الدزيريات مع تلبيتا لطلب أخت غزالة الصّحراء وكل غاليات المنتدى

[crono]

لسلام عليكم ورحمة الله وبركاته
نتمنى تكونو بخير اليكم طريقتي في صنع حلوى الدزيريات نتمنى تعجبكم
مشهورة كتيــر في الأعراس و الولائم

بسم الله نبداو المقادير :

العجينة 3كيلات فرينة نص كيلة زبدة ذائبة ملح فانيليا "أنا نستعمل تاع الميزان نحط ملعقة قهوة"

ونعجن بماء الزهر و ماء حتى تولي طرية بعد ما نلم العجينة نقسمها أقراص و نضعها في كيس بلاستيكي و ندخلها الثلاجة ترتاح

عن نفسي نخلاها ليلة كاملة في الثلاجة تشبع راحة حتى يسهل التعامل معها و تتحصلي على النتيجة لي ترضيك


حضري الحشو 3كيلات لوز مرحي رقيق كيلة سكر قلاصي 1ملعقة كبيرة قشور القارس و 1ملعقة كبيرة فانيليا

وانا اضفت من عندي ملعقة صغيرة الخميرة الكيماوية و طميها بالبيض 3الى 4 حبت حسب الحجم

على طاولة نرش العجينة بالنشاء و بسطي العحينة ثم قطعي شرائط طولها 10 سم و مرريها في الة العجين في الرقم 2 ثم 5 ثم الرقم 7.

و العجينة دائما مغطية باه متشيحش قطعي دوائر بواسطة مول قطره 8 سم ضعي كرية من الحشو في الوسط.

بمساعدة عود الأسنان نقوم بتثبيت العجينة على الحشوة

وبمساعدة الأصابع قومي بتسوية الحلوى على شكل وردة بالضغط على الحواف

ضعي الحلوى في صينية مرشوشة بالفرينة و اطهيها في الفرن متوسط الحرارة و عند خروجها:

غطسي الحلوى بكل عناية (حتى لا تتكسر جوانبها) في العسل قومي بتزيين الحلوى كما تريدين

بنفس العجينة درت عش البلبل





ولا هدي اخترع تع بنتي





نتمنى حبيباتي الموضوع يكون عجبكم و الشرح كان كافي أي سؤال أنا في الخدمة
ننتظر في تطبيقاتكم
و عندي طلب ادعولي بتيسير الحال
سلاااااااااااااااااااااااااام