دفعات اللولين خدمتهم مضمونة وراح يمدولهم الماستر بدون شروط(كلام) وثاني كاين اللي قالي التخصصات اللي راح يكونو فيها يشبهو لتاع الشبه الطبي يعني تخدير انعاش تحاليل اشعاع(لكن مابان والو عليهم)
يعني راهم يقراو فالمجهول
انا كنت راح نديها اول اختيار لكن تراجعت ودرتها رابع اختيار
المهم المعلومات اللي عندي كاااامل قلتهم
سلاااااااام

[zizou93]

زيدو شوفو هاذا
https://www.djelfa.info/vb/showthread...1023722&page=7

[aminaziz]

لكنه تخصص مجهول بالنسبة إلي كنت رايح نديرها في الرغبات لكن تراجعة بعدها ووضعت علوم فلاحية

[aminegege]

الله يرحم والديكم علاش مكاتخطوناش من التمريض وترحو للمحروقات والصيدلة وقيلا راهي عاجبتكم ..............غير خطيكم ولى حابين قاع ترجعو فرامل

[zizou93]

والله يا اخي درتها فالاختيارات نتاعي وخفت يمدوهالي

[أريج الليل]

شكرا على االمعلومات وعلاه تندمي عل لي درتيها بالعكس انا تبالي حاجة مليحة و لا لالا والا صح باغية تبدليها تقدري تبدليها بسهولة شوفي انت سجلتي خلصتي نهار السبت انشا الله تديري تاكيد التسجيل كيفاش تديري?تعاودي تكتبي الاختيارات اللي حابتهم من جديد هما يعتمدولك التسجيل الثاني- تاكيد التسجيل -ماشي التسجيل الأول هذا واش قالولي و الله أعلم

[حبة ملفاي]

https://www.santetunisie.rns.tn/msp_a...tion_cadre.pdf

[zizou93]

المشاركة الأصلية كتبت بواسطة أريج الليل

شكرا على االمعلومات وعلاه تندمي عل لي درتيها بالعكس انا تبالي حاجة مليحة و لا لالا والا صح باغية تبدليها تقدري تبدليها بسهولة شوفي انت سجلتي خلصتي نهار السبت انشا الله تديري تاكيد التسجيل كيفاش تديري?تعاودي تكتبي الاختيارات اللي حابتهم من جديد هما يعتمدولك التسجيل الثاني- تاكيد التسجيل -ماشي التسجيل الأول هذا واش قالولي و الله أعلم

شكرا اختي والله كنت خايفة كي عييت نبدلها من الاختيارات نتاعي
ربي يوفقك