الملتقى التشاوري لمتأهلات مسابقة رمضان الكبرى

[عطرالذهب]

جيادا لحقوك التصاور

[أم ضياء عبد الرحيم]

صباحك فل عطور جات فووووووووووووور يعطيك الصحة و الله نستعرف بيك الصورة نخير الاولى و زيدي شوفي مع الاخت مياسم و سامحيلي طولت باه رديت هذا وين شفت الرسالة كنت نخدم و خليت العضوية مفتوحة

[أم ضياء عبد الرحيم]

عطور قريب نكمل صينة السهرة ن راح ندير الكريم و السحور نبعثلك صورة اولية للصينية باه تكون عندك فكرة و تقوليلي واش نبدل

[مياسم الصمت]

يومكم مبارك ان شاء الله

كنت اردت الرد صباحا وانقطعت النت


عطور اردت ان اقول لك عند القيام بأخذ صورة للعمل حاولي ان تلبسي العباية ويقوماحد بالتصوير ثم قومي بالتضليل

حتى يظهر العمل جيدا و يظهر جماله

شوقتيني لرؤية العباية

[عطرالذهب]

اختي مياسم راني بعثتلك الصور اختاري المناسبة وضلليها لاني حاولت نضللهم خرجو الحواف نتاع العباءة زيقزاق

[عطرالذهب]

جيادا يعطيك الصحة على بالي بللي ايديك يتلفو في الحرير
راني انا ايضا نخدم الان في سحور بريزونتابل ماعندي ماخسرت ماكلينو ماكلينو هههههههههه
كي نكملو نبعثهولك تشوفيه

[أم ضياء عبد الرحيم]

اوكي ذرك نبعثلك الصور و قوليلي البوشات نخدميها انت

[عطرالذهب]

ايه جيادا البوشات لازم نخدمها انا باش تجي متناسقة مع العباءة وراني بعثت الصور للاخت مياسم ونبهتني لبعض الامور نحاول نصلحهم ونبعثلكم الصور النهائية

[مياسم الصمت]

يعطيك الصحة عطور

كمليها وعاودي صوريها وابعثيها لي نظللها بطريقتي ان شاء الله

يعطيكم الصحة

[أم ضياء عبد الرحيم]

عطور راني بعثت الصور يا ريت تقوليلي ملاحظاتك ذرك باه نبدل

[عطرالذهب]

نخليكم نروح نصلي الظهر ونبدا في فطوري اليوم عندي ضيوف

[أم ضياء عبد الرحيم]

اختي مياسم قوليلي ملاحظاتك على الصور و اذا ما خرجتش على التحدي المطلوب

[أم ضياء عبد الرحيم]

استناي عطور تشوفي الصور

[مياسم الصمت]

جيادا حولت الصور لعطور

لكن عندي ملاحظات ربما توافقوني عليهم والا لا

صراحة الفانوس شوه منظر الصينية ربما اذا عندك اشياء اخرى
مثلا كشموع الزينة الملونة التي تباع على شكل كؤوس تعطي مظهر رائع ورومانسي

حتى تقدري تصنعيها وحدك

الصحون كانت مبعدة بزاف على بعضاها خلقت فراغ في الصينية مما جعل الصورة غير واضحة لما حاولتي تلتقطي الصور

ربما ضعي البلاطو في النص ورتبي الصحون بشكل انيق وعلى جوانب الطاولة زينيها افضل بما لديك

لكن الفانوس لا انصحك به خاصة انه شغل يد نقص من جمالية الطاولة

وكما قلت لك البعد بين الصحون ما ظهر والوا من جمال الضيافة

[عطرالذهب]

اختي مياسم بارك الله فيك على الملاحظات اللي اكيييد تخدمنا كثيرا