الجزء 169 من واش طيبتي اليوم

[RIMA.87]

المشاركة الأصلية كتبت بواسطة omelbanin

السلام عليكم، كتبت موقبيل رد، طفاتلي التابلات، بصحتكم كامل واش طيبتو، ام ساجد اطايبك روعة حبيبتي،
ام هاجر وحيووتة بصحتكم الكرنطيطة،
ام هدول شهيتيني في البغرير، قلت والله غير نروح نديرو، قالك عاند ولا تحسد هههه.
حياة يا شاطرة، درتي تشاراك خرجلك هاااايل .
ليزا على سلامتك حنونة، ربي يجيبلك الشفاء حبيبتي، ويتربى المزيود في عزكم ان شاء الله.

و عليكم السلام و رحمة الله و بركاته
بصحتكم اختي ام البنين
ما شاء الله عليك راكي خفيفة تم تم درتيه
و خرجلك

[ام ساجد]

حيوتة حبيبتي الله يسلمك اويحفظك

ام لجين وهيثم الحلويات روعة كالعادة ومبروك على اختك الدويرة وربي يعمرها
بالدرية الصالخة امين يارب

ام هدول واش راكي حبيبتي واشهم لبنات ربي ينجحهم ان شاء الله وتفرحي بيهم

ام سراج عسلامتك وبصختك العرضة ومبروك على خوك البنية وسخفتيني بالزرير

[ام ساجد]

اختي جازية بصحتكم السوفلي

حيوتة وجهتي امل بصحتكم الكرنطيطا حبيت نسقسيك حيوتة نحنا مانديروهاش بصح لقيت حمص الكرنطيطا وحنص عادي مرحي ويناهي لي تجي بيه احسن

ان البنين بصحتكم اختي

عائشة الحلويات امممم تهبل يعطيك الصحة

تاجو الف مبرو ك لبنت خالتك وربي يكملها يهنيها

ام ياسو بصحتك البيري حتى انا درت ها اليوم

ام سراج حبيبتي راو الموضوع مثبت في قسم الاطباق الرئيسية تاع المفور

ام هدول بصحتك الغرايف راني ساخفة عليهم وماقدرتش نديرهم تفنيين

ريمة بصحتكم السردين تهنيتو من اللحم

[ام ساجد]

ليزا عسلامتك اختي والف مبروك الكتكوت يتربى في عز والديه

وربي يشفيك حبيبتي

[lyzzabel]

نسيت ما باركتش لجاازياا ..ألف مبرووووك الكوزينة الجديدة حبيبتي جازياا و ربي يجعلها فال خير للجميع يااارب و يفرحك ببنيااتك حنووووونة

و بالمناسبة نقول لتووووبتي الحلوة النشيطة بارك الله فيك على الكوزينة لي فاتت حلوة كيما نتي و في كل وحدة زهااتها بحضورها مواااااااح ليكم قاااااع

أم ساجد و حيوووتة و ريمة و حياتي ربي يحفظكم و شكراً على الترحيب و الدعاء غاليااااتييي و تسلم اناملكن على كل ما تقدمنه مما لذ و طاااااب
نخليكم في لامان و الله يدخل الفرحة لقلووبكم و دياركم اللهم آمييين

[حياة نور الدين]

ام ساجد انا نشري حمص كرانطيطا لاخر نظن يديروه في بللصة شابلوغ او مرات في لبينيي مالحين بلاصة الفرينة
وربي يخهليك على كلامك

واااااا شفت ليزا دخهلت ودعاتلي وهي نافسة يا ربي يتقبل حبيبتي والف مبروك وربي يشفيك عاجلا لا اجلا ودموعي طاحوا من الفرحة حنونة ربي يدوم لمتنا واخوتنا وربي يحفظك انت والبيبي يا رب ويفرحك بخاوته ان شاء الله

[RIMA.87]

السلام عليكم
ام هاجر بصحتكم الكرانتيكا تفاهمتو انت و حياة و باذنجان اذا حارة خليلي شوية ،
اختي موستا حلوياتك رووووعة ربي يبارك فيك ،

اختي زينب ان شاء الله تكوني بخير انت و عائلتك

ام ساجد طيابك ما شاء الله يشهي بصحتهم عايلتك و ربي يبارك فيك و يحفظك،

التشاراك يا حيوتة اممممم هايل بصحتكم ،يعطيك الصحة راكي نشيطة ما شاء الله،

اهلين و سهلين يا هلا و الف مرحبا بك اختي ليزا ،بارك الله لك في الموهوب لك و شكرت الواهب و بلغ أشده و رزقت بره ان شاء الله ،
ادعو الله ان يشفيك في القريب العاجل و تقومي بالسلامة لاهلك و بيتك و تتحفينا باطايبك ،

[ام ساجد]

الله يسلمك حياتي تعيشي حبيبتي

ريمة تسلمي حنونتي ربي يحفظك اختي

شكرا حيوتة ان شاء الله نشريه ونجربها نحنا الحنص هداك نديروه غريبية يجي امممممم

[Oum Aness Bba]

السلام عليكم

واش راكم البنات كاااااامل دون استثناء ودون ذكر الأسماء

مبارك الكوزينة أختي جازية أم البنات إن شاء الله عامرة بناسها وبالخيرات يا رب
توبة كوزينتك كانت هااااايلة خفيفة ظريفة كي مولاتها ما دخلتش لكن تبعت من بعيد

دخلت على جال حبيبة قلبي وأختي في الله ليزا العزيزة
بارك الله لك في الموهوب وشكرت الواهب وبلغ أشده ورزقت بره
أسأل الله أن يجعله ذخرا للإسلام والمسلمين يا رب
فرحت بزاااااااف كي سمعت بيك سلكتي هذا المهم وإن شاء الله ربي يعجل ليك الشفا غاليتي وترجعي تنوري الكوزينة كيما موالفة
وراكي تسأليني الطمينة كيما اللي درتيلي كيما زيدت بياسمين هههه

[ام أمينة]

السلام عليكم ورحمة الله وبركاته مساء الخير
دخلت نبارك لحبيبتي ليزا بارك الله لك في الموهوب وشكرت الواهب وبلغ أشده ورزقت بره
أسأل الله أن يجعله ذهرا للإسلام والمسلمين يا رب
ربي يجيبلك الشفاء ووووووووووووووووو شحال فرحت كي لقيتك دخلتي
ونبارك لحبيبتي ام سارة تتربى في عزكم ودللكم وربي يكبرها في طاعتو وينبتها النبات الحسن يااارب
ولعقوبة ليك زيك وكامل ليتمناو الذرية الصالحة يارب العالمين

[ام أمينة]

نسيت نبارك لمولات الكوزينة الجديدة
كوزينتك مشاء الله روعة كيفك
فرحت برجوع عزيزتنا ام ساجد ام الاء
وام سيراج توحشتكم بزاف بزاف
لبنات كامل يعطيكم الصحة حطيتو خير وخمير مشاء الله روعة روعة روعة يعطيكم الصحة

[mosta*limoges]

ليزابيل ألف مبروووووك و لحمد الله علىسلامتك يتربى في عزك و عز بوه
و لعقوبة لباقي الحوامل ربي يتمم الحمل و يسهل الولادة
الله يبارك أطباقكم تشهي ما شاء الله

[انا هي رزيقة]

السلام عليكم مساءكن سعيد يا احلى لمة دخلت على سلام ليزاتي العسل المحمل بكل حب و ود لكل بنات الجلفة الف حمد لله على سلامتك حبيبتي الغالية و ربي يتمملك على الف خيرباذنه و يحفظلك المزيود الجديد مع كل خاوته يا رب و يا عمري شحال حشمتيني بكلامك الزين لي طلعلي مورالي للعلالي و الله كل فحولتي قطرة من ماء بحر فحولتك يا احلي ليزا الف الف شكر حنونة
اختي ريما الفين هلا بيك و اخيرا رجعتيلنا باطايبك المتميزة ربي يبارك فيك اختي
ام ساجد ام لجين هيثم ام سراج و ملاك ام هدول جازيا حياة نور الدين ام تاجو ام ياسمين ام هاجر يسلمو على الاطايب الزينة سورتو القواطو يا مامي تحفف فنية نموووت و نعرف ندير شوية قواطو يشبهو لتاوع ام لجين او ام سراج او ام مريومة ..... خخخخخخ ربي يحفظلكم تلك الانمل الذطهبية حبيباتي
ام هدول سخفتيني في البغرير يا مصيبة و انا في الخدمة مشي كيما ام البنين لي شمرت تم تم على يديها و جابتهم فوق هذيك لاتوال الوردية يسلمو دياتك يا ام البنين يا هك الفحولة و لا بلاش
حياتو الغالية يعطيك الصحة على التشاراك الزين ربي يبعد عليك العين حنونة
لبنات سامحوني مراجعتش مليح راني خايبة اليوم الخدمة عياتني شوةي نخلفهالكم مرة اخرى و نديرلكم جرنان كي تع توبة او مريومة الزينة حقا وين راكم اظهرو و بانو عليكم الامان يا زينات الحومة

[oum ibrahim]

مساءكم ورد و فل و ياسمين يا حلوين و صح عيدكم و لو انها متاخرة ان شاء الله تكونو عيدتو بالصحة و الهناء يااااااااارب
جازيا الف الف مبروك الكوزينة الجديدة هذا وين كتب ربي ندخل النت ماكانش و كي تكون ثقيييييييلة واعتيتن هههه
و نبارك الحبيباتي ام سارة و ام صفوان بالكتاكيت الف الف مبروك يتربو في عزكم وربي يصلحهم و يحفظهم و يجعلهم من حافظين لكتابه ياااااااارب
ماصورت والو في العيد الله غالب الوقت بححح و زيد عيدت عند عجوزتي وللاسف انا تاني فسدلي اللحم لكن الحمد لله على كطل حال المهم النية ربي يتقبل
نحاول نحمل شوي صور من قبل العيد

[Oum Aness Bba]

مبارك عليك 🎀سارة🎀 أختي أم كاميليا هذا وين فقت هههه

بارك الله لك في الموهوب وشكرت الراهب وبلغ أشده ورزقتي بره

جعلها الله من العفيفات الطائعات البارات الحافظات لكتابه والعاملات به ...آمين