دورة الفراشات الشاطرات في التنظيم و التنظيف خلال اجازة الصيف

[mosta*limoges]

السلام عليكم أخواتي الفراشات الله الله عليكم الله يبارك
أختي حبيبة بارك الله فيك على الكلمات الطيبة و التشجيعات ربي يجازيك عنا كل خير
بالنسبة ليا و الحمد لله من اليوم الأول لبديت فيه نتبع في الدورة و التطبيقات رجع النظام لحياتي و من جميع النواحي فشكرا لجميع الأخوات و خاصة الأخت حبيبة فبفضل الله و عونه أولا و بفضل هذه الدورة و الدورات السابقة تغيرت حياتي للأفضل و رجعت نحس بالسعادة و الراحة في بيتي و مع عائلتي الصغيرة
و خاصة مع بداية شهر سبتمبر الذي كنت أنتظره بفارغ الصبر ففي هذا الشهر سيكون موعد ولادتي لإبنتي الثانية إن شاء الله أدعولي معاكم ربي يسهلي الولادة

[ام آدم]

ربي يسلكك على خير الاخت موستاو يجعل ولادتك ساهلة ويسيرة ان شاء الله

[بيان 5]

ربي يسهلك ولادتك وتفرحي ببنتك قوليلا كيفاش راح تسميها ان شاء الله

[saja safia]

المشاركة الأصلية كتبت بواسطة بيان 5

والله يا اختي انا من ولاية خنشلة في منطقتي يمدو 300الف هدا للعاملة صباحا ومساء اما بالنسبة لي راح نحط ابني عند امي ان شاء الله لابالي راح تتهلى فيه خير من الناس
ربي يباركلنا فيها ويطول في عمرها

بارك الله فيك
وربي يخلي لك ماماك صح مكانش خير من يماك
انا للأسف نسكن في ولاية خلاف على دارنا

[بيان 5]

بارك الله فيك ربي يباركلك في بنتك بيها تنساي بعدك على اهلك

[saja safia]

المشاركة الأصلية كتبت بواسطة ام آدم

صباح الخير اختي انا من ولاية سوق اهراس و حتى انا حطيت بنتي غير االصباح برك (نص نهار)على 200 الف الشهر

بارك الله فيك وربي يجازيك
ربي يبارك لك في بنتك

[ام هزار]

كيف حالكن جميعا دون استثناء القديمات و الوافدات حديثا ؟ اتنى ان تكن في احسن الاحوااال...... اللهم اميييين
قائدتي الملهمة حببببوووووووووبة شكرا جزيلا على ما قدمته و ما تقدمينه من هدايا نفييسة لنا كل يوم اسال المولى عز و جل ان يجازيك الجنة اللهم اميييين
اعذريني حبيبتي راني جيت نطل فقط و نرجع لاحقا بحوله تعلى لانه ما زال لدي التزامات ولكن قليلة خارج البيت ....راني روحت غير البارح ليلا لداري نتفقدها و غسلت القش دائما ليلا و في الصباح نضت على السادسة الا عشرين دقيقة فطرت انا و زوجي .ما صليتش لاني بالعذر الشرعي ....... درت تنظيف عميييييق للارضيات و حضرت غداي لا بيري مع دجاج في الكوكوطة ...... على التسعة ناضت بنتي اهتميت بيها حتى العاشرة و النصف كملت مراقبة الغداء و ترتيب غرفتها و كملت رجعت الاثاث لمكانو ...... على 12 و 30 تغديت انا و بنتي الزوج غايب و شربت فنجان قهوتي المعتادة و لكن هذه المرة خطا لانه لا يبناسب ايلم العادة ..........المهم قرات ما كتبت بتمعن و تركييييز ......و عقدت العزم باذنه تعالى ان احيا حياة طيبة اكيد بالاخذ بالاسباب التي ذكرتيها و الله المستعاااااان
غدا ان شاء الله هو بداية استئنافي لعماي و في المساء لديناعرس عائلي مقرب في و لاية اخرى ملزم علينا حضوووره ونسال الله تعالى ان يتقبل نيتنا في صلة ارحامنا و في كل اعمالنا اللهم امييين
لي عودة لاحقا ان شاء الله لاضع تقريراتي المفصلة في كل نواحي حياتي ......عفوا على ركاكة التعبييييييير راني في عجلة و لخبطة و بنتي راهي تجبد في من يدي و تقولي نوضي هزيييييني هذا وين ناضت
سلامييييييي للجميييع

[mosta*limoges]

المشاركة الأصلية كتبت بواسطة ام آدم

ربي يسلكك على خير الاخت موستاو يجعل ولادتك ساهلة ويسيرة ان شاء الله

المشاركة الأصلية كتبت بواسطة بيان 5

ربي يسهلك ولادتك وتفرحي ببنتك قوليلا كيفاش راح تسميها ان شاء الله

اللهم آمين شكرا على دعواتكن إن شاء الله راح نسميها ياسمين

[الطائعة لزوجها]

المشاركة الأصلية كتبت بواسطة حبيييبة

حبيباتي.. أخواتي.. عائلتي الحبيبة
اود أن أزف اليكم خبرا سارا يتعلق بي
اليوم بفضل الله و توفيقه و نعمته
تمت مراسيم خطبتي
و لبسني زوج المستقبل خاتم الخطوبة

العرس مقرر يكون بعد عيد الاضحى باذن الله
لكن لازلنا لم نحدد بعد التاريخ المناسب
لعقوبة لكل البنات و الله يسعد قلوبكم جميعا و يفرحكم يااا رب

مبروك مبروك عليك فعلا هناك روح المنافسة فبارك الله فيك اختي على المبادرة الطيبة و الله يتمم لكي عرسك عن قريب

[بيان 5]

الف الف مليووووووووووووووووووووووووووووووووووووووووووووووو ووووووون مبرووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووك
ربي يتمم على خير

[ام محمدْ ومريمْ]

سلام اخواتي انا شوية راني منيش منظمة هذه الايامات لان ولدي مريض بعون الله اذا تحسن ساعود الى الهمة والنشاط
موستا ربي يسلكك على خير

[sara8387]

الف الف مبروك حبيبتي ...انششاء الله تتهناي بلاكي تنساينا ..ارجوكي ما صدقت لقيتك ..ياسعدو بيك وين يلقا مثلك ..اسمحيلي ولا عندي حساسية من زواج لعروس لي نشوفها راح تتزوج نولي نبكي لا اراديا تغيضني لانها راح تروح من اطيب حضن وهي الام ..وتخرج للمسوولية و التعب...المهم ربي يهنبك ويخليك لينا

[وفاء الياسمين]

المشاركة الأصلية كتبت بواسطة حبيييبة

مساء الخيرات و البركات حبيبات قلبي
اشتقت لكم جمييييييعا
واش راكم ان شاء الله بخير
اسمحولي على الغياب حبيباتي
اصبت بوعكة صحية طفيفة
راه عندي هبوط في الضغط
لكن ماشي حاجة كبيرة
مجرد ارهاق ولازمني نرتاح شويا
لكن الاهم اني نرتاح فكريا

مازال ماقريتش واش فاتني
غير اني لحقت فقط على تقرير حبيبتنا أم صبرين
اللي خلاني نتفائل بزاااااااااااااف
و نحس بالحماس و النشاط في عروقي

ربي يحفظكم و يحميكم حبيباتي و يخليكم ليا يااا رب
رايحة نقرا قااع واش فاتني الآن حبيباتي و نرجعلكم

بالمناسبة.. بالنسبة للبنات اللي خافوا اني نسمح فيهم و راهم محتاجين أني نوقف معاهم
رغم أني عندي تجهيزات مهمة و كثيرة للتحضير لعرسي
أعلمهم أنوا عرسي ألغي.. و تم تأجيله الى اجل غير مسمى لظروف أرادها الله
فقدر الله و ماشاء فعل
فاطمئنوا لقد تفرغت لكم.. لم يعد عندي ما يشغلني عنكم حاليا
و راني هنا نوقف معاكم في اي شي تحتاجوه
و ربي الموفق و المعين باذنه سبحانه و تعالى

أعانك الله حبيبة

[omoussamawarazane]

السلام عليكم
يعطيكم الصحة راكم شاطرات و تطلعو المورال
عندي مدة ما شاركتش معاكم بنتي دارت فاكسان تاع عام ونص اهتميت بيها و لما تحسنت كنت معولة نروح نزور اهلي غسلت القش و الفراش درت ميناج للدار طيبت شوية كروكي لبابا ربي يحفظو لكن الزيارة تأجلت
والله درتولي الكوراج شاركت في دورة طبخ
و رجعت لخدمة الكروشي نفوت بيها الوقت
اليوم نضت مع صلاة الفجر صليت و كملت صدر كروشي خدمتو لواحدة ان شاء الله يعجبها
لما ناضو ولادي دوشتهم و ضرك نروح نحط الغدا

[ام امير واية]

السلام عليكم ورحمة الله وبركاته سلام لملهمتنا الرائعة حبيبة وتحياتي لكل المشاركات ...كنت متتبعة ومراقبة من بعيد وكنت معجبة بكم كثيرا وبنشاطكم وحيويتكم واقبالكم للحياة فاتمنى ان تنتقل هاته العدوى لي انا الحمد لله انسانة مسؤولة في بيتي وبيتي منظم ومرتب على قدر استطاعتي ولكن في مرات عديدة تنتابني حالات ياس واحباط شديدة لعدم التقدير لما اقوم به مهما فعلت .بل العكس يتم تهبيط عزيمتي وبتقزيم ما افعل لاولادي وبيتي ولكن مرات اقتل هذا الشعور واثبت لنفسي ان ما اقوم به هو في ميزان حسناتي ولاجلي انا ولاولادي ولاحس انني ذات قيمة وفائدة في حياتي...ربما اطلت عليكم الحديث وهذا لاؤكد لكم ما ذا فعلتم بي ولكلمات حبيبة اللتي اثرت بي كثيرا واعطتني جرعة قوة وبان اتعلم ان احب نفسي واعطيها قيمتها ولا انتظر تقييم الاخرين ...شكراااا من القلب يا اغلى حبيبة ......تقبلو مروري وتحياتي للجميع وبالتوفيق.....