افضل تشكيلة مانشافت مكونة من لاعبي البونديليغا 2012/2013 - الصفحة 2

ريحانتي · 2012-10-04, 23:45

اقتباس:

المشاركة الأصلية كتبت بواسطة maymay

هههههه علاه عليك يا ريحانة...خضيرة له ايامه التي يلعب فيها بقوة لكن شخصيا اعارض دخوله على حساب كروس..ارى ان لوف يظلم كروس كثيرا بقراراته هذه..
++
التشكيلة من الوندسليغا فقط

انا مايعجبنيش هاد اللي محصلين فيه لاعب
الريال دارت غلطة كبيرة

maymay · 2012-10-05, 00:02

اقتباس:

المشاركة الأصلية كتبت بواسطة ريحانتي

عجبه الحركي على اولد بلاده

هههههه هاذي نفس الفكرة لي نشوف بيها اللاعبين مزدوجي الجنسية،كيما بن زيمة مثلا مانحملش نسمعهم يقولو اللاعب الجزائري كريم بن زيمة..ماهوووش جزائري،لانو باع بلادو..بصح من ناحية اخرى،وشمن مستقبل كان راح يلقاه خضيرة ولا بن زيمة ولا حتى زيدانج كون لعبوا من الجزائر ولا تونس؟؟اكيد كانو راح يبقاو في التخلف تاع الرياضة تاعنا..يعني،من ناحية،هوما باعو بلادهم،بصح من ناحية اخرى عندهم الحق،شافو مستقبلهم..

فيما يخص كروس و خضيرة،على كل حال،لوف ونعرفوه و نعرفو الخرجات تاعو..ان شاء الله يفيق برك و يتعلم الدرس(لي تكرر عديد المرات)

maymay · 2012-10-05, 00:09

اقتباس:

المشاركة الأصلية كتبت بواسطة ريحانتي

انا مايعجبنيش هاد اللي محصلين فيه لاعب
الريال دارت غلطة كبيرة

هو ظهر بمستوى جيد في وقت ما..ادى دورو بشكل جيد كبديل لغياب بالاك في كاس العالم الاخيرة و سد الفراغ لي خلاه،في الوقت لي كان فيه كروس كما يقولون"لاعب مغمور"ماعندوش تجربة كبيرة..الآن،و بحكم لعب كروس و شفايني معا في البايرن،ارى انه من مصلحة المانشافت ادراجه اساسيا مكان خضيرة لخلق تناسق اكبر..و شخصيا اراه افضل منه بكثييييييير..

ماننكرش دور خضيرة،هو يلعب كي شغل السهل الممتنع،مايبانش بزاف،وفي نفس الوقت يكون واقف مليح..اتحدث في المانشافت،في ريال مدريد ماشفتوش بزاف..
.
.
.
(عذرا على الاطالة..وليت نهدر بزاف يا ريحانة

)

Le vrai Makadam · 2012-10-05, 00:39

خضيرة ، اسم على مسمى ، مثل خضيرة الكسكس

Le vrai Makadam · 2012-10-05, 00:40

اقتباس:

المشاركة الأصلية كتبت بواسطة ريحانتي

انا مايعجبنيش هاد اللي محصلين فيه لاعب
الريال دارت غلطة كبيرة

المشكل ان العام آلماضي ، كان مدرب مانشستر اليكس فيرغسون حاب جيبو
مافهمتش انا كيفاش راهم شوفوا في البالون

maymay · 2012-10-05, 12:40

اقتباس:

المشاركة الأصلية كتبت بواسطة maymay

لا لا بل لاعب فرانكفورت

شوفو هدفي اليكساندر ماير لاعب فرانكفورت...خااااااصة الاول في الدقيقة 66...روووووووعة،على الطاير حطها في الشبكة..
هنـــــــــــــــــــا

Le vrai Makadam · 2012-10-05, 14:11

قمة الروعة
شكرا

ريحانتي · 2012-10-05, 18:23

اقتباس:

المشاركة الأصلية كتبت بواسطة Le vrai Makadam

المشكل ان العام آلماضي ، كان مدرب مانشستر اليكس فيرغسون حاب جيبو
مافهمتش انا كيفاش راهم شوفوا في البالون

كبر وخرف ..............

Le vrai Makadam · 2012-10-05, 19:37

نويير
لام ـ هوميلس ـ بواتينغ ـ هوفيديس
باستي ـ كروس
شورله ـ غوتزه ـ رويس
پترسن

واش رايكم ؟؟؟

maymay · 2012-10-05, 20:28

لكن بيترسون لم يسجل سوى هدف واحد منذ بداية الدوري،هل يصلح ليكون راس الحربة للمانشافت؟؟

Le vrai Makadam · 2012-10-05, 20:58

لاعب موهون ، انا صراحة يعجبني ، لكن العام الماضي لم تعط له فرص ، مع بعض الوقت لللعب اظن انه يمكن ان يكون احسن مهاجم الماني ، فقد قليل من الثقة بالنفس ، سي نورمال

maymay · 2012-10-05, 21:12

هذا العام امامه فرصة لاظهار ماله من قدرات،هو الان يشارك مع فيردير عكس العام الماضي مع البايرن اين كان ناقص منافسة،لذا سنرى ما سيفعله..

ريحانتي · 2012-10-05, 22:22

اقتباس:

المشاركة الأصلية كتبت بواسطة le vrai makadam

نويير
لام ـ هوميلس ـ بواتينغ ـ هوفيديس
باستي ـ كروس
شورله ـ غوتزه ـ رويس
پترسن

واش رايكم ؟؟؟

نصف اللاعبين مانعرهمش ههه

Le vrai Makadam · 2012-10-06, 00:13

اقتباس:

المشاركة الأصلية كتبت بواسطة ريحانتي

نصف اللاعبين مانعرهمش ههه

الكل يلعب مع المانشافت عدى پترسن