جينواز و طريقة تزيينها بعجينة السكر من صنعي

[walido2011]

السلام عليكم اليوم درت جينواز و زينتها بعجينة السكر أو الفوندان و أتمنى أن تنال إعجابكم
المقادير:
أنا درت 2 جينواز و راح نكتب المقادير تاع وحدة و نتوما ديروهم لتنين
4 بيض
120غ سكر
120 فرينة
1 ملعقة شاي خميرة كيميائية (بصراحة الخميرة في الجينواز ما تندارش باش طلعها نديروها باش تخففها و تجي الجينواز خفيفة بزاف)
1 ملعقة قهوة فانيلا


و بالنسبة لعجينة السكر كاين لي يشروها لكن أنا نديرها فالدار و المقادير هما:
الجيلاتين ورق حوالي 10 غ
حوالي 6 ملاعق عسل
الماء حوالي 3/4 كوب باش ندوبو الجيلاتين فيه
و الزبدة حوالي 30 غ
السكر غلاص بدون كمية تبقاو ضيفو حتي تتشكل عجينة

طريقة تحضير عجينة السكر:
نضع الجيلاتين في الماء البارد و نتركها 10 دقائق حتى تصبح طرية ثم نضعها في إناء فوق حمام مائي مع العسل و الزيدة و نترك الكل يذوب و منبعد نحيهم و نبدا نضيف فالسكر حتى تتشكل عجينة نغلفها مليح و نضعها في علبة و نغلقها و نتركها ترتاح و تجف و من بعد كي نجبدها ندهن يدي بالزيت و نعجنها تعاود تطرا و نلونها حسب الرغبة

طريقة الجينواز :
نضع البيض و السكر و الفانيلا في إناء فوق حمام مائي و نضربها على سرعة متوسطة لمدة 5 دقائق



و بعد مرور 5 دقائق نحوه من الحمام المائي و نكمل نضرب حوالي 7 دقائق حتى يصبح الخليط هكا



ننخل الفرينة و الخميرة و نضيفهم للخليط على 2 و نخلط بلعقل من تحت للفوق



نحط في مول مدهون و مرشوش بالفرينة




و ندخلها الفرن 180° حوالي 25 دقيقة و هادي بعد ما طابت



ننزعها و نخليها تبرد



و نروح نحضر الجينواز الثانية.

بالنسبة للكريمة أنا درت كريمة الزبدة العادية ومقاديرها:
350غ سكر غلاص
400غ زبدة
1/4 كأس ماء
1/4 كأس زيت



وبالنسبة للمنكهات أنا درت خليط درت شويا شوكولا تع الغبرة ذوبتها مع شويا قهوة و ذوق تاعها يجي بزاف هايل
الطريقة :
نضع السكر في إناء غامق أنا حطيتو في قدرة بالنسبة لي ماعندهمش عجانة باش ما يطيرش الخليط و نضيفلو الماء و نضرب بالباتور و مبعد نزيدو الزيت و نزيد نضرب و في الأخير نرميو الزبدة لي تكون بدرجة حرارة الغرفة و نضرب حتى تولي كريمة ثم نضيفلو خليط الشوكولا و القهوة و نزيد نضرب.



نحضر شاربات بنصف كأس سكر و كأس ماء نخليه يعقد شويا
و نشرب الجينواز الأولى و الثانية



نضع فوقها الكريمة ثم طبقة الجينواز الثانية و غطيها كلها بالكريمة



أنا نحطها فالثلاجة و نخليها حتى ل ثاني يوم و نزينها باش جيني ساهلة
و هنا نبدا فالتزيين



نحل العجينة بسمك 0.5 سم و نغلف بيه الجينواز و نبدا نمسح فالسطح حتى يولي ليس وحتى الجوانب و نقطع الزوائد




و لتغطية التغليفة من تحت أنا درت كريم شانتيي ملونة بالأصفر و درت دوائر و التزيين ديروه كيما تحبو أنا درت نونورس بعجينة السكر الزرقاء و البنفسجية و أزهار بيضاء و صفراء بالعجينة أيضا و نشالله تعجبكم و تجربوها
وهذا هو شكلها في الأخير