اشكال وقعت فيه ، النصيحة رجاء

[physicist]

المشاركة الأصلية كتبت بواسطة melissa lola

اسمحلي خويا على التدخل بعثتلك ميساج تقول فيه بلي متناسبهاش ونوغمالمون خطبتها من الرجال باباها ولا خوها هو اللي يقولك هذا الكلام ومنبعد مواليها يقولولك حاولت تعرف قيمتها عندك لوكان جاو صح رجال بنتهم عمرها ماتدير حاجة كيما هاذي بلا ماتشاور واللي تحب تعرف قيمتها عند اللي خاطبها تبعثلو ميساج وتقولو نحبسو ??? ربي بينلك قبل ماتحصل روحك ماكان والو صرا هاذ الشيء وكي تولي عندك واش تدير والي محيرني صحانية الوجه انتاع باباها وعمومها نوغمالمون كي يشوفوك يبدلو الطريق ماشي يقولولك حاول تعرف واش كاين وباباها يقولك ابذل مجهودات علاه لونجة بنت الغول وزيد هذي عندها صداع دارت هكا ماحترمتش مواليها ومرة اخرى كي تمرض قراف ولا تتوحم توصلك لدار الشرع خويا خمم مليح وزيد ماهو الشيء الذي يجبرك تطيح قيمتك علا جال امراة مادارتش قدر حتى لباباها حتى لوكان حبيتها باختصار قيم روحك يقيموك الناس بنات الفاميلية كاين بلا حساب والي تقادر باباها تقادر راجلها. وبالتوفيق

ماذا اقول يا اختي الا :بارك الله فيك كيف ان في بلادي نساء عاقلات بنات اصل مثلك وانا اذهب لاختار تلك !!!!
شكراا يا اختي على كونك امرأة حقيقية -ولكل الاخوات صاحبا ت الردود

[lalib40]

على حساب هدرتك دارولك كمرة خفية هههههههههههه

[physicist]

المشاركة الأصلية كتبت بواسطة lalib40

على حساب هدرتك دارولك كمرة خفية هههههههههههه

لم أفهم قصدك
والحقيقة لا ارى مضحكا ا في هده القصة

[samirabahi]

على حساب القصة هده المخلوقة راهي تتقلش عليك معلابالهاش بلي الرجال راهم في انقراض خليها هي تولي ليك لانه حتى يفوت القطار تعرف قيمتك يا سيد الرجال.

[امينة النايلية]

المشاركة الأصلية كتبت بواسطة *بن عيسى*

كم أتنرفز و كم أتألم عندما اسمع قصصا كهذه ، خاصة عندما تكون المرأة هي لي تتقلش على الراجل ، واش حاطة روحها؟؟؟؟ الحمد لله النساء ما خلاصوش و البلاد معمرة من بنات الحلال لي شاهيا تتستر ........و كاين لي خير منها و ما تجيش - حاشاكم- في وسخ ظفرها ...........
إن كنت ستسقط من عيني أمك اذا عدت لهذه الفتاة ، فأنا أقول لك أنت مش راجل اذا فكرت للحظة في السؤال او الاستفسار عن هذه المرأة

هذي العقليات هي لي خلات النساء تتفرعن..... الله يسهل عليها ماهيش حابة تتزوج دبر راسها...... شوف مرأة أخرى و خلاص الفيلم

اعذرني لمراه ماعندها حتى قيمة معاك نتا ولا كفاش
خاصة عندما تكون المرأة هي لي تتقلش على الراجل ، واش حاطة روحها؟
اولا الخطبة داروها باش كل واحد يدرس الطرف الثاني وعندهم الحق اذا حبسو فالخطبة هي اصلا هاك

وهاذي رفضت تكمل امر عادي مافيها حتى تقلاش ممكن عندها اسباب مش متعلقة اصلا بيه هو.

هي وحدها تعرفها!!!! وهو ماتخافش عليه يلقى وحدة تقبل بيه ياك راهم على الكرسي متحرك ومتزوجين .

الرجالة المجتمع راه معاكم على طول الخط حتى وليتو تحطو رواحكم حاجة كبيرة ونسيتو عيوبكم فيق لروحك

ستسقط من عيني أمك اذا عدت لهذه الفتاة ، فأنا أقول لك أنت مش راجلحنا قلنالو الاب تاعها مادام ماهوش رافض تهدر مع بنتو كان الاولى بيه يقوللها هي تعيطلو وتوضحلو الامور اذا راها مندمة بدل مايقعد يجيح في روحو وحب يحل المشكلة بالمقلوب ونتا قاعد تعاود تهدر كيما هاذ الاب على حاجة تافهة قتلو ماكش راجل!!

[first first]

يااخي....قد يكون رفض الفتاة لك لخوفها او لصغر سنها واو لانها لازلت غريبا عنها فلم ترتح لك..تتعدد الاسباب.
نقولك استخير........................ثم قرر تكلمها او لا..........................اما امك فشاورها قبل ان تقدم على فعل اي شيء..مع اني لاارى في محاولة الفهم اي انتقاص من شانك .فهي طريقة تحفظ لك كرامتك ادا اردت اتمام الخطبة من جديد.
يمكنك اقناع الام......................لكن قبلا استخر فانت لاتدري في اي تصرف الخير.
ربي يوفقك.

[السي محمد]

نصيحة من خوك....لا تسأل عنها و ابحث عن غيرها

[Jack-Sparow]

وعليكم السلام و رحمة الله

أخي الكريم أنت قدمت الأسباب و تقدمت إلى الفتاة و كان كل شيء يسير بشكل جيد ...ثم فجأة ترسل لك رسالة بأنها رفضتك ...

لوكان جيت أنا في بلاصتك ما نزيدش ندور بيهم كامل و مانحوسش خلاص علاش بطلت هي ..ربي يسهل عليها ...راك عندك شخصيتك و عندك قدرك ...

من الجهة الاخرى امي ، ساسقط من نظرها سقطة لا اقوم بعدها ابدا اذا انا حاولت العودة الى امراة قالت مرة اناه لا تريدني ،

تبع راي أمك تنجح خويا ...

[ايمان نور الجزائر]

واضح تماما انو البنت لا تريدك ولها اسبابها اكيد تعلمها هي فقط
وعائلتها تريدك زوجا لابنتهم
وبما انو الموضوع انتهى برسالة من عندها فقد انتهى لحظة تلقي الرسالة ولا رجوع فيه
لربما لو كانت مدة الخطوبة اطول يمكنلك تستفسر تحاول معاها
لكن هاذي مدة قصيرة واش عرفت عليك واش شافت منك؟ اكيد ولا شيء
ويبدو انها اتخذت قرارها مؤجلا بخصوص الموافقة
لذلك خليك من اهلها وقولهم بنتكم رفضتوتم فسخ الخطوبة ونحيت موضوع بنتكم من بالي
ولا تعرهم اهتماماااااا
ابحث عن فتاة اخرى ربي ييسرلك

[salem1985]

اخي اقول لك اذا عرف السبب بطل العجب اعرف السبب ومن بعد قرر

[karim.dz]

شوف اخي الخطوبة داروها على هذا الشي هي رفضت من حقها ترفض نقطة الى السطر
انت ماتحوس على الاسباب ما تحوس عليها المعنية بالامر رفضاتك

[بيلسان الجنان]

السلام عليكم

والله يا اخي بالنسبة لي اخر شيئ اتمنى النصح بيه هو (اترك ..طلق,,لا تستمع انسى امرها )لاننا لا نعرف ماتخفيه القلوب

سأحكي لك
لي ابن عمه خطب فتاة قريبتنا اول مرة سمع من الناس بانها تتكبر ولا تريد الاكمال وان اختها من تغصبها عليه
ثم اتصلت به اختها واخبرته ان الناس تكذب وانهم بانتظاره و يجب ان يكمل ما بدء يه (للعلم كانت تعرفه وتحدثه منذ سنوات وبرضاها)
اكمل الخطبة وخسر عليها كثيرا من مهر و اعياد وكل المستلزمات ولم ينقص شيئ
قبل اشهر من الزواج اخبرته انها لا تريده وكيما قالت خطيبتك خواطر
فتوقفا هو لم يفصح عن السبب وهي قالت انه من لا يريدها فأخذ ابوها واخوتها يلومونه ويترددون على والده ويقولون ان عملت ابنه لا يفعلها الرجال هنا طفح به الكيل واخبرهم الحقيقة هنا استغربت كثيرا (كيفاه مادارت حساب لباباها لخاوتها لعمامها للرجااال لكلمة الرجال سبحان الله)


لذا اخي قلبك دليلك اذا انت تشعر ان هاته الفتاة تتكبر ولا تريدك فانساها تماما ولا يوثر عليك اي شخص فكرامتك تفوق كل شيئ اما ان شعرت ان في الامر لبس فعليك بالاخذ بالامور ومعرفة الحقيقة

بالنسبة لي ان ارجع لشخص قال لا تناسبينني لا والف لا كرامتي فوق كل شيئ

الطفلة تعرفها من هذه المواقف يا اخي ولستما مراهقين حتى تختبرك و ايضا الاختبار ليس هكذا

وفقك الله وتيقن ان الله سيكرمك باحسن منها و يوما ما ستقول كان لي و يا ليته يعود ^_^

[رندة نهاد]

مراااااااااااحب

_ في المركب وما تعرفها لمن تكتب _ احمد الله انكما في اول الطريق وبانت على حقيقتها
1/ بعثت ميساج
2/ غلقت الهاتف = لا اود الرجوع اليك ولا تبحث عن السبب
كاينين ناس بزااااف كيما هك ونعرفهم اللي فسخو الخطوبة / كاينة فتاة كانت مع قريبها ل 7 سنوات ونهار خطبها قبلت وبعد شهرين رفضت لم يتوانى ابدا هو الاخر وفضل كرامته على او يرجع للي رفضاتو تزوج باخرى وسيصبح ابا عن قريب ولا يعاني من اي مشكلة
خويا كل شئ بالمكتووووب وباباها اسمحلي انووووووووش من الكبار _ الله يسترنا وين وصلنا......
كيما تعلقت بيها ا رايح تنساها وهذا ينسي في هذا
ربي يكتبلكم اللي فيه الخير في 2

[الناصر لدين الله]

المشاركة الأصلية كتبت بواسطة physicist

السلام عليكم

ارجو ان تعينوني بارائكم //ايها الرزينون فقط اواصخاب المعرفة بالحياة فشكرا

أحييك على هذه الصراحة
فأصبح كل من علم بمواقع الحروف في لوح المفاتيح
يكتب ويفتي في حل مشاكل الناس
حتى أن بعضهم بكلامه الجارح يعمق من جرح المجروح

[" أبو عبود"]

الخطا الاول انك تفكر ترجعلها وتحاول معها وهذه صراحة قلة رجولة ورخص منك ان فعلت.
الثاني انك لا زلت تكتب عنها وتضيع وقتك في شيء لا فائدة منه.
الثالث، لو كنت مكانك وبقيت هي فقط امراة فلن اتزوجها ولو قبلت قدمي
الرابعن هلا بحثت عن غيرها وتتركها حتى تشبع عنوسة فهذه لا خير فيها